Фон для радио  - Sputnik Արմենիա, 1920
ՌԱԴԻՈ

Պետք չէ ճանճից փիղ սարքել. Պողոսյանը` Հայաստանի և Ադրբեջանի նախարարների հանդիպման մասին

«Պետք չէ ճանճից փիղ սարքել». Թևան Պողոսյանը` Միրզոյանի և Բայրամովի հանդիպման սպասելիքների մասին
Մարդկային զարգացման միջազգային կենտրոնի ղեկավար Թևան Պողոսյանը Sputnik Արմենիայի եթերում նշել է, որ Արարատ Միրզոյանի և Ջեյհուն Բայրամովի հանդիպումն ավելի շատ ցուցադրական, քան գործնական բնույթ է կրում։
Հայաստանի և Ադրբեջանի արտաքին գործերի նախարարների հանդիպումից մեծ ակնկալիքներ ունենալ պետք չէ։ Sputnik Արմենիայի հետ զրույցում նման կարծիք հայտնեց Թևան Պողոսյանը` անդրադառնալով 44-օրյա պատերազմից հետո Արարատ Միրզոյանի և Ջեյհուն Բայրամովի առաջին հանդիպմանը։

«Զրո ակնկալիք ունեմ այդ հանդիպումից։ Պետք չէ ճանճից փիղ սարքել։ Հատկապես, երբ դրա համար որևէ հիմք չկա։ Հանդիպել են հանուն նրա, որ Մինսկի խումբն ասի` մենք ինչ-որ գործ ենք անում»,- ասաց Պողոսյանը։

Նրա խոսքով` դժվար է որևէ բան սպասել մի հանդիպումից, որտեղ կողմերը առաջ են քաշում երկու հակադիր պայմաններ։ Բաքվի բռնապետ Իլհամ Ալիևը շարունակում է պնդել, որ Արցախի հարց գոյություն չունի, Հայաստանի վարչապետ Նիկոլ Փաշինյանն էլ խոսում է ինքնորոշման խնդրից։
«Եթե այդքան հարգում եք ինքնորոշման իրավունքը, բարի եղեք որպես կայացած պետություն ճանաչել այն, ինչը ցանկանում եք, որ աշխարհը ճանաչի։ Եթե դուք չեք ճանաչում, աշխարհը ինչի՞ հիման վրա պետք է այն ճանաչի»,- նշեց Պողոսյանը։
Նրա կարծիքով` միամտություն է հավատալ , թե ԵԱՀԿ Մինսկի խմբի համանախագահների միջնորդավորված հանդիպումներն ու դրանց հաջորդող հայտարարությունները վճռորոշ կլինեն խնդրի կարգավորման համար, մանավանդ հիմա, երբ Ալիևը հանդես է գալիս հաղթողի դիրքերից և անթաքույց հայտարարում, որ Մինսկի խումբը սպառել է իրեն։
«Նրանց չի հաջողվել հակամարտության խաղաղ կարգավորման հարցում դրական տեղաշարժ ապահովել։ 30 տարի մեզ քարոզում էին ուժ չկիրառելու մասին, և մենք տեսանք, որ այդ նույն Մինսկի խմբի համանախագահող երկրներից որևէ մեկը այդ սկզբունքի դեմ ո՛չ խոսք ասաց 44 օրվա ընթացքում, ո՛չ գործողություն արեց»,- հավելեց Պողոսյանը։
Հիշեցնենք, որ երեկ Մինսկի խմբի համանախագահներն առանձին հանդիպումներ, ինչպես նաև համատեղ բանակցություններ են անցկացրել Հայաստանի և Ադրբեջանի արտգործնախարարների հետ։
ԵԱՀԿ ՄԽ համանախագահները հայտարարություն են տարածել. ի՞նչ են առաջարկել Երևանին ու Բաքվին
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала