Լոռու անտառային ֆոնդի պահպանության պատասխանատու 9 պաշտոնատար անձանց դեմ քրգործ է հարուցվել

© Official site of the Prosecutor General's office of RAՀՀ գլխավոր դատախազություն
ՀՀ գլխավոր դատախազություն - Sputnik Արմենիա, 1920, 06.09.2021
Բաժանորդագրվեք
Լոռու մարզի դատախազը ՀՀ ոստիկանության պետի առաջին տեղակալին գրություն է հասցեագրել վերահսկողությունն ուժեղացնելու համար։
ԵՐԵՎԱՆ, 6 սեպտեմբերի – Sputnik. 2021թ. հուլիսի 28-ից մինչ սեպտեմբերի 1-ն ընկած ժամանակահատվածում 9 պաշտոնատար անձանց` 6 անտառապետի և 3 անտառապահի դեմ քրեական գործ է հարուցվել։ Տեղեկությունը հայտնում է դատախազությունը` հավելելով, որ նրանց մեղադրանք է առաջադրվել քրեական օրենսգրքի 315-րդ հոդվածի 2-րդ մասի հատկանիշներով (պաշտոնեական անփութություն):
Здание полиции Карабаха - Sputnik Արմենիա, 1920, 04.09.2021
Հայտնի է, թե Արցախի որ նախարարն է մեղադրվում 6 մլն դրամի չարաշահման մեջ
«Պարտավոր լինելով իրականացնել կանխարգելիչ միջոցառումներ և հսկողություն ապօրինի անտառահատումների նկատմամբ` նրանք պատշաճ չեն կատարել իրենց վրա դրված պարտականությունները: Մասնավորապես իրենց վերապահված պահաբաժիններում պարբերաբար շրջայցեր չեն իրականացրել, ինչի հետևանքով արձանագրվել է ապօրինի հատված 1471 տարբեր տեսակի և տրամագծերով ծառեր: Դրանց հետևանքով կենդանական և բուսական աշխարհին պատճառվել է շուրջ 136 մլն դրամի վնաս»,–նշված է հաղորդագրության մեջ։
15 բջջային հեռախոս էր գողացել ու փող. Սպիտակի բնակչի երևանյան «հյուրախաղերը»
Բացի այդ, հարուցված քրեական գործերով կատարված նախաքննությամբ ձեռք բերված բավարար տվյալների գնահատմամբ 2021թ. առաջին հինգ ամիսներին ևս ընդհանուր 18 պաշտոնատար անձի՝ «Հայանտառ» ՊՈԱԿ-ի՝ Լոռու մարզի տարբեր անտառային տնտեսությունների անտառապետերի, անտառապահների, ինժեներների առաջադրվել են մեղադրանքներ՝ ՀՀ քրեական օրենսգրքի 315-րդ հոդվածի 2-րդ մասի և 314-րդ հոդվածի 1-ին մասի հատկանիշներով (պաշտոնեական կեղծիք)։
Լոռու մարզի դատախազը գրություն է հասցեագրել ՀՀ ոստիկանության պետի առաջին տեղակալին՝ կոնկրետ նշելով այն անհրաժեշտ միջոցառումները, որոնք անհրաժեշտ են ձեռնարկել մարզում ապօրինի անտառահատումների կանխարգելման, անտառների նկատմամբ հսկողության ուժեղացման նպատակով:
44–օրյայի մասնակից մայոր է կալանավորվել. ՀՀ ՔԿ
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала