ԲՀԿ–ն մասնակցելու է Ստեփանավանում կայանալիք ընտրություններին, հայտնի է թեկնածուի անունը

© Photo : Serouj / Public domainՍտեփանավանի հրապարակը
Ստեփանավանի հրապարակը - Sputnik Արմենիա, 1920, 17.09.2021
Չնայած դրան`ԲՀԿ քարտուղար Արման Աբովյանը ոչ հաստատում, ոչ հերքում է ՏԻՄ ընտրություններին ԲՀԿ–ի մասնակցությունը։
ԵՐԵՎԱՆ, 17 սեպտեմբերի - Sputnik. «Բարգավաճ Հայաստան» կուսակցությունը մասնակցելու է նոյեմբերի 14-ին Ստեփանավանում կայանալիք ՏԻՄ ընտրություններին։ ԲՀԿ-ի Ստեփանավանի տարածքային կառույցի Facebook էջը հրապարակել է թեկնածուի անունը և լուսանկարը։
«Սիրով տեղեկացնում ենք, որ ԲՀԿ-ի քաղաքական խորհուրդը որոշում է կայացրել մասնակցելու Ստեփանավան համայնքի ավագանու ընտրություններին, որտեղ ԲՀԿ համամասնական ցուցակը գլխավորելու է ԲՀԿ Ստեփանավանի խորհրդի նախագահ պարոն Հարություն Ղարագոզյանը», – գրված է հաղորդագրության մեջ։
Председатель ЦИК Тигран Мукучян отвечает на вопросы журналистов (22 июля 2021). Еревaн - Sputnik Արմենիա, 1920, 13.09.2021
Ժամկետանց անձնագրերով ընտրողները ՏԻՄ ընտրական ցուցակներում չեն ներառվի. Մուկուչյան
Չնայած դրան` ԲՀԿ քարտուղար Արման Աբովյանը Sputnik Արմենիայի հետ զրույցում ոչ հաստատում, ոչ հերքում է ՏԻՄ ընտրություններին ԲՀԿ–ի մասնակցությունը։
«Քննարկումները գնում են։ Թույլ տվեք` մանրամասներ չբացենք, բայց, այո, թեկնածուներ ունենք (տարբեր ՏԻՄ ընտրություններին)», – ասաց նա։
Աբովյանի խոսքով` ԲՀԿ–ն «միշտ կոնստրուկտիվ է եղել և չի մասնակցելու քաղաքական ուժերի` միմյանց ատելու ու փոխադարձ ոչնչացնելու գործընթացին»։
ԿԸՀ որոշմամբ` այս տարի ՏԻՄ ընտրություններ կանցկացվեն հոկտեմբերի 17-ին, նոյեմբերի 14-ին ու դեկտեմբերի 5-ին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала