https://arm.sputniknews.ru/20210915/aatsn-guce-entadrum-e-ajd-taratsqy-sahmanazatumic-hetvo-ancnelu-e-adrbejanin-ohanjan-33286703.html

ԱԱԾ–ն գուցե ենթադրում է` այդ տարածքը սահմանազատումից հետո անցնելու է Ադրբեջանին. Օհանյան

ԱԱԾ–ն գուցե ենթադրում է` այդ տարածքը սահմանազատումից հետո անցնելու է Ադրբեջանին. Օհանյան

Sputnik Արմենիա

Սեյրան Օհանյանը լրագրողների հետ զրույցում անդրադարձել է Կապան-Որոտան ճանապարհի` Ադրբեջանի հսկողության տակ գտնվող հատվածը ՀՀ ազգային անվտանգության ծառայության... 15.09.2021, Sputnik Արմենիա

2021-09-15T14:07+0400

2021-09-15T14:07+0400

2021-09-15T17:10+0400

հայաստան

սեյրան օհանյան

https://cdn.am.sputniknews.ru/img/07e5/04/0e/27179770_0:84:1601:984_1920x0_80_0_0_faa4becad9dbee5de7f1879d4954dbca.jpg

ԵՐԵՎԱՆ, 15 սեպտեմբերի – Sputnik. ԱԱԾ–ն գուցե ենթադրում է` Կապան-Որոտան ճանապարհի` Ադրբեջանի հսկողության տակ գտնվող հատվածը սահմանազատումից հետո անցնելու է Ադրբեջանին, դրա համար էլ ադրբեջանական անունով է կոչում այն։ Ազգային ժողովում լրագրողների հետ զրույցում նման կարծիք հայտնեց «Հայաստան» խմբակցության ղեկավար Սեյրան Օհանյանն` անդրադառնալով ԱԱԾ–ի հաղորդագրությանը։ Հայաստանի ԱԱԾ-ն սեպտեմբերի 12-ին հայտնել էր, որ Սյունիքի մարզի Որոտան բնակավայրի մոտ Ադրբեջանի վերահսկողության տակ գտնվող Էյվազլի բնակավայրի հատվածում ադրբեջանցի ոստիկանները իրանական բեռնատարները կանգնեցնում են փաստաթղթերն ու բեռները ստուգելու համար: Դիտարկմանը, թե իշխանությունը դա հիմնավորում է, որ Խորհրդային Միության քարտեզներով այդպես են կոչվել այդ տեղանունները, Օհանյանը պատասխանեց` որտե՞ղ են այդ քարտեզները ճանաչվել, և որո՞նք են իրավիճակը դրանցով դատելու իրավական հիմքերը։ Նա նշեց` ունենք բազմաթիվ պատմաբաններ, որոնք ապացուցում են, որ այդ տարածքները եղել են հայկական և ԽՍՀՄ տարիներին նման ճնշումների հետևանքով անցել են ադրբեջանցիներին։ Իրանական բեռնատարները` մեծ խնդրի փոքր մաս. ինչո՞ւ են Անկարան ու Բաքուն նոր պատերազմ ուզումՕհանյանը վստահեցրեց` եթե սահմանազատման աշխատանքներից հետո հասկանանք, որ այդ տարածքները հայկական են, շատ դժվար է լինելու ադրբեջանցիներին այդ դիրքերից հետ շպրտել։Արման Թաթոյանի հանձնարարությամբ աշխատանքային խումբ է մեկնել ՍյունիքՀիշեցնենք, որ նոյեմբերի 10-ի եռակողմ հայտարարությունից հետո սահմանային իրավիճակը փոխվել է ոչ միայն Արցախում, այլև ՀՀ որոշ մարզերում` Գեղարքունիքում, Վայոց ձորում, Սյունիքում։Ադրբեջանցի զինվորականները մայիսի 12-ից Հայաստանի Սյունիքի մարզի Սև լճի տարածքում և Գեղարքունիքի մարզի Կութ, Նորաբակ ու Վերին Շորժա գյուղերի սահմանային տարածքներում ներխուժել են ՀՀ ինքնիշխան տարածք ու փորձում են ամրապնդվել այնտեղ։Ադրբեջանցիները ողջերին խոշտանգել են, զոհերին` ծաղրել. ՄԻՊ–ն ապացույցներ է ներկայացնումՕգոստոսի 25-ից ադրբեջանցի զինվորականները փակել էին Կապան-Գորիս ավտոմայրուղու Կարմրաքար-Շուռնուխ հատվածի երթևեկությունը: Միջպետական ճանապարհը վերաբացվեց բանակցությունների արդյունքում։ 44-օրյա պատերազմի հետևանքով Գորիս-Կապան միջպետական ավտոճանապարհի 21 կիլոմետրանոց հատվածի որոշ հատվածներ, ըստ պաշտպանության նախարարության, վիճարկելի են, և այդ տարածքում ռուս սահմանապահներ են տեղակայվել։

https://arm.sputniknews.ru/20210915/menq-chenq-hamarum-vor-lernajin-gharabaghi-harcy-lutsvats-e-hhum-amn-despan--33285265.html

https://arm.sputniknews.ru/20210915/gvoris-kapan-tshanaparhy-erku-tegh-durs-e-galis-hajastani-sahmanic-pashinyan-33294803.html

2021

Լուրեր

am_HY

հայաստան, սեյրան օհանյան