Ղազինյանը 5-րդ անգամ չընտրվեց հանձնաժողովի փոխնախագահ. Քոչարյանն իր լուծումն առաջարկեց

© Sputnik / Aram NersesyanАртур Казинян во время первого заседания парламента Армении 8-го созыва (2 августа 2021). Еревaн
Артур Казинян во время первого заседания парламента Армении 8-го созыва (2 августа 2021). Еревaн - Sputnik Արմենիա, 1920, 28.09.2021
Անդրանիկ Քոչարյանը հայտնեց, որ եթե ևս մեկ անգամ Ղազինյանին առաջադրեն և նա չընտրվի, ստիպված կլինեն օրենսդրական նախաձեռնությամբ հանդես գալ։
ԵՐԵՎԱՆ, 28 սեպտեմբերի – Sputnik. ԱԺ «Հայաստան» խմբակցության առաջադրած թեկնածու Արթուր Ղազինյանը 5-րդ անգամ էլ չընտրվեց ՀՀ ԱԺ պաշտպանության և անվտանգության հարցերի մշտական հանձնաժողովի նախագահի տեղակալ։
«Քաղաքացիական պայմանագիր» խմբակցության պատգամավորները դեմ քվեարկեցին Ղազինյանի թեկնածությանը:
Депутаты оппозиционного блока Айастан на заседании Парламента (4 августа 2021). Еревaн - Sputnik Արմենիա, 1920, 28.09.2021
«Հայաստան» խմբակցությունը պատերազմից մեկ տարի անց 6 հարց է ուղղել կառավարությանը
Նիստը նախագահող Անդրանիկ Քոչարյանը հայտնեց, որ ընդդիմությունը պետք է կողմնորոշվի։
«Մենք ԱԺ կանոնակարգ օրենքը չենք խախտում։ Ես ուզում եմ նման առաջարկ անել` եթե առաջիկա 1 ամսվա ընթացքում մշտական հանձնաժողովի նախագահի տեղակալի նույն թեկնածուն առաջադրվի և չընտրվի, ապա մեր խմբակցությանը կառաջարկենք օրենսդրական փոփոխությամբ հանդես գալ»,–ասաց Քոչարյանը։
"Մերժվածներն" ու "կապիտուլյանտները" ստիպված են ընդհանուր լեզու գտնել
Նրա խոսքով` ըստ այդ փոփոխության կառաջարկեն, որ եթե նույն անձը 2 անգամ չի ընտրվում, ապա պետք է նոր թեկնածու առաջադրեն։
Ղազինյանն էլ լրագրողների հետ զրույցում նշեց, որ իշխանությունն իրավունք չունի ասել` այս թեկնածուին սիրում եմ կամ չեմ սիրում` պարտավոր են հարգել ընդդիմության որոշումը։ Իսկ հրաժարվել այդ հանձնաժողովում անդամ ունենալուց, նշանակում է` այդ դիրքը հանձնել իշխանությանը։ Հետևաբար, ընդդիմությունը չի կարող ենթարկվել Անդրանիկ Քոչարյանի պահանջին և փոխել թեկնածուին։
Հիշեցնենք, որ իշխանական պատգամավորները Ղազինյանի թեկնածությանը դեմ էին քվեարկել նաև օգոստոսի 31-ին ու սեպտեմբերի 6-ին, 13-ին և 22-ին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала