Ինչպես են սպանել իրանցի ֆիզիկոս-միջուկագետ Ֆահրիզադեին. մանրամասներ են հայտնի դարձել

© AP Photo / Majid Asgaripour Здание реактора АЭС Бушер (26 октября 2010). Иран
Здание реактора АЭС Бушер (26 октября 2010). Иран - Sputnik Արմենիա, 1920, 19.09.2021
Իրանի պաշտպանության փոխնախարար, միջուկային ֆիզիկոս Մոհսեն Ֆահրիզադեն զոհվել է Թեհրանի մերձակայքում 2020 թվականի նոյեմբերի 27-ին։
ԵՐԵՎԱՆ, 19 սեպտեմբերի - Sputnik. Իսրայելական հետախուզությունը իրանցի ֆիզիկոս-միջուկագետ Մոհսեն Ֆահրիզադեին սպանել է բարձր տեխնոլոգիական ռոբոտացված գնդացրի օգնությամբ. ՌԻԱ Նովոստին ներկայացրել է The New York Times թերթում հրապարակված տարբերակը:
Սարքը, որը կարող է րոպեում մինչև 600 կրակոց արձակել, գործում է արհեստական ինտելեկտով և մի քանի տեսախցիկներով։ Դրան կառավարում են արբանյակի միջոցով: Քանի որ ռոբոտը FN MAG բելգիական գնդացրի հետ միասին կշռել է մոտ մեկ տոննա, «Մոսադը» ստիպված է եղել այն մաս-մաս տեղափոխել Իրան և տեղում հավաքել:
Официальный представитель министерства иностранных дел Ирана Саид Хатибзаде - Sputnik Արմենիա, 1920, 19.09.2021
Հույս ունենք, որ ձերբակալված վարորդներն անհապաղ ազատ կարձակվեն. Իրանի ԱԳՆ ներկայացուցիչ
Այնուհետև սարքը տեղադրել են պայթուցիկով լցոնված պիկապի թափքում, որպեսզի սպանությունից հետո ջնջեն բոլոր ապացույցներն ու հետքերը: Սակայն այդ ծրագիրն ամբողջությամբ կյանքի կոչել չի հաջողվել. պայթյունը վնասել է սարքը, բայց չի ոչնչացրել այն։ Ինչպես նշում է պարբերականը, սա օգնել է հաստատել Թեհրանի վարկածը, որ սպանությունն իրականացրել են զենքի օգնությամբ` հեռահար կառավարման միջոցով:
Իրանի պաշտպանության փոխնախարար, միջուկային ֆիզիկոս Մոհսեն Ֆահրիզադեն զոհվել է Թեհրանի մերձակայքում 2020 թվականի նոյեմբերի 27-ին տեղի ունեցած մահափորձի հետևանքով. նա լուրջ վնասվածք էր ստացել և մահացել հիվանդանոցում: Բացի Ֆահրիզադեից և նրա թիկնապահներից, դեպքի վայրում ոչ ոք չի եղել։ Գիտնականը ղեկավարել է պաշտպանական գերատեսչությանը կից հետազոտությունների և նորարարությունների կազմակերպությունը և զբաղեցրել նրա փոխղեկավարի պաշտոնը:
Հայաստանը պետք է պահի Իրանի համար տարանցիկ երկրի իր կարգավիճակը
Իրանի իշխանությունները տեղի ունեցածի համար մեղադրել են Իսրայելին, ինչպես նաև երկրում արգելված «Իրանի ժողովրդի մոջահեդների կազմակերպությանը» ՝ խոստանալով վրեժ լուծել սպանության համար: Իրանի որոշ պաշտոնյաներ նշել են, որ ԱՄՆ-ն և Սաուդյան Արաբիայի ևս մասնակցություն են ունեցել գիտնականի սպանությանը և հայտնել են մահափորձին մասնակից անձանց ձերբակալման մասին:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала