Եռաբլուր է այցելել Հայաստանում ԱՄՆ դեսպան Լին Թրեյսին

© Photo : U.S. Embassy YerevanПосол США Линн Трейси почтила память жертв карабахской войны в военном пантеоне "Ераблур" (27 сентября 2021). Еревaн
Посол США Линн Трейси почтила память жертв карабахской войны в военном пантеоне Ераблур (27 сентября 2021). Еревaн - Sputnik Արմենիա, 1920, 27.09.2021
Հայաստանում ԱՄՆ դեսպանը ծաղիկներ է խոնարհել զոհվածների շիրիմներին։
ԵՐԵՎԱՆ, 27 սեպտեմբերի – Sputnik. Պատերազմի առաջին տարելիցին Եռաբլուր է այցելել Հայաստանում ԱՄՆ դեսպան Լին Թրեյսին: Տեղեկությունը հայտնում է Հայաստանում ԱՄՆ դեսպանությունը։
«Խորապես ցավակցում և մեր զորակցություն ենք հայտնում Լեռնային Ղարաբաղի հակամարտության ողջ ժամանակահատվածում զոհված և վիրավորված անձանց ընտանիքներին»,–ասել է դեսպանը։
Նա ծաղիկներ է խոնարհել զոհվածների շիրիմներին, ցավակցություն հայտնել զոհվածների ծնողներին։
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։
2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։
Ըստ ՀՀ քննչական կոմիտեի` պատերազմի հետևանքով հայկական կողմը 3781 զոհ է ունեցել։ 2021 թվականի սեպտեմբերի 27-ի դրությամբ` անհայտ է 231 զինծառայողների ու 22 քաղաքացիական անձանց գտնվելու վայրը։ Մինչ օրս Ադրբեջանի Հանրապետության կողմից Հայաստանի Հանրապետություն են հանձնվել գերեվարված ընդհանուր թվով 108 զինծառայող և քաղաքացիական անձ:
Акция - Sputnik Արմենիա, 1920, 27.09.2021
Ամոթ Ալիևին. Վաշինգտոնում հայ համայնքն Ադրբեջանի դեսպանության առջև բողոքի ակցիա է արել
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала