Ադրբեջանի վերահսկողության տակ գտնվող տարածքում հայտնված հայ երիտասարդները վերադարձվել են

© Photo : TATEV DURYAN / ՀՀ Մարդու իրավունքների պաշտպան - Human Rights Defender of Armenia Ադրբեջանական ցուցանակ Կապան-Գորիս մայրուղու վրա. արխիվային լուսանկար
Ադրբեջանական ցուցանակ Կապան-Գորիս մայրուղու վրա. արխիվային լուսանկար - Sputnik Արմենիա, 1920, 20.09.2021
ՀՀ ԱԱԾ և ՌԴ ԱԴԾ սահմանապահների կողմից իրականացված աշխատանքների արդյունքում է տեղի ունեցել վերոհիշյալ անձանց վերադարձը:
ԵՐԵՎԱՆ, 20 սեպտեմբերի - Sputnik. Ադրբեջանիվերահսկողության տակ գտնվող տարածքում հայտնված հայ երիտասարդները վերադավձել են։ Տեղեկությունը հայտնում են ՀՀ ազգային անվտանգության ծառայությունից։
«Գորիս-Որոտան ճանապարհահատվածով երթևեկելիս մայրուղուց շեղված և Ադրբեջանի վերահսկողության տակ գտնվող տարածքում հայտնված ՀՀ Կոտայքի մարզի Քասախ համայնքի երկու բնակիչներին սեպտեմբերի 19-ին, ժամը 23:45-ին ադրբեջանական կողմը վերադարձրել է»,-ասված է հաղորդագրության մեջ:
Արման Թաթոյան - Sputnik Արմենիա, 1920, 19.09.2021
Թշնամու վերահսկողության տարածք անցած տղաների հարցով Թաթոյանը զրուցել է Թիերի Ռիբոյի հետ
Տեղեկացնում են, որ ՀՀ ԱԱԾ և ՌԴ ԱԴԾ սահմանապահների կողմից իրականացված աշխատանքների արդյունքում է տեղի ունեցել վերոհիշյալ անձանց վերադարձը:
ԱԱԾ–ն սեպտեմբերի 19-ին հայտնել էր, որ սեպտեմբերի 18-ին, ժամը 21:00-ի սահմաններում տեղեկություններ են ստացվել, որ Կոտայքի մարզի Քասախ համայնքի 2 բնակիչներ շեղվել են ուղուց և Ադրբեջանի վերահսկողության տակ գտնվող տարածքում հայտնվել։
Հիշեցնենք, որ Քասախի համայնքապետ Արա Մկրտչյանը Sputnik Արմենիայի հետ զրույցում հայտնել էր, որ Ադրբեջանի վերահսկողության տակ գտնվող տարածքում հայտնված Քասախի բնակիչները 21 տարեկան տղաներ են։
Երբ Ադրբեջանի վերահսկողության տակ գտնվող տարածք են մտել, տղաներից մեկն իր ընտանիքի անդամներից մեկի հետ խոսելիս է եղել։ Նա ասել է. «սրանք մեզ կանգնեցրին», և կապն ընդհատվել է: Դրանից հետո նրանցից որևէ լուր չկա։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала