Արցախում պետական դավաճանության դեպք է բացահայտվել. ձերբակալվածը 21 տարեկան է

Լրտեսության և պետական դավաճանության դեմ պայքարում իշխանություններն ակնկալում են հասարակության աջակցությունը։
Արցախում պետական դավաճանության դեպք է բացահայտվել։ Տեղեկությունը հայտնում է ԱՀ ազգային անվտանգության ծառայությունը։
Ըստ հաղորդագրության` սեպտեմբերի 25-ին սոցիալական ցանցերում և Telegram ալիքներում տարածվել են տեսանյութեր, որում հեղինակը ցույց է տալիս Ստեփանակերտի տարբեր վայրեր և ռուսերեն շեշտում, թե գտնվում է Խանքենդիում։
«Ազգային անվտանգության ծառայության և ԱՀ ոստիկանության հետ համատեղ ձեռնարկված օպերատիվ-հետախուզական միջոցառումների արդյունքում հայտնաբերվել ու բերման է ենթարկվել Արցախի Հանրապետության Ասկերանի շրջանի Իվանյան համայնքի բնակիչ, 2000թ․ ծնված Մ․ Ա․-ն, որը ԱՀ Քրեական օրենսգրքի 310-րդ հոդվածով նախատեսված հանցագործություն կատարելու կասկածանքով ձերբակալվել է»,- նշված է հաղորդագրության մեջ։
Խոստովանական ցուցմունքում քաղաքացին նշում է, որ նկարել է տեսանյութը, ապա փոխանցել այլ անձի, որպեսզի վերջինս էլ տարածի սոցիալական ցանցերում բնակիչներին խուճապի մատնելու համար։ Նա ասում է, որ զղջում է իր արածի համար և ներողամտություն խնդրում։ Արցախի Ազգային անվտանգության ծառայությունը չի բացառում, որ թշնամի երկրների հատուկ ծառայությունները կփորձեն տարբեր միջոցներով ԱՀ քաղաքացիներին ներգրավել հանցավոր գործունեության մեջ։
ՀՀ ԶՈւ նախկին բարձրաստիճան պաշտոնյան ձերբակալվել է. ԱԱԾ–ի նոր բացահայտումը
Օտարերկրյա պետությունների հատուկ ծառայությունների կողմից Արցախի դեմ ուղղված հետախուզական գործունեության բացահայտման, կանխման և խափանման գործընթացում Արցախի ԱԱԾ-ն ակնկալում է հասարակության լայն շերտերի ներգրավվածությունը և կոչ է անում իշխանության մարմիններին հայտնել պետական դավաճանության կամ լրտեսության վերաբերյալ տեղեկությունները՝ ի նպաստ Արցախի Հանրապետության:
ԱՀ ԱԱԾ-ն հորդորում է նաև սոցիալական ցանցերում և այլ հարթակներում չտրվել հակառակորդի հատուկ ծառայությունների կողմից ուղղորդված ապատեղեկատվությանը և վախի մթնոլորտ ստեղծելուն ուղղված նյութերին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала