Фон для радио  - Sputnik Արմենիա, 1920
ՌԱԴԻՈ

Այսօր Հայաստանը գոյություն ունի միայն ռուսական ռազմաքաղաքական գործոնի շնորհիվ. Թևանյան

«Այսօր Հայաստանը գոյություն ունի միայն ռուսական ռազմաքաղաքական գործոնի շնորհիվ». Անդրանիկ Թևանյան
ԱԺ "Հայաստան" դաշինքի պատգամավոր Անդրանիկ Թևանյանը Sputnik Արմենիայի հետ զրույցում անդրադարձել է արցախյան 44-օրյա պատերազմի տարելիցին, պատճառահետևանքային կապին և առկա մարտահրավերներին։
Արցախի պետականության կորուստն իջեցրել է Հայաստանի սուբյեկտայնությունը միջազգային հարաբերություններում, հիմա մեր առջև ծառացած մարտահրավերները շատ ավելի ֆունդամենտալ են, և այսօր Հայաստանը գոյություն ունի միայն ռուսական ռազմաքաղաքական գործոնի շնորհիվ, Sputnik Արմենիայի հետ զրույցում նման տեսակետ հայտնեց ԱԺ «Հայաստան» դաշինքի պատգամավոր Անդրանիկ Թևանյանը։
«Հայաստանի անկախությունը նաև արցախյան շարժման ծնունդ էր, և հիմա քանի որ այդ կոդը չկա, Հայաստանն ինչ–որ առումով կորցրել է իր գաղափարական հենքն ու գոյության իմաստը»,-ասաց նա։
Ամարասի վանք - Sputnik Արմենիա, 1920, 22.09.2021
Ադրբեջանն Ամարասում պահանջում է իջեցնել Արցախի դրոշը
Թևանյանի գնահատմամբ` 44-օրյա պատերազմի հիմքը դրվեց 2018 թվականի մայիսի 9-ին։ «Ներկա իշխանությունն ամեն ինչ արեց, որպեսզի պատերազմը դառնա անխուսափելի և մենք այդ պատերազմում պարտվենք, հետևաբար բացարձակ դիլետանտ իշխանավարման արդյունքում ստացել ենք այսօրվա իրավիճակը»,– ասաց ԱԺ պատգամավորը։
Թևանյանի դիտարկմամբ` պատերազմը շարունակվում է, մենք օր–օրի տարածքներ ենք կորցնում, ունենում ենք նոր զոհեր, փաստացի մեր տնտեսությունն աշխատում է կիսով չափ, քանզի հայտնվել ենք նոր բլոկադայի մեջ, իսկ պատերազմն ընթանում է ինֆորմացիոն, տնտեսական, դիվանագիտական հիբրիդային տիրույթում, ու «մենք դեռ կունենանք նոր կորուստներ, եթե ներկայիս ապաշնորհ իշխանությունը շարունակի պաշտոնավարել»։
Արցախի մշակութային ժառանգությունը ոչնչացման վտանգից պաշտպանելու կարիք կա. Միրզոյան
ԱԺ պատգամավորի համոզմամբ` անհրաժեշտ է բանակն ու տնտեսությունը վերականգնել` մարդկանց մեջ պահելով Հայաստանում և Արցախում ապրելու ցանկությունը, քանի որ մեր պետությունն արցախյան շարժման արդյունք է, և դրանից ծնված պետությունը չի կարող գոյատևել առանց Արցախի, որի անվտանգության երաշխավորն այժմ ռուս զինվորականներն են, Արցախն էլ յուրովի վերածվել է կովկասյան Ղրիմի։ Ըստ նրա` ռուսական և հայկական կողմերի շահերը համընկնում են այնքանով, որ Ռուսաստանը նույնպես ցանկանում է, որ Արցախում հայկական տարրը գերիշխող լինի։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала