Բնական գեղեցկություն. ո՞վ կներկայացնի Հայաստանը "Միսս Երկիր" մրցույթում

© Photo : provided by Yana GrigoryanУчастница из Армении на конкурсе красоты "Мисс Земля 2021", 23-летняя Марина Шукурян
Участница из Армении на конкурсе красоты Мисс Земля 2021, 23-летняя Марина Шукурян - Sputnik Արմենիա, 1920, 25.09.2021
Պրոդյուսեր Յանա Գրիգորյանի խոսքով` համավարակի պատճառով մրցույթը կանցկացվի հեռահար։
ԵՐԵՎԱՆ, 25 սեպտեմբերի – Sputnik. «Միսս Երկիր» գեղեցկության միջազգային մրցույթում Հայաստանն այս տարի կներկայացնի Երևանում ծնված 23-ամյա Մարինա Շուքուրյանը։ Տեղեկությունը Sputnik Արմենիային հայտնեց պրոդյուսերը՝ Յանա Գրիգորյանը, որը 20 միջազգային մրցույթների հայաստանյան ներկայացուցչության տնօրենն է։
© Photo : provided by Yana GrigoryanՄարինա Շուքուրյան
Участница из Армении на конкурсе красоты Мисс Земля 2021, 23-летняя Марина Шукурян - Sputnik Արմենիա, 1920, 24.09.2021
Մարինա Շուքուրյան
Մարինան մասնագիտությամբ տնտեսագետ է: Ավարտել է ԵՊՀ–ի տնտեսագիտություն և կառավարում բաժինը: Սովորել է նաև գրաֆիկ դիզայն և հիմա աշխատում է այդ ոլորտում, զուգահեռ զբաղվում է մոդելինգով։
© Photo : provided by Yana GrigoryanՄարինա Շուքուրյան
Участница из Армении на конкурсе красоты Мисс Земля 2021, 23-летняя Марина Шукурян - Sputnik Արմենիա, 1920, 24.09.2021
Մարինա Շուքուրյան
«Ունեմ տարբեր հոբբիներ, որոնց թվում են նկարչությունը, երգելն ու դաշնամուր նվագելը։ Ժամանակ առ ժամանակ մեծ թենիսով եմ զբաղվում, ինչպես նաև ազատ ժամանակս տրամադրում եմ կամավորական աշխատանքներին։ Շատ եմ սիրում ճանապարհորդել, ծանոթանալ տարբեր երկրների մշակույթին, քանի որ դա ինձ միշտ ոգեշնչում է: Սիրում եմ կենդանիներին, հատկապես` շներին, հաճախ եմ գնում անտուն կենդանիների ապաստարան, փորձում եմ նրանց համար բարի տերեր գտնել»,–ասում է Մարինան:
© Photo : provided by Yana GrigoryanՄարինա Շուքուրյան
Участница из Армении на конкурсе красоты Мисс Земля 2021, 23-летняя Марина Шукурян - Sputnik Արմենիա, 1920, 24.09.2021
Մարինա Շուքուրյան
Նա 2019 թվականին արժանացել է «Թոփ մոդել Հայաստան» տիտղոսին: Մարինան շատ ուրախ է, որ հենց իրեն է հնարավորություն ընձեռվել ներկայացնելու Հայաստանը «Միսս Երկիր 2021»–ում։ Նշենք, որ աղջիկը չի դիմել ոչ մի պլաստիկ միջամտության։
«Լինելով այդ մրցույթի մասնակից` ուղերձ եմ հղելու երկրագնդի բնակիչներին, որպեսզի պահպանեն ու փայփայեն մեր շրջակա միջավայրը»,–ասաց նա։
Պրոդյուսեր Յանա Գրիգորյանի խոսքով` համավարակի պատճառով մրցույթը կանցկացվի հեռահար։
Торжественная церемония избрания победительниц конкурсов Мисс Вселенная Армения и Мисс Мира Армения, которые представят Армению на конкурсах Мисс Вселенная и Мисс Мира (22 сентября 2021). Еревaн - Sputnik Արմենիա, 1920, 22.09.2021
Հայտնի է` հայ գեղեցկուհիներից ովքեր կմասնակցեն "Միսս տիեզերք" և "Միսս աշխարհ" մրցույթներին
«Միսս Երկիր 2021»–ը մեկնարկել է սեպտեմբերի 20–ին Ֆիլիպիններում և կավարտվի դեկտեմբերի 12–ին։ Այս տարի տիտղոսի համար կպայքարեն 100 երկրների գեղեցկուհիներ։ Հայաստանը մրցույթին մասնակցում է 5–րդ անգամ։
«Այս տարի որոշեցի համագործակցել Տաթև Ավետիսյանի հետ, որը «Թոփ մոդել Արմենիա», «Միսս ֆեյսբուք» և «Միսս ինստագրամ» մրցույթների կազմակերպիչն է։ Կան պլաններ, հետագայում միասին համագործակցելու և բարձր մակարդակով կազմակերպելու ազգային մրցույթ, որի շրջանակում ավելի շատ աղջիկներ հնարավորություն կունենան մասնակցելու նախընտրական փուլին և 2022 թվականին Հայաստանը ներկայացնելու «Միսս Երկիր 2022"–ին»,– նշեց Յանա Գրիգորյանը։
© Photo : provided by Yana GrigoryanՅանա Գրիգորյան
Директор армянского представительства 20 международных конкурсов красоты Яна Григорян - Sputnik Արմենիա, 1920, 24.09.2021
Յանա Գրիգորյան
«Միսս Երկիր» միջազգային գեղեցկության մրցույթն անցկացվում է ՄԱԿ-ի հովանավորությամբ։ Սա այն մրցույթներից է, որտեղ աղջիկներն արտաքին տվյալներից բացի, պետք է կարողանան ճիշտ ներկայացնել սոցիալական մի շարք հարցեր, մասնավորապես շրջակա միջավայրի պաշտպանությանն ու բնապահպանությանն առնչվող խնդիրները։
Հիշեցնենք, որ 2015 թվականին այս մրցույթում մեր երկիրը ներկայացրել է Լիլիթ Մարտիրոսյանը, 2018 թվականին՝ Սոնա Դանիելյանը, 2019 թվականին`Հռիփսիմե Սարգսյանը, 2020–ին`Երանուհի Մելիքյանը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала