Հայաստանում նախատեսում ենք ստեղծել երեք արդյունաբերական պարկ. Վահան Քերոբյան

© Sputnik / Asatur YesayantsՎահան Քերոբյան
Վահան Քերոբյան - Sputnik Արմենիա, 1920, 20.09.2021
Բաժանորդագրվեք
Հայաստանի էկոնոմիկայի նախարարը ռուսական ընկերություններին հրավիրեց մասնակցելու երկրում իրականացվող տարբեր նախագծերի, մասնավորապես` ենթակառուցվածքների շինարարության ոլորտում:
ԵՐԵՎԱՆ, 20 սեպտեմբերի - Sputnik. Հայաստանում առաջիկայում նախատեսվում է ստեղծել երեք արդյունաբերական պարկ: Այս մասին այսօր Երևանում անցկացվող «Armenian Business Forum–2021» գործարար համաժողովի իր ելույթում հայտնեց ՀՀ էկոնոմիկայի նախարար Վահան Քերոբյանը։
«Մենք նախատեսում ենք ստեղծել բարձրորակ ենթակառուցվածքներով երեք արդյունաբերական պարկ` արտասահմանից` Իրանից, Ռուսաստանից և այլ երկրներից արտադրական ընկերություններ ներգրավելու համար», - ասաց Քերոբյանը:
Ավելի քան 7,5 հազար տուփ սիգարետ փորձել են մաքսանենգ ճանապարհով Հայաստանից Ռուսաստան տանել
Նրա խոսքով, մի շարք ռուսական ընկերություններ, որոնք պատժամիջոցների պատճառով դժվարություններ են ունենում օտարերկրյա գործընկերների հետ շփման մեջ, Հայաստանը հետաքրքրությամբ դիտարկում են որպես առանց սահմանափակումների բիզնես վարելու բարեկամական հարթակ: Այս առումով Հայաստանը պատրաստ է նրանց հետ իր հնարավորությունները կիսել ԱՄՆ -ում ու Եվրոպայում:
Քերոբյանը նշեց, որ արդեն իսկ պայմանագրեր կան ընկերություններից մեկի հետ, և նախատեսվում է օգտագործել ռուսական բաղադրիչները` Հայաստանից դեպի ԱՄՆ արևային վահանակներ արտահանելու ժամանակ: Երևանը հաճույքով կգրավի ռուսական ընկերություններին ենթակառուցվածքային նախագծերում: Ոմանք արդեն մասնակցում են մրցույթների, օրինակ ՝ մետրոյի կայարանի նախագծման և կառուցման համար (150 մլն դոլար):
Վահան Քերոբյան - Sputnik Արմենիա, 1920, 08.09.2021
Օգոստոսի դրությամբ դեպի Հայաստան զբոսաշրջային հոսքն աճել է 30%-ով. Քերոբյան
«Armenian Business Forum–2021» ռուս-հայկական տնտեսական համաժողովը կազմակերպել է Ռուսաստանի հայ ձեռնարկատերերի ասոցիացիան, որի հիմնադիրն ու նախագահը "«աշիր» ընկերությունների խմբի ղեկավար Սամվել Կարապետյանն է:
Նշենք, որ Sputnik Արմենիա լրատվական գործակալությունը համաժողովի տեղեկատվական հովանավորներից է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала