Ո՞ր արտախորհրդարանական ուժերն են հայտնվելու 44-օրյա պատերազմի հանձնաժողովում. "Ժողովուրդ"

© Sputnik / Asatur YesayantsАндраник Кочарян и Лена Назарян во время заседания Парламента (13 сентября 2021). Еревaн
Андраник Кочарян и Лена Назарян во время заседания Парламента (13 сентября 2021). Еревaн - Sputnik Արմենիա, 1920, 16.09.2021
Բաժանորդագրվեք
Հանձնաժողովի հետ կապված գործերը համակարգում է Անդրանիկ Քոչարյանը։ Արդեն իսկ հանձնարարված է, որ ամեն ինչ պետք է փակ, գաղտնի արվի։
ԵՐԵՎԱՆ, 16 սեպտեմբերի – Sputnik. «Ժողովուրդ» օրաթերթն իր այսօրվա համարում գրում է, որ 44-օրյա պատերազմի հանգամանքներն ուսումնասիրող քննիչ հանձնաժողովի կազմում արտախորհրդարանական ուժերից ընդգրկված կլինեն Սամվել Բաբայանի, Դավիթ Սանասարյանի և Նորայր Նորիկյանի գլխավորած ուժերը։
Здание Национального Собрания Армении - Sputnik Արմենիա, 1920, 10.09.2021
Հանձնաժողովի անվանումը չի փոխվի, «Արցախ» բառը չի ավելանա. այդ նախագիծն էլ չընդունվեց
«Ժողովուրդ» օրաթերթի տեղեկություններով՝ Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն անձամբ է որոշում, թե արտախորհրդարանական ուժերից որոնք պետք է ընդգրկված լինեն 44-օրյա պատերազմի հանգամանքներն ուսումնասիրող քննիչ հանձնաժողովի կազմում։
Հայտնել էինք, որ ՀՀ վարչապետ Նիկոլ Փաշինյանն արդեն երկու անգամ հանդիպում է ունեցել արտախորհրդարանական ուժերի հետ և առաջարկել համագործակցել տարբեր ոլորտներում, այդ թվում` ներկայացվածություն ունենալ քննիչ հանձնաժողովի կազմում։
Քաղաքականացված հանձնաժողո՞վ, թե՞ ռազմական տրիբունալ. ո՞րն առավել օբյեկտիվ կլինի
Թերթի տեղեկություններով՝ վերջին հանդիպման ժամանակ հստակեցվել է ցանկը, և չնայած ի սկզբանե առաջարկ է եղել, որ բոլոր ներկա ուժերն էլ լինեն, սակայն այդ առաջարկին դեմ է եղել Անդրանիկ Քոչարյանը՝ ասելով, թե այդպես նիստերի տևողությունը կերկարի, անբովանդակ կխոսեն, և որոշում է կայացրել կանգ առնել երեք արտախորհրդարանական ուժի վրա և նրանց ներկայացնել հանձնաժողովին։
Բացի այդ, «ԱԺ կանոնակարգի» համաձայն՝ հանձնաժողովի կազմում պետք է ընդգրկված լինեն Պաշտպանության հանձնաժողովի բոլոր անդամները։

«Այս ամենը, սակայն, համակարգում է հենց Անդրանիկ Քոչարյանը և որոշում բոլոր հարցերը, ընդ որում՝ արդեն իսկ հանձնարարված է, որ ամեն ինչ պետք է փակ, գաղտնի արվի»,–գրում է թերթը։



Նյութն ամբողջությամբ կարդացեք թերթի այսօրվա համարում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала