https://arm.sputniknews.ru/20210928/linel-kvoghqin-ev-ognel-erevanum-paliativ-khnamqi-mankakan-klinika-bacvec-33714510.html

Լինել կողքին և օգնել․ Երևանում պալիատիվ խնամքի մանկական կլինիկա բացվեց

Լինել կողքին և օգնել․ Երևանում պալիատիվ խնամքի մանկական կլինիկա բացվեց

Sputnik Արմենիա

Կլինիկայում ամբողջ ծավալով օգնություն կցուցաբերեն անբուժելի հիվանդ երեխաներին, ինչպես նաև կօգնեն նրանց հարազատներին հաղթահարել կորստի ցավը։ 28.09.2021, Sputnik Արմենիա

2021-09-28T12:43+0400

2021-09-28T12:43+0400

2021-09-28T16:40+0400

հայաստան

երեխա

https://cdn.am.sputniknews.ru/img/07e5/09/1c/33714220_0:92:1600:992_1920x0_80_0_0_1c6e1ae1a4b32e16785de44a70d32193.jpg

ԵՐԵՎԱՆ, 28 սեպտեմբերի – Sputnik. Երևանում «City of smile» («Ժպիտների քաղաք») բարեգործական հիմնադրամի նախաձեռնությամբ և ֆինանսավորմամբ Ռ․ Յոլյանի անվան Արյունաբանական կենտրոնին կից պալիատիվ խնամքի մանկական կլինիկա բացվեց։Արյունաբանական կենտրոնի տնօրեն Սամվել Դանիելյանը լրագրողներին հայտնեց, որ կլինիկայում հինգ տեղ է նախատեսված օնկոհեմոտոլոգիական հիվանդություններով բուժառուների համար: Արդեն նոր կլինիկա են տեղափոխվել 2-3 պացիենտներ, որոնք այստեղ անհրաժեշտ խնամք կստանան։ Նա ընդգծեց, որ այս կլինիկայի ստեղծումը կարևոր և դժվարին խնդիր էր։«Երբ պալիատիվ խնամքի կարիք ունեցող պացիենտը գտնվում է բաժանմունքում, որտեղ ևս 30 մարդ կա, շատ դժվար է ոչ միայն կազմակերպել նրա խնամքը, այլև մյուսներին հեռու պահել բացասական մտքերից, ապաքինման հավատ ներշնչել։ Նրանց դուրս գրել նույնպես չի կարելի, չէ՞ որ տանը երեխաներ կան, և պացիենտի խնամքը նրանց վրա ծանր կանդրադառնա։ Մենք երկար ժամանակ չէինք կարողանում ելք գտնել»,-նշեց Դանիելյանը։«City of smile» հիմնադրամի ղեկավար Էսթեր Դեմիրճյանը վստահեցրեց, որ կլինիկան հագեցած է անհրաժեշտ սարքավորումներով։ Բացման աշխատանքները նախատեսվածից երկար են տևել․ սկզբում խանգարել է կորոնավիրուսի համավարակը, ապա՝ պատերազմը։Կլինիկայի ստեղծման համար անհատներ և բարեգործական կազմակերպություններ են գումար տրամադրել ։«Սա ոչ այնքան բժշկական, որքան մարդասիրական ծառայություն է։ Միակ նպատակը պացիենտի կողքին լինելն է, նրա կյանքի որակը բարձրացնելը»,- ասաց նա։Հայ առաքելական եկեղեցու Տավուշի թեմի առաջնորդ և «City of smile» հիմնադրամի հոգաբարձուների խորհրդի նախագահ Բագրատ եպիսկոպոս Գալստանյանն էլ նշեց, որ սա այնքան էլ հոսպիս չէ, այլ վայր, որտեղ «կկառավարեն ցավը», ընտանիքի անդամներին և հենց բուժառուներին կօգնեն հաղթահարել հոգևոր և հոգեբանական խնդիրները, ինչպես նաև պատշաճ խնամք ապահովել նրանց համար:«Կարևոր է գիտակցել, որ բարդ է ոչ միայն պացիենտների և նրանց հարազատների, այլև բժիշկների համար, որոնք ամեն օր շփվում են հիվանդների հետ և կարևոր ու դժվարին որոշումներ են ընդունում»,- նշեց արքեպիսկոպոսը։Ինչպես կարող է մաթեմատիկան օգնել քաղցկեղի դեմ պայքարին. պատմում է հայ գիտնականըՆշենք, որ «City of Smile» բարեգործական հիմնադրամը ստեղծվել է 2014 թ․-ին։ Հիմնադրամը աջակցել է շուրջ 400 շահառուների Հայաստանից, Արցախից և Ջավախքից: Այն օգնում է երեխաներին քաղցկեղի և արյան հիվանդությունների բուժման հարցում՝ ապահովելով անվճար բուժում, դեղորայք և սնունդ։«Ես կամ և լինելու եմ». քաղցկեղը դատավճիռ չէԱմեն տարի աշխարհում մոտ 200 000 երեխայի քաղցկեղ են ախտորոշում, ամեն օր քաղցկեղից մահանում է 250 երեխա։ Վիճակագրության համաձայն՝ Հայաստանում տարեկան քաղցկեղ է ախտորոշվում միջինը 80-100 երեխայի։ Սակայն վաղ պրոֆիլակտիկայի միջոցով կարելի է խուսափել մահացու ելքից։Կենսաբանները նկարագրել են քաղցկեղի առաջացման նոր մեխանիզմը

2021

Լուրեր

am_HY

հայաստան, երեխա