https://arm.sputniknews.ru/20210921/amen-or-nvorvovi-arnahvosvogh-verqery-nvor-iravitshak-en-steghtsel-mer-zhvoghvovrdi-kjanqum-garegin-b-33480079.html

Ամեն օր նորովի արնահոսող վերքերը նոր իրավիճակ են ստեղծել մեր ժողովրդի կյանքում. Գարեգին Բ

Ամեն օր նորովի արնահոսող վերքերը նոր իրավիճակ են ստեղծել մեր ժողովրդի կյանքում. Գարեգին Բ

Sputnik Արմենիա

Կաթողիկոսը շնորհավորել է Անկախության 30-ամյակն ու ասել, որ մեր սրտերում մեր կորուստների, մեր զոհված նահատակների, գերյալների ու անհայտ կորածների խորը ցավն է։ 21.09.2021, Sputnik Արմենիա

2021-09-21T10:28+0400

2021-09-21T10:28+0400

2021-09-21T10:36+0400

ամենայն հայոց կաթողիկոս գարեգին բ

ուղերձ

անկախության օր

հայաստան

https://cdn.am.sputniknews.ru/img/1041/28/10412863_0:640:1365:1408_1920x0_80_0_0_c9bbb950364428e79e4a8789e0ed0355.jpg

ԵՐԵՎԱՆ, 21 սեպտեմբերի – Sputnik. Թանկ գնով ձեռք բերված անկախությունը համազգային միասնականությամբ պիտի պաշտպանենք ու պահպանենք՝ հաղթահարելով ներքին ու արտաքին մարտահրավերները, քանզի անկախ պետությունը գոյության ու լինելիության կարևորագույն գրավականն է։ Անկախության 30-ամյակի կապակցությամբ հղած իր ուղերձում նման կարծիք է հայտնել Ամենայն հայոց կաթողիկոս Գարեգին Բ-ն։Կաթողիկոսը նշել է` մեր սրտերում մեր կորուստների, մեր զոհված նահատակների, գերյալների ու անհետ կորածների խորը ցավն է, ապագայի անորոշության անհանգստությունը, բայց նաև վճռականությունը` ոտքի կանգնելու, թոթափելու մեզ պատուհասած արհավիրքներն ու նեղությունները։Գարեգին Բ–ն նշում է, որ հայոց եկեղեցին դարերի ընթացքին մշտապես արթուն է պահել անկախության գաղափարը, իսկ Անկախության 30-ամյակի գլխավոր խորհուրդը առաջադեմ, սիրո ու միաբանության մեջ ծաղկող երկիր վերակերտելն է։ Այսօր, ըստ նրա, հաճախ ենք տեսնում անհանդուրժողականության դրսևորում՝ համերաշխության ու երկխոսության փոխարեն։Կաթողիկոսն իր խոսքն ամփոփել է` ասելով, որ երկրի ու ժողովրդի առջև ծառացած հիմնախնդիրները պահանջում են միասնականություն։Հիշեցնենք, որ այսօր` սեպտեմբերի 21–ին, ՀՀ–ն նշում է Անկախության 30–ամյա հոբելյանը։1991 թվականի սեպտեմբերի 21-ին Հայաստանում անցկացվեց հանրաքվե, և մասնակիցների ճնշող մեծամասնությունը (99%) արտահայտվեց անկախ պետականություն կերտելու օգտին։Քվեարկությանը մասնակցեց ընտրելու իրավունք ունեցող քաղաքացիների մոտ 95 տոկոսը։ Երկու օր անց՝ 1991 թվականի սեպտեմբերի 23-ին, Հայաստանի Գերագույն խորհուրդը հաստատեց ԽՍՀՄ կազմից հանրապետության դուրս գալու որոշումը։

https://arm.sputniknews.ru/20210921/vostikannery-erabluric-heracrin-zvohvats-zintsarajvoghi-hvory-33477767.html

https://arm.sputniknews.ru/20210921/ete-ches-pajqarum-martahraverneri-dem-mi-or-kkorcnes-ankakhutjuny-aram-manukjan-33463083.html

2021

Լուրեր

am_HY

ամենայն հայոց կաթողիկոս գարեգին բ, ուղերձ, անկախության օր, հայաստան