Հայաստանյան թիմը կմասնակցի ծրագրավորման աշխարհի գլխավոր առաջնությանը

© Sputnik / Andranik GhazaryanЗаключенные в УИУ "Армавир" принимают участие в международном шахматном турнире среди заключенных (5 августа 2019). Армавирская область
Заключенные в УИУ Армавир принимают участие в международном шахматном турнире среди заключенных (5 августа 2019). Армавирская область - Sputnik Արմենիա, 1920, 21.09.2021
Այս տարի ընտրական մրցումները հաղթահարած ու եզրափակիչ անցած մասնակիցների թվում նաև հայ ուսանողներ կան։
ԵՐԵՎԱՆ, 21 սեպտեմբերի – Sputnik. Երևանի պետական համալսարանի ուսանողները կմասնակցեն ՏՏ ոլորտի ամենահեղինակավոր մրցումներից մեկին` ICPC սպորտային ծրագրավորման աշխարհի առաջնության եզրափակչին, հայտնում են կազմակերպիչները։ Առաջնությունը կանցկացվի հոկտեմբերի 1-6-ը։ Պատմության մեջ առաջին անգամ մրցումները կանցկացվեն Մոսկվայում "Մանեժ" կենտրոնական ցուցասրահում։
Хамидреза Салиге Рад, директор исследовательской компании QMISG, на армяно-иранском бизнес-форуме (29 июня 2021). Еревaн - Sputnik Արմենիա, 1920, 29.06.2021
Իրանցի մասնագետը Հայաստանում ՏՏ ընկերություն է փնտրում ՄՌՏ նախագծի վրա աշխատելու համար
«ICPC 2021–ի եզրափակիչը Մոսկվայում աննախադեպ իրադարձություն կդառնա, որը կներկայացնի աշխարհի ամենատաղանդավոր ծրագրավորող ուսանողներին։ Համակարգչային տեխնոլոգիաների ոլորտում կրթությունը խթանելով և ՏՏ–պրոֆեսիոնալների երիտասարդ սերնդին ոգեշնչելով` մենք նոր հնարավորություններ ենք բացում գալիք սերունդների համար, որպեսզի թվային հազարամյակի արշալույսին նախապատրաստենք նրանց ապագա աշխարհի կառավարմանը», – հավելել է ICPC Foundation–ի նախագահ, ICPC գործադիր տնօրեն, պրոֆեսոր Ուիլյամ Բ. Պաուչերը։
Եզրափակչում ընդհանուր առմամբ կհանդիպեն ավելի քան 100 թիմ ավելի քան 40 երկրից։ Դրա ընթացքում 3 անձից բաղկացած թիմերը 5 ժամ կմրցեն տրամաբանության, արագության և ռազմավարության ոլորտում` օպտիմալ լուծումներ գտնելով տարբեր բարդության 8-12 բացառիկ ալգորիթմական խնդիրների համար։ Լուծումը` ծրագրավորման լեզուներից մեկով կոդ գրել է ենթադրում։ Հաղթում է այն թիմը, որը սահմանված ժամանակում լուծել է առավելագույն քանակի խնդիրներ։
"Այթիշնիկների" բանակ. Հայաստանում ռազմական ծրագրավորողների դասընթացը կարող է վերսկսվել
Հոկտեմբերի 1-2-ը «Մանեժ»–ում մրցումներին զուգահեռ նաև գործնական և ճանաչողական բաց ծրագիր կանցկացվի. հանդիսատեսի, այդ թվում ուսանողների համար մուտքը բաց կլինի ՏՏ տեխնոլոգիաների աշխարհի առաջատար խոսնակների ելույթներին, բիզնես թեմատիկաներով բանավեճերին, ինչպես նաև խոշոր գործատուների մասնակցությամբ նստաշրջանին մասնակցելու համար։ Գրանցումը հասանելի է հետևյալ հղումով։
ICPC–ն աշխարհի հնագույն ՏՏ թիմային մրցում է, որն անցկացվում է ամեն տարի` սկսած 1977 թվականից։ Առաջնության նախկին մասնակիցների թվում են աշխարհի ավելի քան 300 000 լավագույն ծրագրավորողներ, համաշխարհային առաջատար ընկերությունների, այդ թվում Google–ի, Microsoft–ի, Amazon–ի, Facebook–ի համահիմնադիրներն ու առաջատար մշակողները։ Ընթացիկ սեզոնի ընտրական փուլի շուրջ 60 000 մասնակիցներից եզրափակիչ է անցել լավագույների միայն մոտ 1%–ը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала