Фон для радио  - Sputnik Արմենիա, 1920
ՌԱԴԻՈ

Չի բացառվում, որ Ղրիմի հարցով Էրդողանի հայտարարության հետևում կանգնած է Արևմուտքը

«Ղրիմի առթիվ հայտարարությամբ Թուրքիան ձգտում է ցույց տալ, որ ինքնուրույն խաղացող է». Պողոսյան
Քաղաքական գիտության Հայաստանի ասոցիացիայի գործադիր տնօրեն Բենիամին Պողոսյանը Sputnik Արմենիայի եթերում անդրադարձել է ՄԱԿ–ի գլխավոր նստաշրջանում Թուրքիայի նախագահ Էրդողանի հայտարարությանը, որն առնչվում է Ղրիմին։
Էրդողանը Ղրիմին առնչվող հայտարարությամբ ուղերձ է հղում` ձգտելով ցույց տալ, թե սևծովյան տարածաշրջանում Թուրքիան ազդեցիկ խաղացող է, բայց մյուս կողմից էլ հասկանալի է, որ ՌԴ–ի դեմ ուղղված ցանկացած հայտարարություն բխում է Արևմուտքի, մասնավորապես ԱՄՆ–ի` Կրեմլին զսպելու քաղաքականությունից, Sputnik Արմենիայի հետ զրույցի ընթացքում նման տեսակետ հայտնեց միջազգայնագետ Բենիամին Պողոսյանը։
"Մոսկվայի դեմ խոսքերը կարող են թանկ նստել Անկարայի վրա". Ղրիմում պատասխանել են Էրդողանին
«Էրդողանն ունի ռազմավարություն` Թուրքիան դարձնել հնարավորինս անկախ տարածաշրջանային խաղացող, և այդ առնչությամբ Էրդողանն ունի բավականին մեծ պատկերացումներ, որոնք ընդգրկում են աշխարհագրական ընդլայնված սահմաններ, այսինքն` ցույց տալ, որ Թուրքիան ունի ինքնուրույն շահեր, ուստի քայլեր է ձեռնարկում` եկնելով սեփական հետաքրքրություններից։
Եթե շահերը հակասում են ՆԱՏՕ–ում ֆորմալ դաշնակիցների շահերին, ապա պատրաստ է քայլեր ձեռնարկել նաև նրանց դեմ, իսկ եթե այդ շահերը պահանջում են համագործակցել ոչ ֆորմալ դաշնակիցների հետ, ինչպիսին Ռուսաստանն է, ապա Թուրքիան պատրաստ է նման քաղաքականություն վարել»,– նշեց միջազգայնագետը։
Պողոսյանի դիտարկմամբ` պատահական չէ, որ այդ հայտարարությունն Էրդողանն արեց նախագահ Պուտինի հետ հանդիպումից ութ օր առաջ, հետևաբար չի կարելի բացառել, որ անընդհատ Ղրիմի և ուկրաինական հակամարտության խնդիրն առաջ մղելով` Թուրքիան փորձում է տարածաշրջանային հարցերը տարածաշրջանային խաղացողների միջոցով, առանց Արևմուտքի միջամտության, լուծելու ուղերձ հղել Ռուսաստանին, ինչպես դա եղավ Հարավային Կովկասում արցախյան պատերազմից հետո։
Կրեմլ - Sputnik Արմենիա, 1920, 21.09.2021
Ղրիմի վերաբերյալ Թուրքիայի հայտարարությունները անընդունելի են Կրեմլի համար․Պեսկով
Միջազգայնագետը չբացառեց, որ այստեղ ակնարկ կա Ռուսաստանին. Թուրքիան ցանկանում է ցույց տալ, թե կարող է Սևծովյան տարածաշրջանում խնդիրներ ստեղծել ՌԴ–ի համար` ակտիվ ռազմատեխնիկական համագործակցություն ծավալելով Ուկրաինայի հետ, հետևաբար Թուրքիան գուցե կփորձի նաև սրելով իրավիճակն ու խաղադրուքները բարձրացնելով` Մոսկվային առաջարկել կոնկրետ հարցերում հասնել փոխհամաձայնեցված լուծումների։
Հիշեցնենք, որ Թուրքիայի նախագահ Էրդողանը, ելույթ ունենալով ՄԱԿ-ի Գլխավոր վեհաժողովում, ասել է, որ կարևոր է պահպանել Ուկրաինայի տարածքային ամբողջականությունը, ներառյալ «բռնակցված» Ղրիմի տարածքը:
Հայ-թուրքական մերձեցման հերթական փորձն ու Էրդողանի մեծ ախորժակը
Ավելի վաղ Թուրքիայի ԱԳՆ-ն հայտարարել էր, որ Ղրիմում անցկացված ընտրություններն իրավական ուժ չունեն: Կրեմլն այս հայտարարությունն անընդունելի է անվանել:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала