https://arm.sputniknews.ru/20210907/harsanekan-furshet-saxmosavanqum-28922128.html
Արաբական և լատինաամերիկյան երաժշտություն, հարսանեկան ֆուրշետ Սաղմոսավանքում. տեսանյութ
Արաբական և լատինաամերիկյան երաժշտություն, հարսանեկան ֆուրշետ Սաղմոսավանքում. տեսանյութ
Sputnik Արմենիա
Վերջին շրջանում Հայաստանում պատմամշակութային կոթողների մոտ իրականացված հարսանեկան արարողությունները հասարակության վրդովմունքն են առաջացնում և մեծ աղմուկի... 07.09.2021, Sputnik Արմենիա
2021-09-07T18:55+0400
2021-09-07T18:55+0400
2021-09-07T18:59+0400
հասարակություն
հայաստան
սաղմոսավանք
հարսանիք
երաժշտություն
հայ առաքելական եկեղեցի
https://cdn.am.sputniknews.ru/img/361/81/3618132_0:134:2000:1264_1920x0_80_0_0_15c75ca13bf23b6bb403053e8b700225.jpg
ԵՐԵՎԱՆ, 7 սեպտեմբերի –Sputnik. Սաղմոսավանքի բակում օրերս պսակադրությունից հետո արաբական և այլազգի երաժշտություն է հնչել ու հարսանեկան ֆուրշետ մատուցվել։ Sputnik Արմենիայի խմբագրությունն իր ընթերցողներից մեկից տեսանյութ է ստացել, որտեղ երևում է Սաղմոսավանքում տեղի ունեցած հարսանեկան արարողությունը։Նշենք, որ օրեր առաջ հանրային մեծ հնչեղություն ստացավ Գառնիի հեթանոսական տաճարում տեղի ունեցած հարսանեկան արարողությունը, որն ըստ տեսանյութը տարածողների, ուղեկցվել էր ռաբիս երաժշտությամբ։Սաղմոսավանքում պսակադրված զույգը որոշել է հարսանեկան ֆուրշետը հենց եկեղեցու բակում կազմակերպել։ Եկեղեցուն շատ մոտ, (տեսանյութից տպավորություն է ստեղծվում, որ օգտագործվել է եկեղեցու դրսի պատը) տեղադրվել են զարդարված ստենդեր, սեղաններ և աթոռներ, որտեղ հյուրերին տարբեր ուտելիքներ են մատուցել։Պատահականության բերումով այդ հարսանեկան արարողությանն ականատես եղած մշակութաբան Քնար Միրզոյանը Sputnik Արմենիայի հետ զրույցում նշեց, որ եկեղեցու բակում հնչել է տարատեսակ երաժշտություն, այդ թվում` լատինաամերիկյան և արաբական։«Իմ կարծիքը նման երևույթների մասին միանշանակ բացասական է, քանի որ եկեղեցում օրհնվում է պսակադրությունը, որը որևէ կապ չի կարող ունենալ ուտել–խմելու, անճաշակ երաժշտության և խայտաբղետ արարողությունների հետ։ Սա պարզապես ցուցամոլություն է և տգիտություն։ Մարդիկ ուզում են ինչ-որ բան անել, որը ոչ մեկը դեռ չի արել։ Ավանդական ոչինչ չենք տեսնում»,–ասաց Միրզոյանը։Նա հայտնեց, որ Հայաստան ժամանած հյուրերի հետ օրեր առաջ ուխտագնացության է կատարել Սաղմոսավանք, որտեղ այդ պահին տեղի է ունեցել հարսանեկան արարողությունը։ Հյուրերը, որոնք սփյուռքահայեր են եղել, զարմացել են իրենց տեսածից և դժգոհություն հայտնել։«Եկեղեցու բակում լսեցինք է՛լ լատինոամերիկյան, է՛լ արաբական երաժշտություն։ Ու շատ զարմացանք, որ եկեղեցին նման բան է թույլ տվել։ Բնականաբար, նման թույլտվություն հենց այնպես չեն տալիս, դրա համար մարդիկ գումար են վճարում»,–ասաց նա։Միրզոյանն անդրադարձավ նաև Գառնիի տաճարում տեղի ունեցած աղմկահարույց հարսանիքին, շեշտելով, որ այնտեղ բազմաթիվ գերեզմաններ կան` թաղումներ են իրականացվել և այն նպատակահարմար չէ հարսանիքների համար։«Շատ հնարավոր է, որ ինչ-որ մեկին էլ դուր գա «Զվարթնոց» օդանավակայանը, ինչ է` պետք է գումարը վերցնեն ու հարսանիք անելու թույլտվություն տա՞ն»,–ասաց նա։«Միայն դեմ լինելը քիչ է»․ Գառնիի համայնքապետարանի