Ուսուցչի օրվա առթիվ լավագույն մանկավարժները կպարգևատրվեն 500.000–ական դրամով

© SputnikԴպրոց (Սոթք)
Դպրոց (Սոթք) - Sputnik Արմենիա, 1920, 24.09.2021
Դպրոց (Սոթք). Արխիվային լուսանկար
2020 թվականին "Տարվա լավագույնները" մրցույթի շրջանակում ՀՀ ԿԳՄՍ նախարարությունը 58 մանկավարժի պարգևատրել էր դյուրակիր համակարգիչներով։
ԵՐԵՎԱՆ, 24 սեպտեմբերի – Sputnik. Ուսուցչի օրվա առթիվ հանրակրթական ուսումնական հաստատությունների լավագույն մանկավարժները կպարգևատրվեն։ Տեղեկությունը հայտնում է ԿԳՄՍՆ մամուլի ծառայությունը։
«Նախատեսվում է պարգևատրել 22 հաղթող մասնակցի՝ յուրաքանչյուրին 500.000 ՀՀ դրամի չափով»,–նշված է հաղորդագրության մեջ։
Президент Армен Саркисян в окружении школьников - Sputnik Արմենիա, 1920, 01.09.2021
«Հավատարի՛մ եղեք անցյալի ժառանգությանը». նախագահն ուղերձ է հղել աշակերտների, ուսուցիչներին
Նշենք, որ 2020 թվականին «Տարվա լավագույնները» մրցույթի շրջանակում ՀՀ ԿԳՄՍ նախարարությունը 58 մանկավարժի պարգևատրել էր դյուրակիր համակարգիչներով։ Նախարարությունը նպատակահարմար է գտել 2021 թվականին "Տարվա լավագույնները" մրցույթի արդյունքում հաղթող մասնակիցներին տրամադրել դրամական պարգև:
Նախարարությունը շեշտում է, որ դյուրակիր համակարգիչներով պարգևատրման փոխարինումը դրամական պարգևով պայմանավորված է մանկավարժներին իրենց աշխատանքի արդյունքում ձեռք բերած պարգևն առավել նպատակային և ըստ անհրաժեշտության տնօրինելու հնարավորություն ընձեռելու իրողությամբ։
Ո՞ր դեպքում և ո՞ր ուսուցիչները կստանան աշխատավարձի 30-50 %-ի չափով հավելավճար
Հիշեցնենք, որ ՀՀ կառավարության 2021-2026 թթ. ծրագրում ամրագրվել է՝ ներդնել ուսուցիչների մասնագիտական զարգացման տարբերակված քաղաքականություն՝ ըստ ուսուցիչների տարբեր խմբերի կարիքների՝ բոլոր ուսուցիչներին հնարավորություն ընձեռելով ունենալ առնվազն աշխատավարձի 30-50 տոկոս բարձրացում, ամբողջությամբ վերանայել մանկավարժական կրթության համակարգը՝ երիտասարդների շրջանում ուսուցչի մասնագիտությունը դարձնելով պահանջված, հեղինակավոր և արդիական։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала