https://arm.sputniknews.ru/20210923/hajastanum-kkhstacnen-avvotmeqenaneri-vra-gazi-balvonneri-teghadrman-kargy-33575482.html

Հայաստանում կխստացնեն ավտոմեքենաների վրա գազի բալոնների տեղադրման կարգը

Հայաստանում կխստացնեն ավտոմեքենաների վրա գազի բալոնների տեղադրման կարգը

Sputnik Արմենիա

Օրենսդրական միջոցառումները նպատակ ունեն ազատվել ավտոմեքենաների մաշված և պոտենցիալ վտանգ ներկայացնող բալոններից։ 23.09.2021, Sputnik Արմենիա

2021-09-23T15:45+0400

2021-09-23T15:45+0400

2021-09-23T16:28+0400

հայաստան

գազ

ավտոմեքենա

վարորդ

վարորդական իրավունք

գազալցակայան

գազաբալոն

https://cdn.am.sputniknews.ru/img/07e5/09/12/33411161_0:167:1601:1067_1920x0_80_0_0_dc2ed8065b81382867391baac6819aaf.jpg

ԵՐԵՎԱՆ, 23 սեպտեմբերի – Sputnik. ՀՀ կառավարությունը որոշել է խստացնել ավտոմեքենաների գազաբալոնային սարքավորումների շահագործման լիցենզիաների տրամադրման կանոնները:Համապատասխան օրենքը մշակել է տարածքային կառավարման և ենթակառուցվածքների նախարարության ավտոմոբիլային տրանսպորտի քաղաքականության վարչությունը։ Դա արվում է գազաբալոնային սարքավորումների շահագործման ժամանակ անվտանգության մակարդակը բարձրացնելու և ողբերգական միջադեպերը կանխարգելելու նպատակով։Ինչպես այսօր կայացածմամուլի ասուլիսի ընթացքում նշեց վարչության պետ Արայիկ Ստեփանյանը, օրենսդրական նախաձեռնության հեղինակները ցանկանում են միասնական պայմաններ սահմանել գազաբալոնային սարքավորումների ստուգմամբ և լիցենզավորմամբ զբաղվող կազմակերպությունների համար։Օրենսդրական փոփոխություններով նախատեսվում է ստեղծել ավտոմեքենաների գազաբալոնային համակարգերի տվյալների էլեկտրոնային բազա: Դրանում կներառվի Հայաստանում գրանցված բոլոր մեքենաներում տեղադրված սարքավորումների մասին ամբողջական տեղեկատվություն, այդ թվում` բալոնային սարքավորումների հերթական տեխզննման մասին տվյալներ:Նման միջոցառումները թույլ կտան արդյունավետ կերպով հետևել բալոնների վիճակին։ 2022 թ․-ի փետրվարից ուժի մեջ են մտնում "Վարչական իրավախախտումների մասին" օրենքում փոփոխությունները, որոնք վերաբերում են լիցենզավորող ընկերությունների կողմից հնարավոր խախտումներին:Վարչական պատասխանատվության նպատակն է ընկերությանը պարտավորեցնել ավելի խիստ մոտենալ մեքենաների սեփականատերերին վկայականներ տրամադրելու կարգին և պայմաններին: Ընդ որում, նոր կանոնների համաձայն, մեքենաները չեն կարողանա լիցքավորվել առանց լիցենզավորող ընկերությունների կողմից դրական եզրակացության մասին համապատասխան փաստաթղթերի։Տեխնիկապես գործընթացը հետևյալ տեսքը կունենա․ էլեկտրոնային տվյալների բազայի ստեղծումից հետո դրանց հասանելիություն կստանան բոլոր բենզալցակայանները: Մեքենան լիցքավորելուց առաջ կայանի աշխատողը պետք է մեքենան գտնի համակարգում՝ հավաքելով դրա պետհամարանիշը։Համակարգում մեքենայի նույնականացումը թույլ կտա իմանալ, թե արդյոք մեքենան անցել է համապատասխան ստուգում, արդյոք դրա գազաբալոնային սարքավորումները համապատասխանում են նշված ցուցանիշներին: Միայն դրանից հետո մեքենան կարելի է լիցքավորել։

https://arm.sputniknews.ru/20210522/paytyun-davtashenum-avtotnaky-shahagortsvel-e-vorpes-gazabalonneri-texadrman-ket-27641485.html

https://arm.sputniknews.ru/20200317/paytyun-ararati-marzum-bernatari-gazabalonenery-paytel-en-licqavorelis-22424031.html

2021

Լուրեր

am_HY

հայաստան, գազ, ավտոմեքենա, վարորդ, վարորդական իրավունք, գազալցակայան, գազաբալոն