Լիլիթ Մակունցը հեռավար հանդիպում է ունեցել կոնգրեսական Ջեքի Սփիրի հետ

© Sputnik / Aram NersesyanИ.о. министра культуры Лилит Макунц на пресс-конференция по итогам полугодовой деятельности (22 ноября 2018). Еревaн
И.о. министра культуры Лилит Макунц на пресс-конференция по итогам полугодовой деятельности (22 ноября 2018). Еревaн - Sputnik Արմենիա, 1920, 11.09.2021
Բաժանորդագրվեք
Ջեքի Սփիրի հետ հեռավար հանդիպման ընթացքում ԱՄՆ-ում ՀՀ դեսպանը ընդգծել է Ադրբեջանում պահվող հայ ռազմագերիների և քաղաքացիական անձանց հայրենադարձման անհրաժեշտությունը։
ԵՐԵՎԱՆ, 11 սեպտեմբերի - Sputnik. ԱՄՆ-ում ՀՀ դեսպան Լիլիթ Մակունցը հեռավար հանդիպում է ունեցել Կոնգրեսի հայկական հարցերի հանձնախմբի համանախագահ կոնգրեսական Ջեքի Սփիրի հետ։ Տեղեկությունը հայտնում է դեսպանության մամուլի ծառայությունը։
Ըստ հաղորդագրության` Մակունցը ներկայացրել է Արցախի շուրջ ստեղծված իրավիճակը և ընդգծել 44-օրյա պատերազմին հաջորդած առաջնահերթ հումանիտար խնդիրների լուծման հրատապությունը: Այդ կապակցությամբ դեսպանն ընդգծել է Ադրբեջանում պահվող հայ ռազմագերիների և քաղաքացիական պատանդների անվերապահ հայրենադարձման անհրաժեշտությունը։
Զրուցակիցները կարևորել են ԵԱՀԿ Մինսկի խմբի համանախագահության հովանու ներքո ղարաբաղյան հակամարտության խաղաղ կարգավորման գործընթացի վերսկսման անհրաժեշտությունը:
Հիշեցնենք` «Քաղաքացիական պայմանագիր» կուսակցության ընտրացուցակի երրորդ հորիզոնականը զբաղեցնող Լիլիթ Մակունցը, որն ավելի վաղ հրաժարվել էր Ազգային ժողովի պատգամավորի մանդատից, օգոստոսի 2-ին նշանակվեց ԱՄՆ–ում արտակարգ և լիազոր դեսպան։
ԱՄՆ դեսպան Վարուժան Ներսիսյանը հետ էր կանչվել հուլիսի 16-ին։
Օգոստոսի 3-ին ՀՀ նախագահ Արմեն Սարգսյանի հրամանագրով Մակունցին արտակարգ և լիազոր դեսպանի դիվանագիտական աստիճան շնորհվեց։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала