Պապիկյանն ասել է` երբ վերջնականապես կառուցված կլինեն Սյունիքի այլընտրանքային ճանապարհները

© Sputnik / Asatur YesayantsПремьер-министр Никол Пашинян беседует с Суреном Папикяном на заседании Парламента (26 августа 2021). Еревaн
Премьер-министр Никол Пашинян беседует с Суреном Папикяном на заседании Парламента (26 августа 2021). Еревaн - Sputnik Արմենիա, 1920, 16.09.2021
Բաժանորդագրվեք
Փոխվարչապետի դիտարկմամբ` ճանապարհաշինական այս ծրագրերի իրականացման արդյունքում Հայաստանն Իրանի հետ կապող ճանապարհն ավելի անվտանգ ու ապահով կդառնա։
ԵՐԵՎԱՆ, 16 սեպտեմբերի - Sputnik. Սյունիքի մարզում կառուցվող այլընտրանքային ճանապարհների կառուցումը կառավարությունը մտադիր է վերջնական ավարտին հասցնել 2022թ–ի գարնանը։ Այս մասին այսօր լրագրողների հետ զրույցում ասել է ՀՀ փոխվարչապետ Սուրեն Պապիկյանը։
Դրանցից առաջինը Կապան–Տաթև գրունտային ճանապարհն է, որն այսօր վարորդներից շատ քչերն են ընտրում, այն էլ` միայն ոստիկանական խմբերի ուղեկցությամբ։
Иранские фуры на автотрассе при выезде из Гориса - Sputnik Արմենիա, 1920, 16.09.2021
Իրանցի վարորդներն ազատ կարձակվեն 3-օրյա ժամկետում. ՀՀ-ն Իրանի համար կմնա տարանցիկ երկիր
«Անհրաժեշտության դեպքում այն բեռնատարները, որոնք կցանկանան երթևեկել Կապան–Տաթև ուղղությամբ, կուղեկցվեն ոստիկանների կողմից, քանի որ այնտեղ, գիտեք, վերանորոգման աշխատանքներ են ընթանում, ու առանց ոստիկանական ուղեկցության խնդիրներ կարող են առաջանալ»,– ասաց Պապիկյանը` միաժամանակ հավելելով, որ այժմ շատերը խուսափում են այս ճանապարհով երթևեկելուց, քանի որ գերբեռնված են լինում ու նույնիսկ փոքր քարի պատճառով կարող են անցանկալի իրավիճակում հայտնվել։
Կապան–Տաթև ճանապարհով հիմնականում երթևեկում են միջին չափի ավտոմեքենաները։ Ասֆալտապատումից հետո, Պապիկյանի համոզմամբ, ճանապարհն ավելի երթևեկելի կդառնա։ Միակ խնդիրը , նրա խոսքով, կարող է ծագել Տաթևի "Սատանի կամուրջ" կոչվող հատվածում։ Բայց կառավարությունը նաև այս ճանապարհին է այլընտրանք կառուցելու` Տաթև–Լծեն ուղղությամբ։

«Արդեն իսկ հողային աշխատանքների մեկնարկը տրված է, և երկու ընկերություն առաջիկայում երկու կողմից կսկսեն շինարարական աշխատանքները։ Մեր նպատակն է մինչև տարեվերջ ունենալ այս ճանապարհի գրունտային տարբերակը։ Սա ենթադրում է, որ մենք կունենանքԿապանից Տաթև, այնուհետև` Տաթևից մինչև Լծեն և Մ2 ճանապարհ, որը բոլոր մեքենաների համար անցանելի կլինի»,–ասաց Պապիկյանը` ընդգծելով, որ գարնանը, եղանակի թույլ տալու պարագայում, այդ ճանապարհներն արդեն նաև կասֆալտապատվեն։

Սյունիքում ծրագրված է նաև նոր, այլընտրանքային ու անվտանգ ճանապարհներ կառուցել Տաթևից դեպի Բարձրավան, Շուռնուխ, Ճակատեն ու Որոտան գյուղեր։
ՀՀ փոխվարչապետի դիտարկմամբ` ճանապարհաշինական այս ծրագրերի իրականացման արդյունքում Հայաստանն Իրանի հետ կապող ճանապարհն ավելի անվտանգ ու ապահով կդառնա։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала