Фон для радио  - Sputnik Արմենիա, 1920
ՌԱԴԻՈ

Որքանով է ապահովված Արցախի անվտանգությունը. Արտակ Բեգլարյանը` հիմնախնդրի կարգավորման մասին

Որքանով է ապահովված Արցախի ու արցախցիների անվտանգությունը
Արցախի պետական նախարար Արտակ Բեգլարյանի խոսքով` Արցախում անվտանգության խնդիրը կարող է երկարաժամկետ լուծում ունենալ։
Արցախում կարճաժամկետ առումով անվտանգային խնդիրները լուծված են, ինչը չի կարելի ասել երկարաժամկետի հեռանկարի մասին։ Sputnik Արմենիայի հետ զրույցում նման կարծիք հայտնեց Արցախի պետական նախարար Արտակ Բեգլարյանը։
Նրա խոսքով` քանի դեռ ռուս խաղաղապահներն Արցախում են, քանի դեռ ադրբեջանական կողմը շարունակում է խոսել սպառնալիքի լեզվով, արկածախնդրություն է խոսել Արցախում անվտանգային խնդիրների լուծման մասին։ Նույնիսկ ռուս խաղաղապահների ներկայության պարագայում Արցախը երբեմն հայտնում է ադրբեջանական սադրանքների կիզակետում։

«Կարճաժամկետ առումով մի քանի դրվագներ լինում են, եղել են նաև մի քանի խոշոր դրվագներ, նաև վիրավորման դեպքեր, այդ թվում` զինծառայողների ու քաղաքացիական անձանց, բայց մեծ հաշվով այս պահին Արցախի ու արցախցիների անվտանգությունն ապահովված է»,- ասաց նա։

Բեգլարյանը հուսով է, որ միջազգային երաշխիքներով, այդ թվում խաղաղապահների երկարաժամկետ ներկայությամբ հնարավոր կլինի երկարաժամկետ երաշխիքներ ստանալ և այդ ընթացքում կարգավորել հակամարտությունը Արցախի ժոովրդի ինքնորոշման իրավունքի անվերապահ ընդունման, միջազգային կարգավիճակի` անկախության ճանաչման, Արցախի ժողովրդի իրավունքների պաշտպանության և մեր օկուպացված տարածքների դեօկուպացիայի հիման վրա։
«Նախկին ԼՂԻՄ սահմանները և Շահումյանը օկուպացված են, և պետք է դրանք ճանաչել հայկական, սակայն շատ դեպքերում երկրները միմյանց ճանաչում են կամ նույնիսկ ՄԱԿ-ի անդամ են դառնում առանց սահմանների հստակեցման»,- նշեց Բեգլարյանը։
Ըստ նրա` կարևորն այս պարագայում կարգավիճակն է ու ճանաչումը, սահմանները կարող են տասնամյակներ շարունակ քննարկվել, վեճերի առարկա լինել։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала