https://arm.sputniknews.ru/20210925/khaghaghapahnern-apahvovel-en-lachini-mijancqvov-mvot-65-hazar-meqenaneri-anvtang-sharzhy-33633808.html

Խաղաղապահներն ապահովել են Լաչինի միջանցքով մոտ 65 հազար մեքենաների անվտանգ շարժը

Խաղաղապահներն ապահովել են Լաչինի միջանցքով մոտ 65 հազար մեքենաների անվտանգ շարժը

Sputnik Արմենիա

Ռուս խաղաղապահները ստուգում են Լաչինի միջանցքով անցնող յուրաքանչյուր մեքենա։ 25.09.2021, Sputnik Արմենիա

2021-09-25T10:38+0400

2021-09-25T10:38+0400

2021-09-25T10:53+0400

արցախ

խաղաղապահներն արցախում

https://cdn.am.sputniknews.ru/img/07e4/0b/11/25380985_0:83:1600:983_1920x0_80_0_0_baed37a375adb32135bb7db3020885c9.jpg

ԵՐԵՎԱՆ, 25 սեպտեմբերի - Sputnik. Ռուսական խաղաղապահ զորակազմի զինծառայողները 2020 թվականի նոյեմբերից ի վեր ապահովել են մոտ 65 հազար ավտոմեքենաների և ավելի քան 230 հազար մարդկանց անվտանգ տեղաշարժը Լաչինի միջանցքով։ Տեղեկությունը հայտնում է ՌԴ ՊՆ մամուլի ծառայությունը։ Շուրջօրյա ռեժիմով խաղաղապահները վերահսկում են նաև պարենի և տարբեր ապրանքների անվտանգ փոխադրումը դեպի Արցախ և հակառակ ուղղությամբ։«Անձնակազմը վերահսկում է հրադադարի ռեժիմի պահպանումը, շուրջօրյա ռեժիմով իրականացնում է տրանսպորտային միջոցների անցագրային հսկողությունը Լաչինի միջանցքով։ Յուրաքանչյուր մեքենա ենթարկվում է զննման։ Եթե կասկած է հարուցում, զինծառայողներն ավելի հանգամանորեն են զննում: Մեկ օրվա ընթացքում շուրջ 200 ավտոմեքենա է անցնում», - նշել է ռուսական խաղաղապահ զորախմբի ներկայացուցիչ Վասիլի Դավիդովը։Ռուսական խաղաղապահ զորակազմի զինծառայողները ամրաշինական կառույցներով հագեցած դիտակետերում պլանային կարգով անցկացնում են մարտական պատրաստության պարապմունքներ, ինչպես նաև խախտումների և հնարավոր հարձակման կասեցման վարժանքներ:Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

https://arm.sputniknews.ru/20210924/khaghaghapahneri-nkatmamb-vstahutjan-gaghtniqy-vorn-e-general-kosvobvokvovi-araqelutjan-hajvoghutjuny-33628570.html

2021

Լուրեր

am_HY

արցախ, խաղաղապահներն արցախում