https://arm.sputniknews.ru/20210920/hajastany-ev-hke-n-krkin-kgvortsarken-pvoti-kvovkas-navahangist-lastanavajin-haghvordakcutjuny-33447828.html

Հայաստանը և ՀԿԵ-ն կրկին կգործարկեն Փոթի-Կովկաս նավահանգիստ լաստանավային հաղորդակցությունը

Հայաստանը և ՀԿԵ-ն կրկին կգործարկեն Փոթի-Կովկաս նավահանգիստ լաստանավային հաղորդակցությունը

Sputnik Արմենիա

Եվրասիական տնտեսական միության շրջանակներում համագործակցությունը շարունակում է մնալ Հայաստանի տնտեսության վերականգնման գրավականներից մեկը: 20.09.2021, Sputnik Արմենիա

2021-09-20T10:15+0400

2021-09-20T10:15+0400

2021-09-20T15:23+0400

հայաստան

ռուսաստան

մհեր գրիգորյան

համաժողով

https://cdn.am.sputniknews.ru/img/07e5/09/14/33445615_0:0:1600:901_1920x0_80_0_0_803cee7b54f1d214fca0cf426dab2b38.jpg

ԵՐԵՎԱՆ, 20 սեպտեմբերի - Sputnik. Հայաստանը և «Հարավկովկասյան երկաթուղիներ» ՓԲԸ-ն մտադիր են վերականգնել լաստանավային հաղորդակցությունը Փոթի նավահանգստի (Վրաստան) և Կովկաս նավահանգստի (ՌԴ, Կրասնոդարի երկրամաս) միջև։ Այս մասին այսօր Երևանում ընթացող հայ-ռուսական գործարար համաժողովի ժամանակ հայտարարել է ՀՀ փոխվարչապետ Մհեր Գրիգորյանը։Ինչպես նշել է Գրիգորյանը, երկրների միջև ձեռք բերված պայմանավորվածությունների համաձայն, մինչև 2024 թվականը ժամանակահատվածում Հարավկովկասյան երկաթուղու ներդրումների ընդհանուր ծավալը ավելացել է 3,7 մլրդ ռուբլով:Արդյունքում 2021 թ․-ին ձեռք են բերվել ժամանակակից մարդատար վագոններ, նոր էլեկտրագնացքներ՝ ներքին տրանսպորտային հաղորդակցության համար, բեռնատար կիսավագոններ։ 2022 թ․-ին նախատեսվում է նոր՝ 4 վագոնով էլեկտրագնացքի ձեռքբերում։Այսպիսով, մինչև 2025 թ․-ը ՀԿԵ-ն գրեթե ամբողջությամբ կթարմացնի ուղևորատար և բեռնատար շարժակազմերը։«Մոտ ժամանակներս ՀԿԵ-ի հետ համատեղ մենք նախատեսում ենք վերսկսել լաստանավային հաղորդակցությունը Փոթի նավահանգիստ - Կովկաս նավահանգիստ երթուղով, ինչը թույլ կտա ավելացնել ապրանքաշրջանառությունը մեր երկրների միջև», - ասել է Գրիգորյանը:Անդրադառնալով ԵԱՏՄ ընձեռած հնարավորություններին՝ Գրիգորյանը նշեց, որ Եվրասիական տնտեսական միության շրջանակներում համագործակցությունը շարունակում է մնալ Հայաստանի տնտեսության վերականգնման գրավականներից մեկը:«Հայաստանի և Ռուսաստանի միջև առևտրատնտեսական համագործակցությունը շարունակում է թափ առնել, այդ թվում ՝ ԵԱՏՄ -ին անդամակցության շնորհիվ», - հայտարարեց Գրիգորյանը: Նրա խոսքով, ԵԱՏՄ -ում դրված հիմքի շնորհիվ հնարավոր եղավ էապես թուլացնել համաճարակի կործանարար ազդեցությունը տնտեսության և սոցիալական ոլորտի վրա: «ԵԱՏՄ անդամների հետ համագործակցությունը Հայաստանի համար մնում է տնտեսության վերականգնման հիմնական գրավականներից մեկը և մեր երկրի տնտեսական աճի և արտաքին առևտրի ներուժի վրա ազդող ամենակարևոր գործոնը», - ասաց Գրիգորյանը:«Armenian Business Forum–2021» ռուս-հայկական տնտեսական համաժողովը կազմակերպել է Ռուսաստանի հայ ձեռնարկատերերի ասոցիացիան, որի հիմնադիրն ու նախագահը «Տաշիր» ընկերությունների խմբի ղեկավար Սամվել Կարապետյանն է:Նշենք, որ Sputnik Արմենիա լրատվական գործակալությունը համաժողովի տեղեկատվական հովանավորներից է։

https://arm.sputniknews.ru/20210920/jandeqsn-u-uraly-hetaqrqrvats-en-hajastanum-ashkhatelu-herankarvov-rdum-hh-despan-33447086.html

https://arm.sputniknews.ru/20210920/hh-rd-apranqashrjanarutjunn-ajs-tarva-arajin-kisamjakum-kazmel-e-19-mlrd-dolar-mher-grigvorjan-33445325.html

https://arm.sputniknews.ru/20210920/rd-ynkerutjunnery-patrast-en-ditarkel-hh-i-nerkajacrats-biznes-nakhagtsery-rd-pvokhvarchapet-33448089.html

2021

Լուրեր

am_HY

հայաստան, ռուսաստան, մհեր գրիգորյան, համաժողով