արձագանքը քննադատության է արժանացելԻ տարբերություն մշակութաբանի, ՀՀ կրթության, գիտության, մշակույթի և սպորտի նախարարությունը եկեղեցու բակում նմանօրինակ արարողություններին վատ չի վերաբերվում, ընդհակառակը` խրախուսում է։Նման կարծիք Sputnik Արմենիային հայտնեց ՀՀ ԿԳՄՍ նախարարի մամուլի քարտուղար Գեղամ Մելիքբեկյանը։«Դատելով տեսանյութից` ոգելից խմիչքով և խորովածով կերուխում չի եղել։ Քրիստոնեական եկեղեցի է, պսակադրությունն էլ եկեղեցում են կատարել, որից հետո եղել է ֆուրշետային հյուրասիրություն, դա նորմալ է։ ԿԳՄՍ նախարարությունը չի խրախուսում միայն երաժշտության մասը։ Եթե իսկապես արաբական և լատինաամերիկյան երաժշտություն է հնչել, ապա դա ճիշտ չէ»,–ասաց Մելիքբեկյանը։Նա մեկնաբանեց, որ հարսանեկան արարողությունները եկեղեցու բակում թեթև ֆուրշետային տարբերակով խրախուսելի են, քանի որ դրանք հայ առաքելական եկեղեցիների համար նաև հանրահռչակման տարբերակ են։Մելիքբեկյանը շեշտեց, որ միջոցառման ընթացքում այցելուների մուտքը եկեղեցի չի խաթարվել։ Նշենք, որ մեզ չհաջողվեց Սաղմոսավանքի վանահայր Տեր Օշին քահանա Հայրապետյանից որևէ մեկնաբանություն ստանալ։ Խնդրի մասին գրավոր մանրամասնելուց հետո անգամ, մեր զանգերը մնացին անպատասխան։Մեկնաբանություն չտվեց նաև Մայր Աթոռ Սուրբ Էջմիածնի մամուլի ծառայությունը` հորդորելով դիմել Տեր Օշինին, քանի որ վերջինիս համաձայնությամբ է եկեղեցում նման հարսանեկան արարողություն անցկացվել։
https://arm.sputniknews.ru/20210906/garni-argelocum-nmarorinak-paymannerov-mijocarum-chi-exel-kgmsn-hamadzaynutyamb-28904528.html
https://arm.sputniknews.ru/20210905/garni-tachar0harsaniq-parzabanum-28895180.html
սաղմոսավանք
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Սաղմոսավանքում պսակադրությունից հետո արաբական և այլազգի երաժշտություն է հնչել ու հարսանեկան ֆուրշետ մատուցվել
Sputnik Արմենիա
Սաղմոսավանքում պսակադրությունից հետո արաբական և այլազգի երաժշտություն է հնչել ու հարսանեկան ֆուրշետ մատուցվել
2021-09-07T18:55+0400
true
PT0M22S
Sputnik Արմենիա
media@sputniknews.com
+74956456601
MIA „Rosiya Segodnya“
հասարակություն , հայաստան, սաղմոսավանք, հարսանիք, երաժշտություն, հայ առաքելական եկեղեցի
հասարակություն , հայաստան, սաղմոսավանք, հարսանիք, երաժշտություն, հայ առաքելական եկեղեցի
Արաբական և լատինաամերիկյան երաժշտություն, հարսանեկան ֆուրշետ Սաղմոսավանքում. տեսանյութ
18:55 07.09.2021 (Թարմացված է: 18:59 07.09.2021) Վերջին շրջանում Հայաստանում պատմամշակութային կոթողների մոտ իրականացված հարսանեկան արարողությունները հասարակության վրդովմունքն են առաջացնում և մեծ աղմուկի պատճառ դառնում։
ԵՐԵՎԱՆ, 7 սեպտեմբերի –Sputnik. Սաղմոսավանքի բակում օրերս պսակադրությունից հետո արաբական և այլազգի երաժշտություն է հնչել ու հարսանեկան ֆուրշետ մատուցվել։
Sputnik Արմենիայի խմբագրությունն իր ընթերցողներից մեկից տեսանյութ է ստացել, որտեղ երևում է Սաղմոսավանքում տեղի ունեցած հարսանեկան արարողությունը։
Նշենք, որ օրեր առաջ հանրային մեծ
հնչեղություն ստացավ Գառնիի հեթանոսական տաճարում տեղի ունեցած հարսանեկան արարողությունը, որն ըստ տեսանյութը տարածողների, ուղեկցվել էր ռաբիս երաժշտությամբ։
Սաղմոսավանքում պսակադրված զույգը որոշել է հարսանեկան ֆուրշետը հենց եկեղեցու բակում կազմակերպել։ Եկեղեցուն շատ մոտ, (տեսանյութից տպավորություն է ստեղծվում, որ օգտագործվել է եկեղեցու դրսի պատը) տեղադրվել են զարդարված ստենդեր, սեղաններ և աթոռներ, որտեղ հյուրերին տարբեր ուտելիքներ են մատուցել։
Պատահականության բերումով այդ հարսանեկան արարողությանն ականատես եղած մշակութաբան Քնար Միրզոյանը
Sputnik Արմենիայի հետ զրույցում նշեց, որ եկեղեցու բակում հնչել է տարատեսակ երաժշտություն, այդ թվում` լատինաամերիկյան և արաբական։
«Իմ կարծիքը նման երևույթների մասին միանշանակ բացասական է, քանի որ եկեղեցում օրհնվում է պսակադրությունը, որը որևէ կապ չի կարող ունենալ ուտել–խմելու, անճաշակ երաժշտության և խայտաբղետ արարողությունների հետ։ Սա պարզապես ցուցամոլություն է և տգիտություն։ Մարդիկ ուզում են ինչ-որ բան անել, որը ոչ մեկը դեռ չի արել։ Ավանդական ոչինչ չենք տեսնում»,–ասաց Միրզոյանը։
Նա հայտնեց, որ Հայաստան ժամանած հյուրերի հետ օրեր առաջ ուխտագնացության է կատարել Սաղմոսավանք, որտեղ այդ պահին տեղի է ունեցել հարսանեկան արարողությունը։ Հյուրերը, որոնք սփյուռքահայեր են եղել, զարմացել են իրենց տեսածից և դժգոհություն հայտնել։
«Եկեղեցու բակում լսեցինք է՛լ լատինոամերիկյան, է՛լ արաբական երաժշտություն։ Ու շատ զարմացանք, որ եկեղեցին նման բան է թույլ տվել։ Բնականաբար, նման թույլտվություն հենց այնպես չեն տալիս, դրա համար մարդիկ գումար են վճարում»,–ասաց նա։
Միրզոյանն անդրադարձավ նաև Գառնիի տաճարում տեղի ունեցած աղմկահարույց հարսանիքին, շեշտելով, որ այնտեղ բազմաթիվ գերեզմաններ կան` թաղումներ են իրականացվել և այն նպատակահարմար չէ հարսանիքների համար։
«Շատ հնարավոր է, որ ինչ-որ մեկին էլ դուր գա «Զվարթնոց» օդանավակայանը, ինչ է` պետք է գումարը վերցնեն ու հարսանիք անելու թույլտվություն տա՞ն»,–ասաց նա։
Ի տարբերություն մշակութաբանի, ՀՀ կրթության, գիտության, մշակույթի և սպորտի նախարարությունը եկեղեցու բակում նմանօրինակ արարողություններին վատ չի վերաբերվում, ընդհակառակը` խրախուսում է։
Նման կարծիք Sputnik Արմենիային հայտնեց ՀՀ ԿԳՄՍ նախարարի մամուլի քարտուղար Գեղամ Մելիքբեկյանը։
«Դատելով տեսանյութից` ոգելից խմիչքով և խորովածով կերուխում չի եղել։ Քրիստոնեական եկեղեցի է, պսակադրությունն էլ եկեղեցում են կատարել, որից հետո եղել է ֆուրշետային հյուրասիրություն, դա նորմալ է։ ԿԳՄՍ նախարարությունը չի խրախուսում միայն երաժշտության մասը։ Եթե իսկապես արաբական և լատինաամերիկյան երաժշտություն է հնչել, ապա դա ճիշտ չէ»,–ասաց Մելիքբեկյանը։
Նա մեկնաբանեց, որ հարսանեկան արարողությունները եկեղեցու բակում թեթև ֆուրշետային տարբերակով խրախուսելի են, քանի որ դրանք հայ առաքելական եկեղեցիների համար նաև հանրահռչակման տարբերակ են։
Մելիքբեկյանը շեշտեց, որ միջոցառման ընթացքում այցելուների մուտքը եկեղեցի չի խաթարվել։
Նշենք, որ մեզ չհաջողվեց Սաղմոսավանքի վանահայր Տեր Օշին քահանա Հայրապետյանից որևէ մեկնաբանություն ստանալ։ Խնդրի մասին գրավոր մանրամասնելուց հետո անգամ, մեր զանգերը մնացին անպատասխան։
Մեկնաբանություն չտվեց նաև Մայր Աթոռ Սուրբ Էջմիածնի մամուլի ծառայությունը` հորդորելով դիմել Տեր Օշինին, քանի որ վերջինիս համաձայնությամբ է եկեղեցում նման հարսանեկան արարողություն անցկացվել։
