Ձերբակալվել է քննչական կոմիտեի նախկին նախագահ Աղվան Հովսեփյանը

© Sputnik / Aram NersesyanМеждународная конференция в Следственном комитете Армении на тему "Расследование преступлений с участием несовершеннолетних"
Международная конференция в Следственном комитете Армении на тему Расследование преступлений с участием несовершеннолетних - Sputnik Արմենիա, 1920, 07.09.2021
Բաժանորդագրվեք
Yandex newsTelegram
Հովսեփյանին առաջադրված մեղադրանքներից մեկն էլ այն է, որ նա հանցավոր ճանապարհով ստացված 1 միլիարդ 299 միլիոն դրամի գույք է օրինականացրել։
ԵՐԵՎԱՆ, 7 սեպտեմբերի – Sputnik. ՀՀ քննչական կոմիտեի նախկին նախագահ, նախկին դատախազ Աղվան Հովսեփյանին մեղադրանք է առաջադրվել, նա ձերբակալվել է։ Տեղեկությունը հայտնում է Հատուկ քննչական ծառայությունը։
Человек, считающий деньги - Sputnik Արմենիա, 1920, 24.08.2021
Կաշառք են տվել ու վարորդական վկայականներ ստացել. ՃՈ տեսուչը ձերբակալվել է
Հիմնավորվել է, որ Հովսեփյանը, 2004 թվականի մարտի 18-ից մինչև 2013 թվականի սեպտեմբերի 13-ը, զբաղեցնելով ՀՀ գլխավոր դատախազի, իսկ 2014 թվականի հուլիսի 18-ից մինչև 2018 թվականի հունիսի 11-ը՝ ՀՀ քննչական կոմիտեի նախագահի պաշտոնները, կառավարել է նաև ձեռնարկատիրական գործունեություն իրականացնող մի շարք ընկերություններ։
Բացի այդ, նա ստացել է առանձնապես խոշոր չափերով` 190 մլն դրամ կաշառք և խարդախության եղանակով կատարել 800 մլն դրամ գույքի հափշտակություն: Հովսեփյանին մեղադրանք է առաջադրվել նաև հանցավոր ճանապարհով ստացված 1 միլիարդ 299 միլիոն դրամի գույքը (փողերի լվացում) օրինականացնելու համար:
Հովսեփյանին մեղադրանք է առաջադրվել ՀՀ քրեական օրենսգրքի 310-րդ հոդվածով (ձեռնարկատիրական գործունեությանն ապօրինի մասնակցելը), 311-րդ հոդվածի 4-րդ մասի 2-րդ կետով (կաշառք ստանալը), 178-րդ հոդվածի 3-րդ մասի 1-ին կետով (խարդախությունը) և 190-րդ հոդվածի 3-րդ մասի 1-ին կետով (հանցավոր ճանապարհով ստացված եկամուտներն օրինականացնելը` փողերի լվացումը):
Վարդան Ղուկասյանի որդին ձերբակալվել է
ՀՔԾ–ն հայտնում է նաև, որ նախաքննության ընթացքում առավել մանրամասն տեղեկատվություն կհրապարակվի։
Հիշեցնենք, որ Հովսեփյանը եղել է քննչական կոմիտեի նախագահ 2014-18 թվականներին, իսկ մինչ այդ 9 տարի` 2004-13 թվականներին զբաղեցրել է ՀՀ գլխավոր դատախազի պաշտոնը։
Լրահոս
0