https://arm.sputniknews.ru/20210917/menq-karvogh-enq-shat-het-gnal-u-tegh-chhasnel-qvocharjany-khshm-sahmannervov-demarkaciaji-masin-33364412.html
Մենք կարող ենք շատ հետ գնալ ու տեղ չհասնել. Քոչարյանը՝ ԽՍՀՄ սահմաններով դեմարկացիայի մասին
Մենք կարող ենք շատ հետ գնալ ու տեղ չհասնել. Քոչարյանը՝ ԽՍՀՄ սահմաններով դեմարկացիայի մասին
Sputnik Արմենիա
Ըստ տեղեկությունների՝ ՀՀ պաշտպանության նախարարի գլխավորած պատվիրակությունը Մոսկվայում բանակցություններ է վարում ադրբեջանական կողմի հետ, այսպես կոչված... 17.09.2021, Sputnik Արմենիա
2021-09-17T13:16+0400
2021-09-17T13:16+0400
2021-09-17T13:18+0400
հայաստան
ադրբեջան
խսհմ
անդրանիկ քոչարյան
դեմարկացիա
դելիմիտացիա
https://cdn.am.sputniknews.ru/img/07e5/08/03/28534778_0:0:1600:901_1920x0_80_0_0_063b2a918ab55330a86d7a797e2dc8b0.jpg
ԵՐԵՎԱՆ, 17 սեպտեմբերի - Sputnik. ԱԺ «Քաղաքացիական պայմանագիր» խմբակցության պատգամավոր, Պաշտպանության ու անվտանգության հարցերի մշտական հանձնաժողովի նախագահ Անդրանիկ Քոչարյանը ԱԺ ճեպազրույցների ժամին ո՛չ հաստատեց, ո՛չ հերքեց մամուլում այսօր հայտնված տեղեկություններն այն մասին, թե ադրբեջանական կողմի հետ բանակցությունների արդյունքում հաջողվել է պայմանավորվել սահմանների դեմարկացիայի և դելիմիտացիայի գործընթացն իրականացնել՝ առանց Արցախի կարգավիճակի արձանագրման, Սովետական Միության քարտեզների շրջանակներում: «Չեմ կարող հաստատել, ոչ էլ հերքել, բայց ես կարող եմ ասել, որ այդ մասին հրադադարի ռեժիմի հաստատումից հետո գնում են խորհրդատվություններ։ Եվ բնականաբար մենք պետք է մտնենք այդ փուլ, ու այդ փուլ մտնելուց սկսած պետք է կարողանանք լարվածության թուլացման ու դեպի խաղաղություն գնացող գործընթացը դարձնենք անշրջելի»,– ասաց Քոչարյանը։ ՔՊ անդամ Արթուր Հովհաննիսյանն էլ հավելեց, որ բանակցային գործընթացի վերաբերյալ իշխող քաղաքական ուժը որդեգրել է արձանագրված ցանկացած փաստ պետական խողովակների միջոցով հանրությանը հասցնելու քաղաքականություն։ Լրագրողների հարցին, թե ինչու են բանակցություններն իրականացվում խորհրդային քարտեզների ու սահմանների շուրջ, եթե Ադրբեջանի Հանրապետությունն իրեն հռչակել է առաջին հանրապետության իրավահաջորդ` չճանաչելով իր խորհրդային սահմանները, Անդրանիկ Քոչարյանը պատասխանեց. «Եկեք քարտեզներ չճանաչենք, Ադրբեջանն ամեն օր ասի` սա մերն է, մենք ասենք` սա մերն է, և այդպես կանգնենք ու ասենք` բա մեղավորն ո՞վ է։ Պետք է ինչ–որ մի սահման դնենք, ու այդ սահմանի շուրջ սկսենք խոսել»։Հայաստանը պատրաստ է սահմանազատման և սահմանագծման աշխատանքներին. Արմեն ԳրիգորյանՀարցին, թե ինչ հնության խորհրդային քարտեզներ են դրվում բանակցային սեղանին ու ինչ տարածքային իրողություն են դրանք արձանագրում, Անդրանիկ Քոչարյանն արձանագրեց. «Մենք կարող ենք շատ հետ գնալ ու տեղ չհասնել, և կարող ենք տվյալ պահին ֆիքսված իրողությունների հետ առնչվել և ունենալ խաղաղության հնարավորություն»։Հիշեցնենք` «Հրապարակն» այսօր գրում է, որ ՀՀ պաշտպանության նախարարի գլխավորած պատվիրակությունը Մոսկվայում բանակցություններ է վարում ադրբեջանական կողմի հետ, այսպես կոչված, «խաղաղության պայմանագրի» շուրջ: Ըստ թերթի աղբյուրի, բանակցություններն ավարտվել են, հայկական կողմը շատ գոհ է մնացել արդյունքներից: Հաջողվել է պայմանավորվել սկսել դեմարկացիայի և դելիմիտացիայի գործընթացը՝ առանց Արցախի կարգավիճակի ֆիքսման, Սովետական Միության քարտեզների շրջանակներում: Հաջողվել է նաև անորոշ ժամանակով երկարաձգել ռուսական կողմի ներկայությունն Արցախում`առանց 5 տարվա սահմանափակումների:
https://arm.sputniknews.ru/20210916/sahmanazatumy-petq-e-shut-arvi-zakharvovan-goris--kapan-tshanaparhi-iravitshaki-masin-33343269.html
https://arm.sputniknews.ru/20210915/aatsn-guce-entadrum-e-ajd-taratsqy-sahmanazatumic-hetvo-ancnelu-e-adrbejanin-ohanjan-33286703.html
ադրբեջան
խսհմ
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ադրբեջան, խսհմ, անդրանիկ քոչարյան, դեմարկացիա, դելիմիտացիա
հայաստան, ադրբեջան, խսհմ, անդրանիկ քոչարյան, դեմարկացիա, դելիմիտացիա
Մենք կարող ենք շատ հետ գնալ ու տեղ չհասնել. Քոչարյանը՝ ԽՍՀՄ սահմաններով դեմարկացիայի մասին
13:16 17.09.2021 (Թարմացված է: 13:18 17.09.2021) Ըստ տեղեկությունների՝ ՀՀ պաշտպանության նախարարի գլխավորած պատվիրակությունը Մոսկվայում բանակցություններ է վարում ադրբեջանական կողմի հետ, այսպես կոչված, "խաղաղության պայմանագրի" շուրջ:
ԵՐԵՎԱՆ, 17 սեպտեմբերի - Sputnik. ԱԺ «Քաղաքացիական պայմանագիր» խմբակցության պատգամավոր, Պաշտպանության ու անվտանգության հարցերի մշտական հանձնաժողովի նախագահ Անդրանիկ Քոչարյանը ԱԺ ճեպազրույցների ժամին ո՛չ հաստատեց, ո՛չ հերքեց մամուլում այսօր հայտնված տեղեկություններն այն մասին, թե ադրբեջանական կողմի հետ բանակցությունների արդյունքում հաջողվել է պայմանավորվել սահմանների դեմարկացիայի և դելիմիտացիայի գործընթացն իրականացնել՝ առանց Արցախի կարգավիճակի արձանագրման, Սովետական Միության քարտեզների շրջանակներում:
16 սեպտեմբերի 2021, 18:57
«Չեմ կարող հաստատել, ոչ էլ հերքել, բայց ես կարող եմ ասել, որ այդ մասին հրադադարի ռեժիմի հաստատումից հետո գնում են խորհրդատվություններ։ Եվ բնականաբար մենք պետք է մտնենք այդ փուլ, ու այդ փուլ մտնելուց սկսած պետք է կարողանանք լարվածության թուլացման ու դեպի խաղաղություն գնացող գործընթացը դարձնենք անշրջելի»,– ասաց Քոչարյանը։
ՔՊ անդամ Արթուր Հովհաննիսյանն էլ հավելեց, որ բանակցային գործընթացի վերաբերյալ իշխող քաղաքական ուժը որդեգրել է արձանագրված ցանկացած փաստ պետական խողովակների միջոցով հանրությանը հասցնելու քաղաքականություն։ Լրագրողների հարցին, թե ինչու են բանակցություններն իրականացվում խորհրդային քարտեզների ու սահմանների շուրջ, եթե Ադրբեջանի Հանրապետությունն իրեն հռչակել է առաջին հանրապետության իրավահաջորդ` չճանաչելով իր խորհրդային սահմանները, Անդրանիկ Քոչարյանը պատասխանեց. «Եկեք քարտեզներ չճանաչենք, Ադրբեջանն ամեն օր ասի` սա մերն է, մենք ասենք` սա մերն է, և այդպես կանգնենք ու ասենք` բա մեղավորն ո՞վ է։ Պետք է ինչ–որ մի սահման դնենք, ու այդ սահմանի շուրջ սկսենք խոսել»։
Հարցին, թե ինչ հնության խորհրդային քարտեզներ են դրվում բանակցային սեղանին ու ինչ տարածքային իրողություն են դրանք արձանագրում, Անդրանիկ Քոչարյանն արձանագրեց. «Մենք կարող ենք շատ հետ գնալ ու տեղ չհասնել, և կարող ենք տվյալ պահին ֆիքսված իրողությունների հետ առնչվել և ունենալ խաղաղության հնարավորություն»։
Հիշեցնենք` «Հրապարակն» այսօր գրում է, որ ՀՀ պաշտպանության նախարարի գլխավորած պատվիրակությունը Մոսկվայում բանակցություններ է վարում ադրբեջանական կողմի հետ, այսպես կոչված, «խաղաղության պայմանագրի» շուրջ: Ըստ թերթի աղբյուրի, բանակցություններն ավարտվել են, հայկական կողմը շատ գոհ է մնացել արդյունքներից:
15 սեպտեմբերի 2021, 14:07
Հաջողվել է պայմանավորվել սկսել դեմարկացիայի և դելիմիտացիայի գործընթացը՝ առանց Արցախի կարգավիճակի ֆիքսման, Սովետական Միության քարտեզների շրջանակներում:
Հաջողվել է նաև անորոշ ժամանակով երկարաձգել ռուսական կողմի ներկայությունն Արցախում`առանց 5 տարվա սահմանափակումների:
