https://arm.sputniknews.ru/20210917/inqnadzigvov-harvatsel-en-hajeri-meqenajin-qocharjany-adrbejancineri-het-mijadepi-masin-33377272.html

Ինքնաձիգով հարվածել են հայերի մեքենային. Քոչարյանը` ադրբեջանցիների հետ միջադեպի մասին

Ինքնաձիգով հարվածել են հայերի մեքենային. Քոչարյանը` ադրբեջանցիների հետ միջադեպի մասին

Sputnik Արմենիա

Գորիսի փոխհամայնքապետ Կարեն Քոչարյանը Sputnik Արմենիայի եթերում մանրամասներ է հայտնել նախօրեին հայերի և ադրբեջանցիների միջև տեղի ունեցած միջադեպից։ 17.09.2021, Sputnik Արմենիա

2021-09-17T16:52+0400

2021-09-17T16:52+0400

2021-09-17T19:39+0400

սյունիք

հայեր

ադրբեջանցի

որոտան

ռադիո

https://cdn.am.sputniknews.ru/img/07e5/09/11/33387885_0:83:1600:983_1920x0_80_0_0_5615f6448849e10cde3ad3eac5792faf.jpg

Երեկ երեկոյան Գորիս-Կապան միջպետական ճանապարհի Որոտանի հատվածում ադրբեջանցիները կանգնեցրել են սահմանապահ զորքերին հաց հասցնող մեքենան, ինքնաձիգով հարվածել մեքենային, վարորդից պահանջել, որ մեքենայի դռներն ու պատուհանները բացի։ Տեղեկությունը Sputnik Արմենայի հետ զրույցում հայտնեց Գորիսի փոխհամայնքապետ Կարեն Քոչարյանը։«Մեքենան կանգնեցրել են, լկտի արտահայտություններ արել ։ «Տուպիկ» է եղել` մեքենան իրենց դիմացը կանգնած։ Տեսել են հայկական համարանիշներով մեքենա է, սկսել են կոպիտ արտահայտություններ անել։ Ասել են` ինչու ես կանգնել, քշի գնա, վարորդն ասել է` ճանապարհ չկա»,- պատմեց փոխհամայնքապետը։Քոչարյանի խոսքով` վարորդը ադրբեջանցիների սադրանքներին տեղի չի տվել։ Նրանից բացի, մեքենայի մեջ ևս երկու որոտանցի երիտասարդ է եղել։ Երիտասարդներն ահազանգել են իրենց գյուղապետին, Գորիսի փոխհամայնքապետին, վերջիններս տեղեկացրել են Սյունիքի մարզպետարան, պատկան մարմիններին։«Վարորդն ու երիտասարդները մոտ 15 րոպե այդպես մնացել են։ Հետո ռուս խաղաղապահները նկատել են, որ ադրբեջանցիներն իրենց շատ վատ են պահում, մոտեցել են, նրանց միջնորդությամբ մեքենան շարժվել է»,- ասաց Քոչարյանը։Այսօր արդեն վարորդը հացը սահմանապահ զորքերին է հասցրել ռուս և հայ սահմանապահների ուղեկցությամբ։Հայաստանը պետք է պահի Իրանի համար տարանցիկ երկրի իր կարգավիճակըԱվելի վաղ Գորիսի փոխհամայնքապետ Կարեն Քոչարյանը Sputnik Արմենիայի հետ զրույցում հայտնել էր, որ 3 հայ վարորդներից ահազանգ է ստացել, որ Գորիս-Որոտան ճանապարհահատվածում տեղակայված ադրբեջանական ոստիկանական անցակետում ադրբեջանցիները ստուգել են իրենց փաստաթղթերն ու բեռները։Հիշեցնենք, որ այս տարվա սեպտեմբերի 9-ին Սյունիքի մարզի Որոտան գյուղի հատվածում ադրբեջանցիները ոստիկանական հենակետ են բացել։ Սեպտեմբերի 11-ից նրանք կանգնեցնում են իրանցի բեռնատարներին և ստուգում վարորդների փաստաթղթերը։

https://arm.sputniknews.ru/20210916/sjuniqum-adrbejancinery-khakhtum-en-hajastani-u-irani-qaghaqacineri-iravunqnery-mip-33353384.html

սյունիք

որոտան

2021

Լուրեր

am_HY

սյունիք, հայեր, ադրբեջանցի, որոտան