Ռուս մասնագետները խոսել են AstraZeneca-ի ու "Սպուտնիկ Լայթի" համադրության մասին

© Российский фонд прямых инвестиций (РФПИ) / Անցնել ֆոտոբանկՍպուտնիկ Լայթ
Սպուտնիկ Լայթ - Sputnik Արմենիա, 1920, 27.09.2021
Սպուտնիկ Լայթ
Տվյալները հիմնված են առաջին 20 մասնակիցների հետազոտության արդյունքների վրա։ Կամավորները ստացել են համադրության երկու բաղադրիչները:
ԵՐԵՎԱՆ, 27 սեպտեմբերի – Sputnik. Կորոնավիրուսի դեմ «AstraZeneca» և «Սպուտնիկ Լայթ» պատվաստանյութերի համադրումը ցույց է տվել, որ արդյունքում S-սպիտակուցի դեմ հակամարմինների բարձր աճ է գրանցվում։ Տեղեկությունը հայտնում է Ուղիղ ներդրումների ռուսական հիմնադրամը:
«Միջանկյալ վերլուծության արդյունքների համաձայն՝ կամավորների 85 տոկոսի մոտ նկատվել է SARS-CoV-2 վիրուսի փշանման սպիտակուցի (S-սպիտակուցի) չեզոքացնող հակամարմինների քառապատիկ ու ավելի մեծ աճ։ Արդյունքները գրանցվել են հետազոտության 57-րդ օրը», - նշում են հիմնադրամում:
Պատվաստման կետ Հյուսիսային պողոտայում - Sputnik Արմենիա, 1920, 26.09.2021
«Պատվաստում կամ թեստավորում» պահանջը հակասահմանադրակա՞ն է. ինչ է սպասվում հոկտեմբերի 1-ին
Տվյալները հիմնված են առաջին 20 մասնակիցների հետազոտության արդյունքների վրա։ Նրանք ստացել են համադրության երկու բաղադրիչները: Որպես առաջին բաղադրիչ` օգտագործվել է «AstraZeneca» ընկերության պատվաստանյութը, որպես երկրորդ բաղադրիչ՝ «Սպուտնիկ Լայթը» (29 օր դադարից հետո):
Հետազոտությունը, որին այսօր 100 կամավոր է մասնակցում, մեկնարկել է 2021 թվականի փետրվարին Ադրբեջանում:
Բացի այդ, պատվաստանյութերի համադրության գլոբալ ծրագրի շրջանակում կլինիկական հետազոտություն է իրականացվում Արաբական Միացյալ Էմիրություններում ու Ռուսաստանում: Կարգավորիչները թույլ են տվել հետազոտություններ անցկացնել նաև Բելառուսում։
Совещание по макроэкономическим и налогово-бюджетным программам во главе с и.о. премьер-министра Николом Пашиняном (19 мая 2021). Еревaн - Sputnik Արմենիա, 1920, 23.09.2021
Փաշինյանը հանձնարարել է ապահովել նոր հրամանի կիրարկումը
«Պատվաստանյութերի կոկտեյլն» առաջին անգամ կիրառվել է «Սպուտնիկ V» պատվաստանյութի հիմքով։ Ուղիղ ներդրումների ռուսական հիմնադրամն աշխարհում առաջինն է հանդես եկել արտասահմանյան պատրաստուկների հետ «Սպուտնիկ V» առաջին բաղադրիչի համատեղ հետազոտությունների նախաձեռնությամբ:
Հայաստանում արտադրվել է "Սպուտնիկ Լայթ" պատվաստանյութի առաջին խմբաքանակը
2020 թվականի դեկտեմբերին Ռուսաստանի նախագահ Վլադիմիր Պուտինի ներկայությամբ Ուղիղ ներդրումների ռուսական հիմնադրամը, Գամալեայի անվան կենտրոնը, «Ռ-Ֆարմ» ընկերությունների խումբը և «AstraZeneca» ընկերությունը համագործակցության հուշագիր էին ստորագրել «AstraZeneca» պատվաստանյութի և "Սպուտնիկ V" պատվաստանյութի առաջին բաղադրիչի անվտանգության և իմունոգենության համատեղ կլինիկական հետազոտություններ անցկացնելու համար:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала