Նիկոլ Փաշինյանը շնորհավորական ուղերձ է հղել Վլադիմիր Պուտինին

© Sputnik / Михаил Климентьев / Անցնել ֆոտոբանկՎլադիմիր Պուտինն ու Նիկոլ Փաշինյանը
Վլադիմիր Պուտինն ու Նիկոլ Փաշինյանը - Sputnik Արմենիա, 1920, 20.09.2021
Նիկոլ Փաշինյանը վստահություն է հայտնել, որ ՀՀ ազգային ժողովի և նոր գումարման Պետական դումայի սերտ համագործակցությունը կարևոր ներդրում կունենա հայ-ռուսական դաշնակցային հարաբերությունների խթանման գործում:
ԵՐԵՎԱՆ, 20 սեպտեմբերի - Sputnik. ՀՀ վարչապետ Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին Պետական դումայի ընտրություններում «Միացյալ Ռուսաստան» կուսակցության հաղթանակի կապակցությամբ։ Տեղեկությունը հայտնում է ՀՀ վարչապետի մամուլի ծառայությունը։

«Ընտրությունների արդյունքները վկայում են երկրի քաղաքական ղեկավարության կողմից հետևողականորեն իրականացվող քաղաքական կուրսի հանդեպ Ռուսաստանի քաղաքացիների աջակցության մասին:Մաղթում եմ Ձեզ, Վլադիմիր Վլադիմիրի, ռուս ժողովրդի բարգավաճմանը և բարեկեցությանն ուղղված բոլոր գաղափարների և հետագա նախագծերի իրականացում»,–ասել է վարչապետը:

Նա վստահություն է հայտնել, որ ՀՀ ազգային ժողովի և նոր գումարման Պետական դումայի սերտ համագործակցությունը կարևոր ներդրում կունենա հայ-ռուսական դաշնակցային հարաբերությունների խթանման գործում:
Պետդումայի ընտրություններում ՀՀ–ում Ռուսաստանի դեսպանատանը 1000-ից ավելի անձ է քվեարկել
Հիշեցնենք` Պետդումայի ընտրությունների քվեարկությունն այս տարի անցկացվեց սեպտեմբերի 17-19-ը։
ՌԴ ԿԸՀ տվյալներով`ընտրատարածքային հանձնաժողովների արձանագրությունների 70 տոկոսի ամփոփումից հետո «Միացյալ Ռուսաստան» կուսակցությունը ստացել է քվեների 48,46 տոկոսը։ Երկրորդը Կոմկուսն է` 20,30, երրորդը՝ Վլադիմիր Ժիրինովսկու կուսակցությունը՝ 7,69 տոկոս։
Հիշեցնենք, որ Պետդուման ընտրվում է հինգ տարով, խառը ընտրական համակարգով. 225 պատգամավոր ընտրվում է կուսակցական ցուցակներով, ևս 225–ը՝ միամանդատ ընտրատարածքներով՝ մեկ փուլով։
Ինչպես են անցնում Պետդումայի ընտրությունները. միջազգային դիտորդների հայտարարությունը
Ընտրությունների վերջնական արդյունքները կհրապարակվեն սեպտեմբերի 24-ին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала