Չինաստանում հայտնաբերվել են 32 հազար տարեկան մարդու գանգի ոսկորներ

© Sputnik / Виталий Тимкив / Անցնել ֆոտոբանկՊեղումներ
Պեղումներ - Sputnik Արմենիա, 1920, 28.09.2021
Պեղումներ. Արխիվային լուսանկար
Բացի գանգի բրածոներից, հնագետները հայտնաբերել են ձիերի, այծերի, արջերի, եղջերուների, վայրի խոզերի և գայլերի ոսկորների ավելի քան 10 հազար բեկորներ։
ԵՐԵՎԱՆ, 28 սեպտեմբերի - Sputnik. Չինացի գիտնականները հայտնաբերել են երկու մարդկային գանգերի բրածոներ, որոնցից մեկը 32 հազար տարեկան է, հայտնում է ՌԻԱ Նովոստին՝ հղում անելով «Սինհուա» գործակալությունը։
Գործակալության տվյալներով՝ բրածոները հայտնաբերվել են Չինաստանի կենտրոնական Հենան նահանգի քարանձավներից մեկում: Նշվում է, որ հայտնաբերված գանգը ժամանակակից մարդկանց մնացորդների ամենավաղ հայտնի նմուշն է:
Развалины армянской церкви в Ани - Sputnik Արմենիա, 1920, 09.09.2021
Հնագետներին ուղղված թուրքական պատվեր. Անկարան ուզում է ջնջել Անիի հայկական պատմությունը
«Մարդաբաններն ասացին, որ քարանձավում հայտնաբերված մարդկային գանգի երկու բրածոները համապատասխանաբար 32,000 և 12,000 տարեկան են», - ասվում է գործակալության հաղորդագրության մեջ:
Հենան նահանգի մշակութային ժառանգության և հնագիտության ինստիտուտի ղեկավար Լյու Հայվանն ասել է, որ նոր գտածոները մեծ նշանակություն ունեն Չինաստանում ժամանակակից մարդու ծագման և զարգացման ուսումնասիրության մեջ:
Հնագետները պնդում են, որ գտել են տրոյական ձիու մասերը
Բացի գանգի բրածոներից, հնագետները հայտնաբերել են ձիերի, այծերի, արջերի, եղջերուների, վայրի խոզերի և գայլերի ոսկորների ավելի քան 10 հազար բեկորներ, որոնք մոտավորապես 30 հազարից 40 հազար տարեկան են: Քարանձավում գիտնականները գտել են նաև քարե գործիքներ, որոնց թվում եղել են քերիչներ:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала