Պայմանավորված ամսաթիվ չկա. Մհեր Գրիգորյանի գրասենյակը` Ալիևի հայտարարության մասին

© Sputnik / Максим Блинов / Անցնել ֆոտոբանկՄհեր Գրիգորյան
Մհեր Գրիգորյան - Sputnik Արմենիա, 1920, 27.09.2021
Մհեր Գրիգորյան
Բաժանորդագրվեք
Yandex newsTelegram
2021 թվականի հունվարի 11-ին Մոսկվայում կայացած բանակցությունների արդյունքում ստեղծվել է երեք երկրների փոխվարչապետների մակարդակով եռակողմ աշխատանքային խումբ։ Հայկական կողմից հանձնաժողովի աշխատանքներին մասնակցում է Մհեր Գրիգորյանը:
ԵՐԵՎԱՆ, 27 սեպտեմբերի – Sputnik. ՀՀ փոխվարչապետ Մհեր Գրիգորյանի գրասենյակը ո՛չ հաստատում, ո՛չ էլ հերքում է Ադրբեջանի նախագահ Իլհամ Ալիևի` առաջիկա եռակողմ հանդիպման մասին հայտարարությունը։

«Չենք բացառում, բայց այս պահին հաջորդ հանդիպման վերաբերյալ պայմանավորված ամսաթիվ չկա»,– Sputnik Արմենիայի հարցին ի պատասխան ասացին փոխվարչապետի գրասենյակից։

Այսօր Ալիևը թուրքական «Anadolu» գործակալությանը տված հարցազրույցում ասել է, որ Հայաստանի, Ռուսաստանի ու Ադրբեջանի փոխվարչապետների մակարդակով աշխատանքային խմբի հաջորդ հանդիպումը կկայանա հոկտեմբերին։
Предвыборный плакат президента Азербайджана Ильхама Алиева в отражении витрины (13 2008). - Sputnik Արմենիա, 1920, 27.09.2021
Ալիևը հակամարտությունը լուծված է համարում, բայց սպասում է ԵԱՀԿ ՄԽ առաջարկներին
Հիշեցնենք` օգոստոսի 17-ին հայտնի դարձավ, որ ՀՀ փոխվարչապետ Մհեր Գրիգորյանը, Ռուսաստանի փոխվարչապետ Ալեքսեյ Օվերչուկը և Ադրբեջանի փոխվարչապետ Շահին Մուստաֆաևը վերսկսել են եռակողմ աշխատանքային խմբի աշխատանքը:
Հենց Գրիգորյանն էլ հայտարարել էր, որ կապն ադրբեջանական կողմի հետ դադարեցվել է այն բանից հետո, երբ մայիսի 27-ի առավոտյան 6 հայ զինվորականներ գերեվարվել են սեփական երկրի տարածքում։
Հավելենք, որ տարածաշրջանային հաղորդակցությունների ապաշրջափակման մասին գրված է Հայաստանի, Ռուսաստանի և Ադրբեջանի ղեկավարների համատեղ հայտարարության մեջ, որը ստորագրվեց 2021 թվականի հունվարի 11-ին Մոսկվայում կայացած բանակցությունների արդյունքում: Բանակցությունների նպատակով ստեղծվեց երեք երկրների փոխվարչապետների մակարդակով եռակողմ աշխատանքային խումբ։ Հայկական կողմից հանձնաժողովի աշխատանքներին մասնակցում է Մհեր Գրիգորյանը:
Հանուն դրա էլ մենք աշխատում ենք. ՌԴ փոխվարչապետը` եռակողմ բանակցությունների մասին
Լրահոս
0