Արարատ Միրզոյանը ֆրանսիացի գործընկերոջ հետ քննարկել է գերիների վերադարձի հարցը

© AFP 2020 / KHALED DESOUKIՖրանսիայի ԱԳ նախարար Ժան-Իվ Լը Դրիան
Ֆրանսիայի ԱԳ նախարար Ժան-Իվ Լը Դրիան - Sputnik Արմենիա, 1920, 17.09.2021
Հայաստանի և Ֆրանսիայի արտգործնախարարներն ընդգծել են իրավիճակի դեէսկալացիային ու կայունությանն ուղղված ջանքերի գործադրման անհրաժեշտությունը։
ԵՐԵՎԱՆ, 17 սեպտեմբերի – Sputnik. Հայաստանի ԱԳ նախարար Արարատ Միրզոյանը և Ֆրանսիայի ԱԳ նախարար Ժան-Իվ Լը Դրիանը քննարկել են Ադրբեջանում պահվող հայ ռազմագերիների և քաղաքացիական պատանդների շուտափույթ հայրենադարձման հարցը։ Տեղեկությունը հայտնում է ՀՀ արտգործնախարարությունը` հավելելով, որ տեղի է ունեցել հեռախոսազրույց։

«ԱԳ նախարարներն անդրադարձ են կատարել Լեռնային Ղարաբաղի հակամարտությանը՝ կարևորելով ԵԱՀԿ Մինսկի Խմբի համանախագահության շրջանակներում խաղաղ կարգավորման գործընթացի վերսկսման անհրաժեշտությունը։ Միրզոյանը նշել է, որ Հայաստանն ու հայ ժողովուրդը բարձր են գնահատում Ֆրանսիայի կառավարության և խորհրդարանի դիրքորոշումն ու քայլերը պատերազմի օրերին և դրան հաջորդած շրջանում»,–նշված է հաղորդագրության մեջ։

Բացի այդ, անդրադարձ է կատարվել Հայաստանի ինքնիշխան տարածք ադրբեջանական զինված ուժերի ներթափանցման հետևանքով ստեղծված իրավիճակին։ Ընդգծվել է իրավիճակի դեէսկալացիային ու կայունությանն ուղղված ջանքերի գործադրման անհրաժեշտությունը։
В Ереван прибыла первая партия вакцины от covid19, отправленная из Франции - Sputnik Արմենիա, 1920, 14.09.2021
Ֆրանսիան 25 000 դեղաչափ պատվաստանյութ է նվիրել Հայաստանին. Մակրոնի հայերեն գրառումը
Զրուցակիցները գոհունակություն են հայտնել հայ-ֆրանսիական հարաբերությունների շարունակական զարգացման կապակցությամբ։ Պայմանավորվածություն է ձեռք բերվել առաջիկայում առավել հանգամանալից քննարկել տնտեսության բնագավառում փոխգործակցության ակտիվացման հեռանկարները։
Հիշեցնենք, որ սեպտեմբերի 4-ին Ժան-Իվ Լը Դրիանը շնորհավորել էր Միրզոյանին ՀՀ ԱԳ նախարարի պաշտոնում նշանակվելու կապակցությամբ և նշել` Ֆրանսիան կշարունակի օժանդակել Հայաստանին բազմաթիվ մարդկային կորուստների հանգեցրած ԼՂ հակամարտության հետևանքները հաղթահարելու գործում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала