Արարատ Միրզոյանը գերիների թեմայով խոսել է ԵԱՀԿ գործող նախագահի հետ

© Photo : official site of MFA of RA Министр иностранных дел Армении Арарат Мирзоян встретился с главой МИД Швеции Анн Линде (25 сентября 2021). Нью-Йорк
Министр иностранных дел Армении Арарат Мирзоян встретился с главой МИД Швеции Анн Линде (25 сентября 2021). Нью-Йорк - Sputnik Արմենիա, 1920, 25.09.2021
Բաժանորդագրվեք
ԵՐԵՎԱՆ, 25 սեպտեմբերի – Sputnik. ՄԱԿ–ի Գլխավոր ասամբլեայի 76-րդ նստաշրջանի շրջանակում ՀՀ արտգործնախարար Արարատ Միրզոյանը սեպտեմբերի 24-ին հանդիպում է ունեցել Շվեդիայի ԱԳ նախարար, ԵԱՀԿ գործող նախագահ Անն Լինդեի հետ: Տեղեկությունը հայտնում է ԱԳՆ մամուլի ծառայությունը։
Նախարարներն անդրադարձել են երկկողմ և բազմակողմ հարթակներում Հայաստանի և Շվեդիայի միջև հաստատված համագործակցության խորացման հեռանկարներին։
Արարատ Միրզոյանը և Անն Լինդեն քննարկել են տարածաշրջանային անվտանգությանը և կայունությանը վերաբերող հարցեր։
Արարատ Միրզոյանը հանդիպել է ՄԱԿ գլխավոր քարտուղարի հատուկ խորհրդականին - Sputnik Արմենիա, 1920, 25.09.2021
Արարատ Միրզոյանը հանդիպել է ՄԱԿ գլխավոր քարտուղարի հատուկ խորհրդականին
Միրզոյանն իր զրուցակցին է ներկայացրել ադրբեջանաթուրքական ագրեսիայի հետևանքով Արցախում ստեղծված իրավիճակը և ծառացած հումանիտար խնդիրները՝ շեշտելով, որ տարածաշրջանում տևական և կայուն խաղաղության կարելի է հասնել միայն ԵԱՀԿ Մինսկի խմբի համանախագահության հովանու ներքո Լեռնային Ղարաբաղի հակամարտության համապարփակ կարգավորման միջոցով` հայտնի սկզբունքների և տարրերի հիման վրա:
ՀՀ ԱԳ նախարարն ընդգծել է Ադրբեջանում պահվող հայ ռազմագերիների և քաղաքացիական անձանց անվերապահ հայրենադարձման կարևորությունը։
Զրուցակիցները կարևորել են տարածաշրջանում իրավիճակի դեէսկալացիային ուղղված հստակ քայլերի իրականացումը։
ԵԱՀԿ ՄԽ համանախագահները հայտարարություն են տարածել. ի՞նչ են առաջարկել Երևանին ու Բաքվին
Հիշեցնենք` 44–օրյա պատերազմի ավարտից հետո Հայաստան է վերադարձել 105 գերի։ Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։
Թաթոյանը մանրամասներ ներկայացրեց Ադրբեջանում պահվող գերիների հանդեպ դաժան վերաբերմունքից
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала