Фон для радио  - Sputnik Արմենիա, 1920
ՌԱԴԻՈ

Գորիս–Կապան ճանապարհին տեղի ունեցածն Իրանում համարում են և՛ հակահայկական, և՛ հակաիրանական

«Գորիս–Կապան ճանապարհին տեղի ունեցածն Իրանում համարում են և՛ հակահայկական, և՛ հակաիրանական». Միսակյան
Իրանագետ Գարիկ Միսակյանը Sputnik Արմենիայի եթերում անդրադարձել է այն հարցին, թե ինչպես է Իրանն արձագանքել ՀՀ Սյունիքի մարզում Գորիս–Կապան ճանապարհի խափանմանն ու ադրբեջանցիների կողմից իրանցի վարորդներից մաքսավճար գանձելուն։
Իրանական ընդհանուր լրատվադաշտում և քաղաքական տարբեր շրջանակներում միանշանակ բացասական արձագանքի է արժանացել Ադրբեջանի գործողությունները Գորիս–Կապան ճանապարհին։ Հատկասպես ազգայնական և ռազմական թևի ներկայացուցիչները միջադեպը բավականին «թունդ» վերնագրերով գնահատել են ավելի շուտ հակաիրանական, քան հակահայկական։ Sputnik Արմենիայի հետ զրույցի ընթացում այս մասին ասաց իրանագետ Գարիկ Միսակյանը։
«Այդ առթիվ պետք է վկայակոչել նաև Իրանի ԱԳՆ պաշտոնական ներկայացուցիչ Սաիդ Խաթիբզադեի հավասարակշռված հայտարարությունը, որն առնչվում էր հենց իրանական բեռնատարների ստուգումներին։ Հայտարարության համաձայն` Իրանը, չնայած վերոհիշյալ խնդրին, փորձում է օգտագործել իր հնարավորությունները տարածաշրջանային զարգացման, խաղաղության և կայունության համար՝ բոլոր հարևանների մասնակցությամբ»,– նշեց իրանագետը։
Ադրբեջանցիները Գորիս–Կապան ճանապարհին էքսկավատորի շերեփով հարվածել են հայկական բեռնատարին
Միսակյանի փոխանցմամբ` իրանական կողմն, այդուհանդերձ, իր պաշտոնական բոլոր քաղաքական հայտարարությունները բխեցնում է կողմերի պաշտոնական դիրքորոշումներից։
Հայկական կողմից գործնականում բացակայում են հայտարարություններն ամենաբարձր մակարդակով, հետևաբար, տեղին չէ սպասել, որ Իրանը պրոհայկական կամ հակաադրբեջանական կոշտ դիրքորոշում կարտահայտի այդ կապակցությամբ։

Իրանագետի խոսքով` Թեհրանը փորձելու է Գորիս–Կապան ճանապարհին առաջացած խնդիրները լուծել Հայաստանի հետ համատեղ աշխատանքով, լինի թե՛ նոր ճանապարհի կառուցման, թե՛ գործող ճանապարհին առաջացած խնդիրները կարգավորելու տեսքով և դա, ըստ նրա, ավելի շատ կախված է լինելու ՀՀ իշխանությունների քայլերից, քան իրանական կողմի գործողություններից։

Խնդիրը Հայաստանի տարածքում է, և եթե մեր իշխանությունները որոշել են ճանապարհի առանձին հատվածները թողնել Ադրբեջանին, ապա Իրանն այստեղ անզոր է։
Միսակյանի կարծիքով` Իրանի համար, անշուշտ, ՀՀ տարածքով տարանցիկ ուղին շատ ձեռնտու է, բայց թե որքանով Իրանը կկարողանա ներգրավվել տվյալ գործընթացում, կախված է Հայաստանի կոնկրետ քայլերից ու Իրանի հետ համագործակցությունից։
Ըստ նրա` եթե մեր իշխանությունը լեգիտիմացնում է ադրբեջանցիների գործողությունները, ապա իրանցիների գործիքակազմն այդ առումով պարզապես զրոյանում է։
Հիշեցնենք` Երևան-Կապան Մ2 միջպետական ճանապարհի Գորիսի Որոտան բնակավայրի հատվածում սեպտեմբերի 11-ին ադրբեջանական ոստիկանական հենակետ տեղադրելուց հետո ադրբեջանական զինված ծառայողները շարունակական դիտավորյալ արարքներով խախտում են մարդկանց իրավունքները:
Նրանք իրանցի վարորդներից 130 դոլար գումար են գանձում «Ադրբեջանի տարածքով» անցնելու համար։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала