Թաթոյանը բարձր է գնահատել Պետդումայի ընտրություններում Մոսկալկովայի ներդրած նոր պրակտիկան

© PhotoԱրման Թաթոյանը սեպտեմբերի 17-19 մասնակցել է ՌԴ Պետական դումայի ընտրությունների դիտարկմանը՝ որպես միջազգային փորձագետ:
Արման Թաթոյանը սեպտեմբերի 17-19 մասնակցել է ՌԴ Պետական դումայի ընտրությունների դիտարկմանը՝ որպես միջազգային փորձագետ: - Sputnik Արմենիա, 1920, 22.09.2021
Արման Թաթոյանն արձանագրել է, որ Մոսկալկովան ընտրական իրավունքների հարցերով արդյունավետ երկխոսություն է վարում քաղաքացիական հասարակության կազմակերպությունների հետ:
ԵՐԵՎԱՆ, 22 սեպտեմբերի – Sputnik. ՀՀ մարդու իրավունքների պաշտպան Արման Թաթոյանը բարձր է գնահատել Պետդումայի ընտրությունների ժամանակ Ռուսաստանի մարդու իրավունքների հանձնակատարի ներդրած նոր պրակտիկան։ Թաթոյանը գրառում է արել Facebook–ի իր էջում` նշելով, որ այդ պրակտիկան հնարավորություն է տալիս առցանց հարթակում հետևել ընտրությունների ընթացքին՝ անմիջական հասանելիություն ունենալով ընտրական տեղամասերի տեսադիտարկմանը:
Նշենք, որ ՌԴ մարդու իրավունքների հանձնակատար Տատյանա Մոսկալկովայի հրավերով Թաթոյանը սեպտեմբերի 17-19 մասնակցել է Պետական դումայի ընտրությունների դիտարկմանը՝ որպես միջազգային փորձագետ:
Արման Թաթոյանը նշել է, որ իր գործընկերոջ՝ Տատյանա Մոսկալկովայի անձնական մեծ ջանքերի արդյունք է նաև ՌԴ մարդու իրավունքների ռեգիոնալ հանձնակատարների ներդաշնակ և արդյունավետ համատեղ աշխատանքը Դաշնային հանձնակատարի հետ"
Հենց տեղում՝ մարդու իրավունքների հաստատությունում դիտարկումների ժամանակ արձանագրվել են մի շարք հարցեր, որոնք Մոսկալկովայի և ՌԴ Կենտրոնական ընտրական հանձնաժողովի հետ համագործակցության արդյունքում լուծվել են։
ՌԴ Կենտրոնական ընտրական հանձնաժողովում, ինչպես նաև ՌԴ Հասարակական պալատում քննարկման ժամանակ Թաթոյանը ներկայացրել է ՌԴ-ում մարդու իրավունքների հանձնակատարի հետ համագործակցության բարձր մակարդակը: Թաթոյանն արձանագրել է, որ Մոսկալկովան ընտրական իրավունքների հարցերով արդյունավետ երկխոսություն է վարում քաղաքացիական հասարակության կազմակերպությունների հետ:
Омбудсмен Арман Татоян в гостях у радио Sputnik  - Sputnik Արմենիա, 1920, 18.09.2021
Սա եզակի փորձ է. Արման Թաթոյանը՝ ՌԴ ընտրությունների տեսադիտարկման համակարգի մասին
Ընտրությունների դիտարկման ժամանակ ինչպես ՀՀ մարդու իրավունքների պաշտպանը, այնպես էլ այլ երկրների մարդու իրավունքների ազգային հաստատությունների ղեկավարներն այցելել են քննչական մեկուսարաններ ընտրական պրոցեսի կազմակերպման ընթացքին ծանոթանալու նպատակով:
Նիկոլ Փաշինյանը շնորհավորական ուղերձ է հղել Վլադիմիր Պուտինին
Նշենք, որ Պետդումայի ընտրություններն այս տարի անցկացվեցին սեպտեմբերի 17-19-ը, միաժամանակ 9 սուբյեկտում ընտրեցին տարածաշրջանների ղեկավարների, ևս 39-ում ՝ տարածաշրջանային խորհրդարանների պատգամավորների:
ՌԴ ԿԸՀ տվյալներով`ընտրատարածքային հանձնաժողովների արձանագրությունների 99,84 տոկոսի ամփոփումից հետո «Եդինայա Ռոսիա» կուսակցությունը ստացել է 49,83 տոկոս։ Երկրորդը Կոմունիստական կուսակցությունն է` 18,94, երրորդը՝ Վլադիմիր Ժիրինովսկու Լիբերալ-դեմոկրատական կուսակցությունը՝ 7,52 տոկոս։
Պետդումայի ընտրություններում ամենադրական կողմերից էր էլեկտրոնային քվեարկությունը. Սանդիկով
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала