Фон для радио  - Sputnik Արմենիա, 1920
ՌԱԴԻՈ

Կառավարությունում չեն հասկանում` ինչու են Գեղամասարի բնակիչներն ընդվզում

Կառավարությունում չեն հասկանում` ինչու են Գեղամասարի բնակիչներն ընդվզում
Համայնքների խոշորացման ծրագրի և այդ ծրագրի հետ կապված բացասական արձագանքի մասին Sputnik Արմենիայի եթերում զրուցել ենք ՀՀ ՏԿԵ նախարարության տեղական ինքնակառավարման քաղաքականության վարչության պետ Աշոտ Գալոյանի հետ։
Գեղարքունիքի մարզի Գեղամասար համայնքի խոշորացման գործընթացը որևէ բնակավայրի չի վնասի, հակառակը` այդ բնակավայերը շենացնելու, զարգացնելու ավելի մեծ հնարավորություններ է ստեղծում։ Sputnik Արմենիայի հետ զրույցում նման կարծիք հայտնեց ՀՀ ՏԿԵ նախարարության տեղական ինքնակառավարման քաղաքականության վարչության պետ Աշոտ Գալոյանը։
Եթե ԱԺ-ն հավանություն տա կառավարության որոշմանը, ապա Գեղամասարը, Վարդենիսը և ևս 12 հարակից բնակավայրեր կմիավորվեն մեկ շրջանի մեջ։ Արդյունքում Վարդենիսի շրջանը կունենա 47 գյուղական բնակավայր։ Գալոյանը վստահ է, որ այստեղ որևէ դժվարություն չկա, հակառակը`փոքր գյուղական բնակավայրերն առանձին կառավարելն է լուրջ խնդիր առաջացնում։

«Նման համայնքներ էլի ունենք, օրինակ`Կապանը, Սիսիանը 36 բնակավայր ունեն։ Ոչինչ չի խանգարում այդ բնակավայրերը ուժեղացնելուն։ Կառավարման մոդելն այնպիսին է, որ որևէ դժվարություն չկա։ Ինչքան մեծ, խոշոր, այնքան ուժեղ։ Առանձին խմբերով բնակավայրերի կարողությունները շատ թույլ են»,-հավաստիացրեց Գալոյանը։

Կառավարությունում չեն հասկանում, թե ինչու են բնակիչներն ընդվզում։ Գալոյանը հիշում է` 2017-ին էլ Գեղամասարի բնակավայրերի միավորման դեմ էին բողոքում, փողոց փակում։ Ի վերջո իրենց նպատակին հասան. որոշ համայնքներ չներառվեցին խոշորացված համայնքի կազմում։ Թե ինչ կլինի այս անգամ`պաշտոնյան դժվարանում է կանխատեսել։
Հիշեցնենք, որ Գեղարքունիքի մարզի Գեղամասար համայնքի բնակիչներն այսօր առավոտյան փակել էին Վարդենիս-Սոթք ճանապարհը՝ դեմ արտահայտվելով համայնքների խոշորացմանը և պնդելով, որ կառավարությունն առաջին հերթին պետք է լուծի իրենց անվտանգային խնդիրները։
Ցույցին ներկա էր նաև Գեղամասար համայնքի ղեկավար Հակոբ Ավետյանը, որի խոսքով ժողովուրդը դեմ է խոշորացմանը, բայց հաշվի չեն առնում բնակիչների կարծիքը։
Նա հայտնել էր, որ դիմել են տարածքային կառավարման և ենթակառուցվածքների նախարար Գնել Սանոսյանին, բայց ոչ մի արձագանք չկա։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала