Фон для радио  - Sputnik Արմենիա, 1920
ՌԱԴԻՈ

Թուրքիայի ԱԳՆ հայտարարությունը տեղավորվում է ՆԱՏՕ-Ռուսաստան հակադրության համատեքստում

«Թուրքիայի ԱԳՆ հայտարարությունը տեղավորվում է ՆԱՏՕ-Ռուսաստան հակադրության համատեքստում». Խուդավերդյան
Թուրքագետ Մուշեղ Խուդավերդյանը Sputnik Արմենիայի եթերում խոսել է ռուս–թուրքական հարաբերությունների վերջին սրացման և Հայաստանի հետ հարաբերություններում պաշտոնական Անկարայի նախապայմանների մասին։
Որքան էլ Թուրքիան և Ռուսաստանը առևտրատնտեսական ոլորտում համագործակցում են, այնուհանդերձ քաղաքական առումով երկու երկրները հակադիր բևեռներում են։ Sputnik Արմենիայի հետ զրույցում նման կարծիք հայտնեց թուրքագետ Մուշեղ Խուդավերդյանը` անդրադառնալով Ղրիմի ընտրությունները չճանաչելու վերաբերյալ Թուրքիայի ԱԳՆ-ի հայտարարությանը։
«Աշխարհի մի շարք վայրերում, մասնավորապես Սիրիայում, ինչու չէ նաև Լիբիայում և այլ երկրներում ռուս-թուրքականհարաբերություններըհակադրվումենմիմյանց։ Ուկրաինան ևս բացառություն չէ, հետևաբար Թուրքիայի ԱԳ նախարարության հայտարարությունը տեղավորվում է ՆԱՏՕ-Ռուսաստանհակադրությանհամատեքստում»,- ասաց նա։
Կրեմլ - Sputnik Արմենիա, 1920, 21.09.2021
Ղրիմի վերաբերյալ Թուրքիայի հայտարարությունները անընդունելի են Կրեմլի համար․Պեսկով
Թուրքիան մեկ անգամ չէ, որ հայտարարել է Ղրիմն Ուկրաինայի մաս ճանաչելու մասին, որին (ինչպես նաև այս հայտարարությանը) Ռուսաստանը մինչ այս պահն արձագանքում է դիվանագիտական խողովակներով։
Խուդավերդյանի խոսքով` պաշտոնական Անկարան այսօրինակ հռետորաբանությունը կշարունակվի այնքան ժամանակ, քանի դեռ Թուրքիան ՆԱՏՕ-ի անդամ է։

Հայաստանի հետ սահմանները բացելու թուրքական նախապայմանները ևս նույն տրամաբանության մեջ են տեղավորվում։ Թուրքիան 30 տարի առաջ էլ դրա դիմաց պահանջում է, որ Հայաստանը ճանաչի Արցախը որպես Ադրբեջանի մաս և հրաժարվի Ցեղասպանության ճանաչման գործընթացից։

«Այս նախապայմանները փաստացի արևմտյան նախապայմաններ են, քանզի նման նախապայմանների կատարումից հետո ակնհայտ է, որ ռուսական ազդեցությունը ևս կթուլանա տարածաշրջանում։ Հետևաբար, այս նախապայմանները նաև Արևմուտքի նախապայմաններն են, և սա է Թուրքիայի և Ադրբեջանի դիրքորոշումը Հայաստանի հետ հարաբերություններում»,- նշեց թուրքագետը։
Հայ-թուրքական մերձեցման հերթական փորձն ու Էրդողանի մեծ ախորժակը
Հիշեցնենք, որ սեպտեմբերի 21-ին ՌԴ ԱԳՆ պաշտոնական ներկայացուցիչ Մարիա Զախարովան "Սոլովյով Live" - ի եթերում ասել է, որ Մոսկվան ուշադրություն է դարձրել Ղրիմի ընտրությունները չճանաչելու վերաբերյալ Թուրքիայի ԱԳՆ-ի հայտարարությանը։ Նա հավելել է, որ Ռուսաստանը համապատասխան եզրակացություններ կանի:
Ավելի վաղ Թուրքիայի արտաքին գործերի նախարարությունը հաղորդագրություն էր հրապարակել, որում ասված է, որ Ղրիմի Հանրապետությունում Ռուսաստանի Դաշնության Պետական դումայի ընտրությունները լեգիտիմ չեն:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала