Արտոնություններ զինծառայողներին. ՄԻՊ–ը նախագծերի փաթեթ է ուղարկել ԱԺ և ՊՆ

Արման Թաթոյանը Սյունիքում - Sputnik Արմենիա, 1920, 22.09.2021
Արման Թաթոյանը Սյունիքում. Արխիվային լուսանկար
ՀՀ մարդու իրավունքների պաշտպանի խոսքով`առաջարկվող արտոնությունները կնպաստեն, որպեսզի բանակում ծառայությունը դառնա ավելի գրավիչ նաև հենց ծառայության մեջ գտնվողների և նրանց ընտանիքների համար:
ԵՐԵՎԱՆ, 22 սեպտեմբերի - Sputnik. Զինծառայողներին և նրանց ընտանիքներին արտոնություններ տրամադրելու վերաբերյալ ՀՀ մարդու իրավունքների պաշտպանի աշխատակազմում մշակված նախագծերի փաթեթն ուղարկվել է Ազգային ժողովի պաշտպանության և անվտանգության հարցերի մշտական հանձնաժողով, այդ թվում՝ ոլորտային հանձնաժողովներ և խմբակցություններ, ինչպես նաև Պաշտպանության նախարարություն: Տեղեկությունը հայտնում են ՄԻՊ գրասենյակից։
Նշվում է, որ փաթեթին կցված են նաև նախագծերի ընդունման հիմնավորումները:
ՀՀ մարդու իրավունքների պաշտպանի առաջարկած արտոնություններից են, օրինակ՝
• աշխատանքի պահպանման նախապատվության իրավունքը.
• չվճարվող արձակուրդի տրամադրման պարտադիր կարգը.
• ամենամյա արձակուրդի ժամանակի ընտրության արտոնությունը.
• զբաղվածության պետական ծրագրերում ընդգրկվելու առաջնահերթության իրավունքը և այլն։
«Զինված ուժերի և այլ զորքերի զինծառայողների, ինչպես նաև նրանց ընտանիքների անդամների համար Մարդու իրավունքների պաշտպանի աշխատակազմի մշակած արտոնությունների ընդունումը կունենա սոցիալական կարևոր նշանակություն և կնպաստի զինվորական ծառայության հեղինակության աճին։ Առաջարկվող արտոնությունները նաև կբարձրացնեն ծառայություն անցնող կամ անցած զինծառայողների կարգավիճակը»,–նշված է հաղորդագրության մեջ:
Զինվորական սաղավարտներ - Sputnik Արմենիա, 1920, 20.09.2021
Մի շարք զինծառայողներ պարգևատրվել են Արցախի նախագահի մեդալներով, 12-ը` հետմահու
Ներկայացվող առաջարկությունների իրական շահառուներ կարող են լինել տարբեր կատեգորիայի զինծառայողներ կամ նրանց ընտանիքների անդամներ։
Ընդգծվում է, որ նախագծերի փաթեթն առավել կարևոր է դառնում հատկապես հետպատերազմական շրջանում, երբ զինծառայողների և նրանց ընտանիքների անդամների իրավունքների երաշխավորումը, ամրապնդումն ու պաշտպանությունն առաջնահերթ հրամայականն է:
Զինծառայողի մահվան ու ևս մեկի հրազենային վնասվածք ստանալու գործով 1 զինվոր կալանավորվել է
Նշենք, որ նախագծերի հիման վրա 2021 թվականին հրապարակվել է նաև արտահերթ զեկույց՝ հաշվի առնելով համապատասխան միջազգային փորձը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала