Արցախի ԱԺ պատվիրակությանը չեն հրավիրել Անկախության օրվա միջոցառմանը. հայտարարություն

© Sputnik / Asatur YesayantsНациональное собрание Республики Арцах
Национальное собрание Республики Арцах - Sputnik Արմենիա, 1920, 23.09.2021
Բաժանորդագրվեք
Արցախի ԱԺ 3 խմբակցությունները համոզված են, որ նման վերաբերմունքը, մինչ այդ նկատված թերացումների հետ մեկտեղ, հղի է լուրջ վտանգներով։
ԵՐԵՎԱՆ, 23 սեպտեմբերի – Sputnik. Արցախի Ազգային ժողովի «Արդարություն», «Հայ հեղափոխական դաշնակցություն» և «Արցախի ժողովրդավարական կուսակցություն» խմբակցությունները հայտարարություն են տարածել` անդրադառնալով սեպտեմբերի 21-ին Երևանում կայացած միջոցառմանը։
«Անցյալ տարվա ավերիչ պատերազմից հետո հայկական երկու հանրապետություններում սեպտեմբերի 2-ի և սեպտեմբերի 21-ի պետական տոները լավագույն առիթ էին մեր ժողովրդին ու աշխարհին փոխանցելու հանրությանը հուզող հիմնախնդիրների լուծման հնարավորությունների և Արցախի ու Հայաստանի միջև կապերի անխախտելիության մասին սպասված ուղերձները: Բայց, ինչպես կանխատեսելի էր Հայաստանի ու Արցախի գործող իշխանություններից, ամեն ինչ կատարվել է ի վնաս հոգեբանական բարդ վիճակում գտնվող հանրությանը ճգնաժամից դուրս բերելու համար»,– նշված է հայտարարության մեջ:
Артисты на сцене во время праздничного концерта по случаю 30-летия независимости Республики Армения (21 сентября 2021). Ереван - Sputnik Արմենիա, 1920, 21.09.2021
Ուժայինների քայլերթ, գունագեղ շոու և երթ Եռաբլուր. Անկախության 30–ամյակը` լուսանկարներով
Ըստ խմբակցությունների` Երևանի կենտրոնական հրապարակում սեպտեմբերի 21-ի երեկոյան կազմակերպած, իրենց իսկ բնորոշմամբ, "գունագեղ միջոցառման" իրականացումն այն դեպքում, երբ առկա էր հանրային հիմնավորված դժգոհություն, խոսում է այն մասին, որ օրվա իշխանությունների համար «ասածից հետ չկանգնելու» տղայական մոտեցումն ավելի նախապատվելի տեղ ունի, քան պետականամետ վարքագիծը:
«Հանրության համար զարմանալի էր այն դիրքորոշումը, որ արտահայտվեց սեպտեմբերի 2-ին, երբ համապատասխան հրավերների առկայության պարագայում այդպես էլ Հայաստանի բարձրագույն ղեկավար կազմից որևէ պաշտոնյա ներկա չգտնվեց համահայկական նշանակություն ունեցող Արցախի Հանրապետության օրվա միջոցառումներին և Ստեփանակերտ ժամանեց միայն խորհրդարանական պատվիրակությունը: Սպասելի էր, որ սեպտեմբերի 21-ին՝ ՀՀ Անկախության օրվան նվիրված միջոցառումներին մասնակցելու համար, ինչպես նախորդ տարիներին, հրավեր ուղարկվեր Արցախի խորհրդարանական պատվիրակությանը, սակայն այս պարագայում ևս արհամարհվել են արարողակարգային պահանջները»,– ասված է հայտարարությունում:
Խմբակցությունները շեշտել են` պետականության ավանդույթներն ամրապնդելու ընձեռված հնարավորությունները մերժելով՝ ՀՀ գործող իշխանությունները կասկածի տակ են դնում Արցախի Հանրապետության սուբյեկտայնությունը:
Шоу дронов во время праздничного концерта по случаю 30-летия независимости Республики Армения (21 сентября 2021). Ереван - Sputnik Արմենիա, 1920, 22.09.2021
Ի՞նչ արժեր դրոնների շոուն Հանրապետության հրապարակում. ԶԼՄ
«Նման վերաբերմունքը, մինչ այդ նկատված թերացումների հետ մեկտեղ, հղի է լուրջ վտանգներով և, անկախ դրդապատճառներից, էապես վնասում է միջազգային ճանաչման ձգտող Արցախի Հանրապետության վարկանիշին, ինչպես նաև բացասական ազդակներ հաղորդում կարգավորման գործընթացում ներգրավված միջազգային կառույցներին»,–եզրափակել են պատգամավորները:
Հիշեցնենք` սեպտեմբերի 21-ին Երևանի Հանրապետության հրապարակում մեծ միջոցառում էր կազմակերպվել, որը եզրափակվեց դրոնների տպավորիչ ու գունագեղ շոուով։ Րոպեներ շարունակ Երևանի երկնքում հատուկ անօդաչու թռչող սարքերով գծագրվեցին ժողովրդի պատմության համար խորհրդանշական պատկերներ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала