https://arm.sputniknews.ru/20210921/mer-partutjuny-petq-e-pvokhakerpenq-haghtanaki-gunagegh-mijvocarumy-meknarkec-33507863.html

Մեր պարտությունը պետք է փոխակերպենք հաղթանակի․ "գունագեղ" միջոցառումը մեկնարկեց

Մեր պարտությունը պետք է փոխակերպենք հաղթանակի․ "գունագեղ" միջոցառումը մեկնարկեց

Sputnik Արմենիա

Փաշինյանի խոսքով՝ 44-օրյա պատերազմի ծանրությունը հիմա էլ կախված է Հանրապետության հրապարակում, բայց պատերազմում պարտությունը միշտ չէ, որ պարտություն է։ 21.09.2021, Sputnik Արմենիա

2021-09-21T20:32+0400

2021-09-21T20:32+0400

2021-09-21T20:54+0400

հայաստան

նիկոլ փաշինյան

անկախության օր

տեսանյութեր

https://cdn.am.sputniknews.ru/img/07e5/09/15/33508603_0:0:640:360_1920x0_80_0_0_ae8c736f644750edd7c8ecffb2fe05a8.jpg

Երևանի Հանրապետության հրապարակում րոպեներ առաջ մեկնարկեց Հայաստանի Անկախության 30-ամյակին նվիրված միջոցառումը։ Այն սկսվեց ՀՀ պետական օրհներգով։ Ապա բեմահարթակ բարձրացավ վարչապետ Նիկոլ Փաշինյանը։ Ուղերձից առաջ հոտնկայս մեկ րոպե լռությամբ ներկաները հարգեցին հանուն հայրենիքի իրենց կյանքը տված հերոսների հիշատակը։Փաշինյանն առաջարկեց հայացք նետել ՀՀ անկախության 30-ամյա պատմությանը։ Նրա խոսքով՝ մենք կտեսնենք հաջողություններ ու անհաջողություններ, հաղթանակներ ու պարտություններ, արցունքներ ու բերկրանք, ոգեշնչում և հուսահատություն, հիացմունք և հիասթափություն, պատերազմներ, պատերազմում կրած հաղթանակ և պատերազմում կրած պարտություն։ Շեշտեց՝ 2020 թվականի 44-օրյա պատերազմի ծանրությունը կախված է այս հրապարակի վրա։Եվ հիմա հարց է՝ ինչպես շարունակել ապրել ու նայել զոհվածների երեխաների, այրիների, հայրերի ու մայրերի աչքերին, ինչ անել, որ նրանց զոհողությունն անիմաստ չդիտարկվի։ Վարչապետը վստահ է՝ հենց այս բանաձևումն է մեր ամենամեծ խնդիրը՝ "ձևակերպել մեր կյանքի ու ապագայի ուղենիշը 30-ամյա անկախության այս հանգրվանում՝ անկախ պետության ապագա տասնամյակների համար"։«Մենք մեր պարտությունը պետք է փոխակերպենք հաղթանակի, բայց պետք է փոխակերպենք նաև հաղթանակի մեր բանաձևը, որովհետև պատմությունը նաև դա է ցույց տվել, որ հաղթելու համար պարտադիր չէ, երբեմն էլ նույնիսկ պետք չէ հաղթել ուրիշներին, հաղթել նշանակում է հաղթել հուսահատությանը, հաղթել անելանելիությանը, հաղթել ճակատագրին, հաղթել մահվանը»,- նշեց վարչապետը։Անկախության ամենատխուր տարեդարձը. ինչո՞ւ էինք անվերապահորեն հավատում, որ հաղթելու ենքՆրա խոսքով՝ հերոսներն ընկան, որ ապրեն Հայաստանն ու Արցախը։ Վստահ է՝ քանի դեռ ապրում են հայկական երկու պետությունները, մեր հերոսները ողջ են, երբ զարգանում են Հայաստանի Արցախի հանրապետությունները, նշանակում է՝ նրանց զոհողությունները հասել են իրենց նպատակին, որովհետև խոսքը մեր նահատակված հերոսների զավակների, եղբայրների ու քույրերի հայրենիքի մասին է։

https://arm.sputniknews.ru/20210921/meknarkum-e-jahervov-erty-depi-erablur-33502051.html

2021

Լուրեր

am_HY

հայաստան, նիկոլ փաշինյան, անկախության օր, տեսանյութեր