Ղրիմի վերաբերյալ Թուրքիայի հայտարարությունները անընդունելի են Կրեմլի համար․Պեսկով

© Sputnik / Владимир Вяткин / Անցնել ֆոտոբանկԿրեմլ
Կրեմլ - Sputnik Արմենիա, 1920, 21.09.2021
Կրեմլ
Կրեմլում ցավում են, որ Թուրքիան նման դիրքորոշում ունի Ղրիմի վերաբերյալ և հույս ունեն, որ ժամանակի ընթացքում Անկարան կփոխի այն` ընդունելով իրական վիճակը:
ԵՐԵՎԱՆ, 21 սեպտեմբերի – Sputnik. Կրեմլը բացեիբաց ասում է, որ չի ընդունում Անկարայի դիրքորոշումը Ղրիմում ընտրությունների ոչ լեգիտիմության մասին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է ՌԻԱ Նովոստին:
Թուրքիայի ԱԳՆ-ն ավելի վաղ հայտարարել էր, որ Ղրիմում Պետդումայի ընտրություններն Անկարայի համար իրավական ուժ չունեն, քանի որ երկիրը չի ճանաչում թերակղզու միացումը ՌԴ-ին:
Մարիա Զախարովա - Sputnik Արմենիա, 1920, 21.09.2021
Մոսկվան հետևություններ կանի. Զախարովան` Ղրիմի վերաբերյալ Անկարայի հայտարարության մասին
«Մենք չենք ընդունում նման հայտարարությունները և այդ մասին բացեիբաց ասում ենք մեր թուրք գործընկերներին»,-ասել է Պեսկովը լրագրողներին։
Նա ավելացրել է, որ Կրեմլում ևս ափսոսում են Ղրիմի հարցում Թուրքիայի դիրքորոշման համար և հույս ունեն, որ ժամանակի ընթացքում Անկարան կփոխի այն՝ տուրք տալով իրականությանը:

«Ղրիմի թեման այն թեման է, որի շուրջ մեր դիրքորոշումները տրամագծորեն տարբերվում են։ Մենք ցավում ենք Թուրքիայի նման դիրքորոշման համար, բայց միաժամանակ հույս ունենք, որ ժամանակի ընթացքում քաղաքական կամք կդրսևորվի և Թուրքիան կփոխի իր այդ դիրքորոշումը՝ պարզապես տուրք տալով ճշմարտությանն ու գործերի իրական դրությանը»,-ասել է ՌԴ նախագահի մամուլի քարտուղարը։

Պատասխանելով լրագրողների հարցին, թե արդյոք Թուրքիան Ռուսաստանի համար բարեկամ երկիր է, եթե այն չի ճանաչում նրա սահմանները, Պեսկովը նշել է, որ Թուրքիան Ռուսաստանի գործընկերն է, և տարաձայնությունների առկայությունը խոչընդոտ չէ երկկողմ հարաբերությունների և տարածաշրջանային մի շարք հարցերի շուրջ փոխգործակցության զարգացման համար:
Պետդումայի ընտրություններում առաջատար են 4 կուսակցություններ. նախնական տվյալներ
«Այս փոխգործակցությունը պետք է շարունակվի… ինչ վերաբերում է տարաձայնություններին, ապա այդ կետերի շուրջ մենք կշարունակենք աշխատել թուրքական կողմի հետ՝ բացատրելով մեր դիրքորոշումը և ակնկալելով, որ վաղ թե ուշ մեզ կհաջողվի մոտեցնել մեր դիրքորոշումները»,-խոստացել է Պեսկովը։
Կրեմլի ներկայացուցիչն ընդգծել է նաև, որ Ղրիմն այն իրավիճակն է, որը բոլոր հնարավոր քննարկումների շրջանակներից դուրս է գտնվում:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала