Фон для радио  - Sputnik Արմենիա, 1920
ՌԱԴԻՈ

Հայաստանում ներդրումների համար շահութաբեր ոլորտները գնալով պակասում են. Քթոյան

Հայաստանում ներդրումների համար շահութաբեր ոլորտները գնալով պակասում են. Քթոյան
Տնտեսագետ Արմեն Քթոյանը Sputnik Արմենիայի եթերում անդրադարձել է Հայաստանի ներդրումային գրավչությանը։
Հայաստանում ներդրումներից շահույթ ստանալու հնարավորությունները աստիճանաբար ավելի ու ավելի են նվազում։ Sputnik Արմենիայի հետ զրույցում նման կարծիք հայտնեց տնտեսագետ Արմեն Քթոյանը։
Նրա խոսքով` այս պահին այդպիսի 1-2, լավագույն դեպքում՝ 3 ոլորտ կա, որոնցից մեկն էլ գյուղատնտեսությունն է։ Սակայն այդ ոլորտներում շահույթ ապահովելու համար պետությունը լուրջ անելիքներ ունի։ Անհրաժեշտ է արդյունավետությունը խթանող ռազմավարություն մշակել և գործուն քայլեր ձեռնարկել այդ ոլորտների միջավայրը փոխելու ուղղությամբ։
Կառավարությունում քննարկվել են գյուղատնտեսության զարգացմանն ուղղված ծրագրերը
«Բոլոր ոլորտներում, այդ թվում՝ գյուղատնտեսության, մենք ունենք ռեսուրսների ոչ արդյունավետ օգտագործման խնդիր։ Քիչ հողատարածքներ ունեցող երկրում հողատարածքների 1/3-ը չի օգտագործվում, մնացած մասն էլ անարդյունավետ է օգտագործվում»,- ասաց նա։
Քթոյանի կարծիքով` ոլորտը գրավիչ ու արդյունավետ կդառնա, եթե, օրինակ, պետությունը գնա գյուղատնտեսության խոշորացման ճանապարհով, ինչը, սակայն իր հերթին կարող է դժգոհության ալիք բարձրացնել և շահարկումների առիթ դառնալ, թե` եկել են մեր հողերը մեր ձեռքից խլեն։
Лидер партии «Процветающая Армения» Гагик Царукян во время предвыборной кампании в Котайкской области - Sputnik Արմենիա, 1920, 08.06.2021
«Գյուղատնտեսությունը մեռած է». Ծառուկյանը կարծում է` գյուղնախարարությունը պետք է վերաբացվի
«Սա անխուսափելի ուղի է, այլապես խաղողի մթերման ժամանակ մենք անընդհատ կունենանք փակված ճանապարհներ, թուրքական լոլիկի ներկրման համար կառավարության դիմաց բողոքի ակցիաներ և շատ նմանատիպ խնդիրներ։ Ինքդ պետք է կարողանաս սեփական ռեսուրսն այնպես արդյունավետ օգտագործես, որ քո մրցակցային առավելությունները ձևավորես և դրանք իրացնես»,- նշեց տնտեսագետը։
Նշենք, որ ՀՀ վարչապետն ու էկոնոմիկայի նախարարը բազմիցս հայտարարել են, որ Հայաստանում ներդրումային շուկան գրավիչ է, և կան մարդիկ, որոնք պատրաստ են գալ և խոշոր ներդրումներ անել։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала