"Անտարեսի" տնօրենից մինչև բանակային կորպուսի հրամանատար. ՀՀ նախագահը պարգևներ է հանձնել

© Photo / official site of the Prime minister of RAДиректор издательского дома "Антарес" Армен Мартиросян на онлайн брифинге (26 июня 2020). Еревaн
Директор издательского дома Антарес Армен Мартиросян на онлайн брифинге (26 июня 2020). Еревaн - Sputnik Արմենիա, 1920, 21.09.2021
Արմեն Սարգսյանն այսօր նախագահական նստավայրում պարգևներ է հանձնել զինվորականների և ոչ միայն։
ԵՐԵՎԱՆ, 21 սեպտեմբերի – Sputnik. Անկախության 30-ամյակի առթիվ ՀՀ նախագահ Արմեն Սարգսյանը մի շարք անձանց պարգևներ և կոչումներ է շնորհել։
Մասնավորապես, ՀՀ ոստիկանության զորքերի հասարակական կարգի պահպանության գնդի (N զորամաս) հրամանատար, գնդապետ Արմեն Վարդանյանին հետմահու պարգևատրել է «Մարտական խաչ» 1-ին աստիճանի շքանշանով, իսկ ԱԱԾ սահմանապահ զորքերի զինծառայող, շարքային Հարություն Հարությունյանին հետմահու պարգևատրել է Մարտական ծառայության մեդալով:
Երևանում տոնական երթ է - Sputnik Արմենիա, 1920, 21.09.2021
Երևանում տոնական զինվորական շքերթ է․տեսանյութ
Բացի այդ, 5-րդ բանակային կորպուսի նորանշանակ հրամանատար, գնդապետ Սմբատ Գրիգորյանին շնորհվել է գեներալ-մայորի զինվորական կոչում:
Տնտեսության զարգացման գործում ներդրած նշանակալի ավանդի համար նախագահը Երախտագիտության մեդալով է պարգևատրել «Անտարեսի» գործադիր մարմնի ղեկավար Արմեն Մարտիրոսյանին, իսկ «Յունիքոմփի» գլխավոր տնօրեն Արմեն Բալդրյանին` «Հայրենիքին մատուցած ծառայությունների համար» 2-րդ աստիճանի շքանշանով։
Հայրենիքից նեղանալ չի կարելի. ՀՀ նախագահի նստավայրում պարգևատրման արարողություն է
Հայրենիքի պաշտպանության և անվտանգության ապահովման գործում ներդրած ավանդի, մարտական գործողությունների ընթացքում ցուցաբերած խիզախության և նվիրումի համար մի խումբ զինծառայողներ և կամավորականներ պարգևատրվել են հետմահու։
Клинические испытания вакцины Спутник Лайт - Sputnik Արմենիա, 1920, 20.09.2021
Հայաստանում արտադրվել է "Սպուտնիկ Լայթ" պատվաստանյութի առաջին խմբաքանակը
«Հայրենիքին մատուցած ծառայությունների համար» 2-րդ աստիճանի մեդալով են պարգևատրվել կամավորական Արթուր Գալստյանը, Մարտական ծառայության մեդալով՝ շարքայիններ Վաչագան Հակոբյանը, Սարգիս Դավթյանը, Մանվել Խարդալյանը, ինչպես նաև կամավորականներ Արթուր Հովհաննիսյանը, Արտակ Հաջոյանը, Ներսես Մովսեսյանը և Գարիկ Մուրադյանը։
Հիշեցնենք, որ այսօր` սեպտեմբերի 21–ին, ՀՀ–ն նշում է Անկախության 30–ամյա հոբելյանը։
1991 թվականի սեպտեմբերի 21-ին Հայաստանում անցկացվեց հանրաքվե, և մասնակիցների ճնշող մեծամասնությունը (99%) արտահայտվեց անկախ պետականություն կերտելու օգտին։
Քվեարկությանը մասնակցեց ընտրելու իրավունք ունեցող քաղաքացիների մոտ 95 տոկոսը։ Երկու օր անց՝ 1991 թվականի սեպտեմբերի 23-ին, Հայաստանի Գերագույն խորհուրդը հաստատեց ԽՍՀՄ կազմից հանրապետության դուրս գալու որոշումը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала