https://arm.sputniknews.ru/20210917/erevanum-rusakan-grqi-tun-e-bacvel-33370658.html

Երևանում «Ռուսական գրքի տուն» է բացվել

Երևանում «Ռուսական գրքի տուն» է բացվել

Sputnik Արմենիա

Երևանում "Ռուսական գրքի տան" բացումը նշանակալի իրադարձություն է Ռուսաստանի ու Հայաստանի միջև հասարակական, մշակութային, լուսավորչական կապերի զարգացման հարցում: 17.09.2021, Sputnik Արմենիա

2021-09-17T14:48+0400

2021-09-17T14:48+0400

2021-10-07T17:30+0400

հայաստան

ռուսաստան

երևան

գիրք

գրականություն

https://cdn.am.sputniknews.ru/img/07e5/09/11/33364930_0:83:1600:983_1920x0_80_0_0_3510e77cbf02379626e9ec13f8c5036f.jpg

ԵՐԵՎԱՆ, 17 սեպտեմբերի - Sputnik. Երևանում այսօր` սեպտեմբերի 17–ին, տեղի ունեցավ Հայաստանի ու Ռուսաստանի բարերարների և հասարակական կազմակերպությունների ջանքերով ստեղծված "Ռուսական գրքի տուն" ոչ պետական մշակութային կենտրոնի բացումը:Կենտրոնում առկա է ռուսերեն հրատարակությունների լայն տեսականի։ Այն ոչ միայն ընթերցողների համար հասանելի կդարձնի ուսումնական և գեղարվեստական գրականությունը, այլև հնարավորություն կտա նրան մասնակցել մշակութային ու կրթական միջոցառումներին:Հայաստանում Ռուսաստանի դեսպանատան խորհրդական-դեսպանորդ Ալեքսեյ Սինեգուբովը նշեց, որ կենտրոնի բացումը երկու եղբայրական ժողովուրդների՝ Ռուսաստանի և Հայաստանի միջմշակութային երկխոսությունը զարգացնելուն ուղղված ևս մեկ օրինակ է։Նրա խոսքով՝ "Ռւսական գրքի տունը" կնպաստի կրթության ոլորտում երկկողմ շփումների ամրապնդմանը, մեր կապերի հետագա ընդլայնմանը: Սինեգուբովը կենտրոնն անվանել է ժամանակակից հարթակ, որը ստեղծվել է նորարարական առաջադեմ տեխնոլոգիաների օգտագործմամբ: Այն ոչ միայն այցելուների համար հասանելի կդարձնի ռուսական, գեղարվեստական, ուսումնական և գիտական գրականությունը, այլև կդառնա ևս մեկ կապող օղակ` բազա, որը միավորում է Հայաստանի ռուսախոս երիտասարդներին, կծառայի նաև որպես հասարակական միջոցառումների անցկացման վայր:Գյումրու ռուսական եկեղեցու ջնջված որմնանկարներն ու "ամենատես աչքը". ի՞նչ է եղել իրականումԽորհրդականը վստահ է, որ համատեղ ջանքերով կողմերին կհաջողվի ևս մեկ խոշոր և նշանակալի նախագիծ իրականացնել։ Նա մաղթել է, որ նորաստեղծ կառույցն իրական ձգողականության կենտրոն դառնա։Հայտնի գրող Յուրի Պոլյակովն իր հերթին նշեց, որ իր համար "Ռուսական գրքի տան" բացումը յուրահատուկ իրադարձություն է:"Ինձ սերտ կապեր են միացնում Հայաստանի հետ", - նշեց Պոլյակովը։Նա հիշեցրեց, որ հայ հանդիսատեսը դրական է գնահատել և ընդունել Ստանիսլավսկու անվան ռուսական պետական դրամատիկական թատրոնում բեմադրած իր չորս պիեսները: Պոլյակովը հույս հայտնեց, որ "Ռուսական գրքի տունը" կդառնա ռուս և հայ գրողների շփման վայր:Հայաստանում առաջին անգամ կազմակերպությունը հնարավորություն կստանա օգտվել Բ. ն. Ելցինի անվան նախագահական գրադարանի ավելի քան 200 հազար անվանում հասարակական և հումանիտար գիտությունների էլեկտրոնային ֆոնդերից, բնական և տեխնիկական առարկաներից, բժշկությունից և այլ ուղղություններից: Արժեքավոր հրատարակությունները հասանելի են բուհերի ուսանողներին ու հետազոտողներին։

երևան

2021

Լուրեր

am_HY

հայաստան, ռուսաստան, երևան, գիրք, գրականություն