Երևանի երկնքում երևացին Հայկ նահապետը, Արարատը և եռագույնը․դրոնների տպավորիչ շոուն

Րոպեներ շարունակ միջոցառման ներկաների հայացքները դեպի երկինք էին ուղղված։
Անկախության 30-ամյակին նվիրված միջոցառումն իսկապես գունագեղ ավարտ ունեցավ։ Մի քանի տասնյակ դրոնների լուսային շոուն տպավորիչ էր։ Րոպեներ շարունակ Հանրապետության հրապարակի երկնքում հատուկ անօդաչու թռչող սարքերով գծագրվում էին հայ ժողովրդի պատմության համար խորհրդանշական պատկերներ։
Եկատերինբուրգի հայտնի շենքերը հայկական եռագույնով են լուսավորվել - Sputnik Արմենիա, 1920, 21.09.2021
Եկատերինբուրգի հայտնի շենքերը հայկական եռագույնով են լուսավորվել
Սկզբում երկնքում երևաց արծիվը, ապա տարածեց թևերն ու դրանց տակ երևաց Հայոց բիբլիական լեռը՝ Արարատը, այնուհետև Հայկ Նահապետն արձակեց իր նետը, հետո երկնքում հայտնվեց մեր էպոսի հերոսը` Սասունցի Դավիթը՝ Քուռկիկ Ջալալիին հեծած։
Այնուհետև հայոց գրերի գյուտի հեղինակ Մեսրոպ Մաշտոցն իր աշակերտ Կորյունի հետ պատկերվեց երկնքում։ Երկինքը լուսավորվեց Հայոց եռագույնով, ապա պետական զինանշանով, դրոնների գունեղ լուսային շոուի վերջում երկնքում գրվեց «Հայաստան»։
Արցախյան բոլոր պատերազմների հերոսների հիշատակին "Կենաց պուրակ" կհիմնադրվի
Հիշեցնենք, որ այսօր` սեպտեմբերի 21–ին, ՀՀ–ն նշում է Անկախության 30–ամյա հոբելյանը։
1991 թվականի սեպտեմբերի 21-ին Հայաստանում անցկացվեց հանրաքվե, և մասնակիցների ճնշող մեծամասնությունը (99%) արտահայտվեց անկախ պետականություն կերտելու օգտին։
Քվեարկությանը մասնակցեց ընտրելու իրավունք ունեցող քաղաքացիների մոտ 95 տոկոսը։ Երկու օր անց՝ 1991 թվականի սեպտեմբերի 23-ին, Հայաստանի Գերագույն խորհուրդը հաստատեց ԽՍՀՄ կազմից հանրապետության դուրս գալու որոշումը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала