https://arm.sputniknews.ru/20210913/artur-xazinyany-3-rd-angam-chyntrvec-handznajoxovi-poxnaxagah-28989777.html
Արթուր Ղազինյանը 3-րդ անգամ չընտրվեց հանձնաժողովի փոխնախագահ
Արթուր Ղազինյանը 3-րդ անգամ չընտրվեց հանձնաժողովի փոխնախագահ
Sputnik Արմենիա
Արթուր Ղազինյանն անդրադարձավ իր հայտարարագրին, որն իշխանության մոտ ինչ–որ կասկածներ է առաջացրել։ 13.09.2021, Sputnik Արմենիա
2021-09-13T14:46+0400
2021-09-13T14:46+0400
2021-09-13T15:11+0400
հայաստան
արթուր ղազինյան
աժ (ազգային ժողով)
https://cdn.am.sputniknews.ru/img/07e5/08/02/28517240_0:0:1485:836_1920x0_80_0_0_cdb4fc1aeeec11a51e60b203d023c3fb.jpg
ԵՐԵՎԱՆ, 13 սեպտեմբերի – Sputnik. ԱԺ «Հայաստան» խմբակցության առաջադրած թեկնածու Արթուր Ղազինյանը երրորդ անգամ էլ չընտրվեց ՀՀ ԱԺ պաշտպանության և անվտանգության հարցերի մշտական հանձնաժողովի նախագահի տեղակալ։ Այս պաշտոնը, ըստ Դոնթի բանաձևի, հատկացված է ընդդիմությանը։«Պարոն Ղազինյան, «Հայաստան» խմբակցությունը կարող է ներկայացնել կա՛մ Ձեզ, կա՛մ այլ թեկնածուի։ Կարծում եմ՝ «Հայաստան» դաշինքի քաղաքական դիրքորոշումն իրենք կարտահայտեն համապատասխան գրությամբ», - հանձնաժողովի արտահերթ նիստում հայտարարեց նիստը նախագահող Անդրանիկ Քոչարյանը։Նրա խոսքով` Դոնթի բանաձևը կոնսենսուս առաջարկող է, դա պարտադրանք չէ, որի միջոցով ընտրվում են տեղակալները։«Դա աշխատանքի տեղավորման բյուրո չէ, այդ բանաձևը պարոն Ղազինյանի համար չէ, ընդդիմության համար է, իսկ մեր հանձնաժողովում առնվազն 4 անդամ կա»,–ասաց Քոչարյանը։Ղազինյանը արձագանքեց Քոչարյանին` անդրադառնալով իր հայտարարագրին, որն իշխանության մոտ ինչ–որ կասկածներ է առաջացրել։ Նրա խոսքով` եթե ինքը որոշեր հայտարարագրում ինչ–որ բան թաքցնել, ապա ոչ մեկը չէր կարող դա հայտնաբերել։ Բայց նման ցանկություն չի ունեցել։Հիշեցնենք, որ իշխանական պատգամավորները Ղազինյանի թեկնածությանը դեմ էին քվեարկել նաև օգոստոսի 31-ին ու սեպտեմբերի 6-ին։ Նշենք, որ ըստ ԿԸՀ ներկայացրած հայտարարագրի՝ Արթուր Ղազինյանն ունի 1 բնակարան և 1 հողամաս Երևանում: Որպես շարժական գույք հայտարարագրել է 2016 թվականի արտադրության «Jaguar» մակնիշի ավտոմեքենա: ԵՊՀ–ից ստացել է 22 մլն դրամ աշխատավարձ, ինչը ամսական կտրվածքով 1 մլն 833 հազար դրամ է կազմում: Հայտարարագիրը ներկայացնելու օրվա դրությամբ՝ 2021 թ. հունիսի 7-ին, Ղազինյանն ունեցել է 30 մլն դրամ, 200 հազար եվրո և 500 հազար դոլար:Անդրանիկ Քոչարյանը օգոստոսի 31-ին հանձնաժողովի նիստում Ղազինյանին հարցրել էր. «Ձեր հայտարարագրում երևում է, որ դուք շատ հարուստ եք, դա գիտական գործունեության արդյունքո՞ւմ է, թե՞ Հովիկ Աբրահամյանի մոտ աշխատանքի արդյունքում»: Ղազինյանը պատասխանել էր, որ 10 տարի չի զբաղվել պետական ծառայությամբ, ունեցել է հնարավորություն օրենքով չարգելված ձեռնարկատիրական գործունեությամբ զբաղվելու ոչ միայն Հայաստանում, այլև դրանից դուրս:
https://arm.sputniknews.ru/20210831/arsen-torosyan-az-ynddiutyun-ceckrtuq-28835609.html
https://arm.sputniknews.ru/20210913/vat-azdakner-syuniq-sahman-aac-28990239.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, արթուր ղազինյան, աժ (ազգային ժողով)
հայաստան, արթուր ղազինյան, աժ (ազգային ժողով)
Արթուր Ղազինյանը 3-րդ անգամ չընտրվեց հանձնաժողովի փոխնախագահ
14:46 13.09.2021 (Թարմացված է: 15:11 13.09.2021) Արթուր Ղազինյանն անդրադարձավ իր հայտարարագրին, որն իշխանության մոտ ինչ–որ կասկածներ է առաջացրել։
ԵՐԵՎԱՆ, 13 սեպտեմբերի – Sputnik. ԱԺ «
Հայաստան» խմբակցության առաջադրած թեկնածու Արթուր Ղազինյանը երրորդ անգամ էլ չընտրվեց ՀՀ ԱԺ պաշտպանության և անվտանգության հարցերի մշտական հանձնաժողովի նախագահի տեղակալ։ Այս պաշտոնը, ըստ Դոնթի բանաձևի, հատկացված է ընդդիմությանը։
«Պարոն Ղազինյան, «Հայաստան» խմբակցությունը կարող է ներկայացնել կա՛մ Ձեզ, կա՛մ այլ թեկնածուի։ Կարծում եմ՝ «Հայաստան» դաշինքի քաղաքական դիրքորոշումն իրենք կարտահայտեն համապատասխան գրությամբ», - հանձնաժողովի արտահերթ նիստում հայտարարեց նիստը նախագահող Անդրանիկ Քոչարյանը։
Նրա խոսքով` Դոնթի բանաձևը կոնսենսուս առաջարկող է, դա պարտադրանք չէ, որի միջոցով ընտրվում են տեղակալները։
«Դա աշխատանքի տեղավորման բյուրո չէ, այդ բանաձևը պարոն Ղազինյանի համար չէ, ընդդիմության համար է, իսկ մեր հանձնաժողովում առնվազն 4 անդամ կա»,–ասաց Քոչարյանը։
Ղազինյանը արձագանքեց Քոչարյանին` անդրադառնալով իր հայտարարագրին, որն իշխանության մոտ ինչ–որ կասկածներ է առաջացրել։ Նրա խոսքով` եթե ինքը որոշեր հայտարարագրում ինչ–որ բան թաքցնել, ապա ոչ մեկը չէր կարող դա հայտնաբերել։ Բայց նման ցանկություն չի ունեցել։
«Կա Դոնթի բանաձև, որով ընդդիմությունն առաջարկում է իր թեկնածուին։ Հիմա ուզում եք` դեմ քվեարկեք, ուզում եք` մի քվեարկեք, դա ձեր իրավունքն է։ Դուք ունեք ձեր քաղաքական դիրքորոշումը, ձեր խնդիրը։ Գտել եք հայտարարագիր, դրանից կառչել եք։ Եթե ես ներկայացնեմ իմ եկամուտների ծագումը, համապատասխան թուղթը, ձեր մոտ դրանից դիրքորոշում կփոխվի՞։ Կարիք չկա մութ սենյակում սև կատու փնտրելու, եթե ինչ–որ ապօրինություն լիներ, կգտնեիք, դուք ձևերը լավ գիտեք»,–ասաց Ղազինյանը։
Հիշեցնենք, որ իշխանական պատգամավորները Ղազինյանի թեկնածությանը դեմ էին քվեարկել նաև օգոստոսի 31-ին ու
սեպտեմբերի 6-ին։
13 սեպտեմբերի 2021, 15:02
Նշենք, որ ըստ ԿԸՀ ներկայացրած հայտարարագրի՝ Արթուր Ղազինյանն ունի 1 բնակարան և 1 հողամաս Երևանում: Որպես շարժական գույք հայտարարագրել է 2016 թվականի արտադրության «Jaguar» մակնիշի ավտոմեքենա: ԵՊՀ–ից ստացել է 22 մլն դրամ աշխատավարձ, ինչը ամսական կտրվածքով 1 մլն 833 հազար դրամ է կազմում: Հայտարարագիրը ներկայացնելու օրվա դրությամբ՝ 2021 թ. հունիսի 7-ին, Ղազինյանն ունեցել է 30 մլն դրամ, 200 հազար եվրո և 500 հազար դոլար:
Անդրանիկ Քոչարյանը օգոստոսի 31-ին հանձնաժողովի նիստում Ղազինյանին հարցրել էր. «Ձեր հայտարարագրում երևում է, որ դուք շատ հարուստ եք, դա գիտական գործունեության արդյունքո՞ւմ է, թե՞ Հովիկ Աբրահամյանի մոտ աշխատանքի արդյունքում»: Ղազինյանը պատասխանել էր, որ 10 տարի չի զբաղվել պետական ծառայությամբ, ունեցել է հնարավորություն օրենքով չարգելված ձեռնարկատիրական գործունեությամբ զբաղվելու ոչ միայն Հայաստանում, այլև դրանից դուրս:
