ՀՀ-ն ու Արցախը կանգուն են, ու պետք է ամեն ինչ անենք, որ միշտ էլ այդպես մնան. Ալեքսանյան

Հետպատերազմյան Հայաստանի ներքաղաքական իրողությունների, պարտությունից հետո մարդկանց կորսված հավատի և պատերազմի հետևանքների հաղթահարման իշխանական տեսլականի մասին Sputnik Արմենիայի տաղավարում զրուցել ենք պատգամավոր Վահագն Ալեքսանյանի հետ։
Պատերազմից մեկ տարի անց պատերազմի հետևանքները չենք հաղթահարել, և որքան շուտ ու համախմբված մեր ջանքերն ուղղենք այդ կողմ, այնքան ավելի արագ կուղղենք մեր մեջքը, Sputnik Արմենիայի հետ զրույցում ասաց ԱԺ պաշտպանության և անվտանգության մշտական հանձնաժողովի անդամ, «Քաղաքացիական պայմանագիր» խմբակցության պատգամավոր Վահագն Ալեքսանյանը։
«Ուզում եմ, որ բոլորս ֆիքսենք` Հայաստանն ու Արցախը կանգուն են, ու ամեն մեկս, ինչ էլ որ լինի անկախ մեր հայացքներից ու հավատամքներից, պետք է ամեն ինչ անենք, որ դա միշտ էլ այդպես մնա»,- ասաց նա:
Պետք է միացյալ լինենք, քանի որ կարող է նորից պատերազմի առաջ կանգնենք. Սասուն Միքայելյան
Նրա խոսքով` պարտությունից հետո պետք է հայ ժողովրդի մեջ վերականգնել հավատը, որը կորավ պատերազմում պարտությունից հետո։ Իսկ պարտվեցինք, ըստ նրա, որովհետև 30 տարի շարունակ ապրել ենք լրիվ այլ իրականության մեջ, որովհետև նախկին իշխանությունները բանակը չեն զինել, մարդկանց ոչմիթիզականություն են քարոզել։
Իսկ ի՞նչ են արել նորերը իրենց իշխանության 3 տարիներին։ Պատգամավորն առանձնացնում է պայմանագրային զինծառայողների աշխատավարձերի բարձրացումն ու նոր սպառազինության ձեռքբերումը։ Սպառազինության մասին շատ չի խոսում Ալեքսանյանը, ասում է` դրանք պետական և ռազմական գաղտնիք պարունակող տեղեկություններ են։ Որպես օրինակ հիշատակում է խորհրդարանական ընդդիմության կողմից այդքան շատ քննադատված ՍՈւ-երի գնումը, որոնց չգնված հրթիռները պաշտպանական գերատեսչությունը այդպես էլ չհասցրեց ձեռք բերել։
Предвыборный плакат президента Азербайджана Ильхама Алиева в отражении витрины (13 2008). - Sputnik Արմենիա, 1920, 27.09.2021
Ալիևը հակամարտությունը լուծված է համարում, բայց սպասում է ԵԱՀԿ ՄԽ առաջարկներին
«Դուք ասում եք՝ հրթիռները չկային, բայց ցանկացած նորագույն զենք, եթե բերեն, մենք չենք կարողանալու օգտագործել 3-4 տարի, որովհետև սպասարկող անձնակազմի պատրաստման և շատ տարբեր հարցեր կան»,- նշեց Ալեքսանյանը:
Ադրբեջանական նախապայմանների, «Սյունիքի միջանցքի», Թուրքիայի նախագահի բանագնացի երևայան այցի մասին տարածված լուրերի, Գորիս-Կապան միջպետական ճանապարհից հրաժարվելու, մեկ անձից գնումներ կատարելու և մրցույթ չհայտարարելու` Սուրեն Պապիկյանի որոշման պատճառների, 44-օրյա պատերազմի քննիչ հանձնաժողովի ձևավորման ընթացքի ու այլ հարցերի մասին զրույցն ամբողջությամբ դիտեք տեսանյութում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала