Ադրբեջանն Ամարասում պահանջում է իջեցնել Արցախի դրոշը

Ամարասի վանք - Sputnik Արմենիա, 1920, 22.09.2021
Ադրբեջանցիները շուրջ 1200 մետր առաջացել են, բայց ռուս խաղաղապահների միջամտությամբ վերադարձել են նախկին դիրքեր։
ԵՐԵՎԱՆ, 22 սեպտեմբերի – Sputnik. Լեռնային Ղարաբաղի Մարտունու շրջանի Մաճկալաշեն համայնքում ադրբեջանական զինուժը շուրջ 1200 մետր առաջացել է դեպի հայկական դիրքերը։ Այս մասին Sputnik Արմենիային հայտնեց Մաճկալաշենի համայնքապետ Լեռնիկ Ավանեսյանը։
«Առաջացել են դեպի չեզոք գոտի, որ բլրի վրա պոստ դնեն։ Ռուս խաղաղապահներին կանչել ենք, գնացել են՝ նորից ուղարկել իրենց տեղերը։ Մեր ու իրենց դիրքերի միջև 2000 մետր տարածություն է։ Կեսից ավելին` մի 1200 մետր առաջացել էին։ Բայց ռուս գեներալ Եգորովը եկել է, հարցերը լուծել։ Հետ են գնացել իրենց դիրքերը։ Հիմա դիրքերը նույն տեղում են, ոչ մի փոփոխություն չի եղել»,– ասաց Ավանեսյանը։
Նա նաև նշեց, որ այդ ընթացքում ոչ մի կողմից կրակոցներ չեն հնչել։
Российские миротворцы обеспечили безопасность паломников при посещении комплекса Амарас - Sputnik Արմենիա, 1920, 07.09.2021
Ռուս խաղաղապահներն ապահովել են Ամարաս այցելած ավելի քան 60 ուխտավորի անվտանգությունը
Լեռնիկ Ավանեսյանը նաև հայտնեց, որ ադրբեջանցիները պահանջում են, որպեսզի հայկական կողմը համայնքին հարակից Ամարաս վանքի վրայից իջեցնի Արցախի դրոշը։
«Եկել են ասել` իջեցրեք։ Բայց չենք էլ իջեցրել։ Ռուս գեներալն էլ է մեր զինվորականներին ասել, որ դիրքից Արցախի դրոշն իջեցնեն, Հայաստանի դրոշը դնեն։ Ամարասի դրոշի մասին ինձ վանքում աշխատող աշխղեկն է ասել»,– հավելեց Ավանեսյանը։
Ամարասը Արցախի վաղ միջնադարյան հայկական վանական համալիրներից մեկն է: 2020-ի նոյեմբերի 9-ի Եռակողմ համաձայնագրի ստորագրման արդյունքում վանքը մնացել է շփման գծին շատ մոտ՝ Ռուսաստանի խաղաղապահների պատասխանատվության գոտում: Վանք այցելող ուխտավորների անվտանգ տեղաշարժն ապահովում են ռուս խաղաղապահ ուժերը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала