Ռոբերտ Քոչարյանի գործով դատը հետաձգվեց. Արմեն Գևորգյանը նոր փաստաբան ունի

© Sputnik / Aram NersesyanРоберт Кочарян в зале Шенгавитского суда (2 февраля 2021). Еревaн
Роберт Кочарян в зале Шенгавитского суда (2 февраля 2021). Еревaн - Sputnik Արմենիա, 1920, 28.09.2021
Նիստի ընթացքում դատավորն ու նոր փաստաբանը վիճեցին. դատավորը թույլ չտվեց, որ Գևորգյանն ու Սահակյանը ելույթ ունենան:
ԵՐԵՎԱՆ, 28 սեպտեմբերի - Sputnik. Երևան քաղաքի ընդհանուր իրավասության դատարանը հետաձգեց ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի գործով դատական նիստը:
Դատը հետաձգվեց, քանի որ Գևորգյանը նոր փաստաբան ունի՝ Լուսինե Սահակյանը։ Դատարանը նրան մեկ շաբաթ տվեց գործի նյութերին ծանոթանալու համար։
Հաջորդ նիստը նշանակվեց հոկտեմբերի 5-ին` ժամը 13:00-ին:
Роберт Кочарян во время интервью (14 июня 2021). Еревaн - Sputnik Արմենիա, 1920, 17.09.2021
Ռոբերտ Քոչարյանը Մոսկվա չի մեկնի. պարտադրված չեղարկել են այցը
Նշենք, որ նիստի ընթացքում մի փոքր վիճաբանություն եղավ Լուսինե Սահակյանի և դատավոր Աննա Դանիբեկյանի միջև:
Արմեն Գևորգյանը ցանկություն հայտնեց հայտարարությամբ հանդես գալ՝ ԵԽԽՎ նիստին մասնակցելու նպատակով երկրից մեկնելու համար թույլտվությունը մերժելու վերաբերյալ։ Սակայն Դանիբեկյանը թույլ չտվեց ընթերցել հայտարարությունը։ Գևորգյանն առարկեց, իսկ պաշտպան Լուսինե Սահակյանը փորձեց ինքը ներկայացնել այդ հայտարարությունը, ինչը դատավորը նույնպես թույլ չտվեց։ Արդյունքում Աննա Դանիբեկյանը հրահանգեց խոսափողը վերցնել փաստաբանի մոտից։
Նշենք, որ Գևորգյանն այժմ «Հայաստան» խմբակցության պատգամավոր է։
Սեպտեմբերի 7-ին փաստաբան Էրիկ Ալեքսանյանը հայտարարեց, որ այլևս չի պաշտպանելու նախկին փոխվարչապետ, ԱԺ գործող պատգամավոր Արմեն Գևորգյանի շահերը: Ալեքսանյանն այդ որոշումը կայացրել էր դատավոր Աննա Դանիբեկյանի հետ վեճից հետո։
Հիշեցնենք, որ նախկին նախագահին առանձնապես խոշոր չափերի կաշառք ստանալու մեղադրանք է առաջադրվել, իսկ նախկին փոխվարչապետին՝ փողերի լվացման մեղադրանք։
Աննա Դանիբեկյանը չի կարողանում ցույց չտալ իմ նկատմամբ հակակրանքը. Արմեն Գևորգյանի պաշտպան
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала